السلام عليكم و رحمة الله و بركاته.
ملحوظة: أعلم أنَّ هذا الخبر قد يثير الجدل، ولكننى لم أستطِعْ منع نفسى من نقله بعد قراءته كاملاً. للمشرفين حرية غلق الموضوع او تركه حسب تقديرهم.
نص الخبر بتاريخ 2010\10\10:
ألقت أجهزة الأمن القبض على 20 من أعضاء جماعة الإخوان المسلمين بمحافظة الدقهلية بينهم 10 طلاب بجامعة المنصورة .
كانت معلومات قد وردت إلى أجهزة الأمن بالدقلهية باستعداد المتهمين للتخطيط لإعادة إحياء نشاط الجماعة المحظورة والتى تهدف إلى تكدير الأمن العام للمجتمع وقلب نظام الحكم.
فقامت أجهزة الامن بإلقاء القبض على 20 من أعضاء الجماعة بينهم 10 طلاب بجامعة المنصورة تم العثور بحوزة المتهمين على مجموعة من الكتب وأجهزة الكومبيوتر .
تم إحالتهم جميعاً إلى النيابة للتحقيق.
المصدر: مصراوى.
لينك الخبر: https://www.masrawy.com/News/Egypt/P...st_ikhwan.aspx
تعليقى الشخصى:
"تكدير الأمن": دا على اساس إن فى أمن اصلاً؟ دا أنا من كام يوم شايف خبر عن تطاول ُضبَّاط امن دولة على 3 وكلاء نيابة اثناء تفتيشهم لمقر مباحث امن الدولة! يعنى إذا كان وكلاء النيابة اللى يعتبروا ذا سلطة قضائية و لهم نفوذ تطاول عليهم بتوع امن الدولة، تتوقع يعملوا ايه مع الشعب اللى ملوش حد غير ربنا. و من الاصل قانونياً إن تقييد الحرية الشخصية "القبض، أو الحبس (الاعتقال)، او الحجز" بدون وجهة حق "اى بدون تلبس بجريمةٍ ما، يعنى زى ما يبقى شايل سلاح ابيض و ما إلى ذلك، او بدون أمر قضائى" يعتبر جنحة! لكن دول شايليين كتب و جهاز كمبيوتر! كل دا علشان قانون الطوارىء اللى بقاله شغاله قرابة 30 عام اللى بيسمح لرئيس الجمهورية تجريم اى فعل و تفويض غيره فى ممارسة السلطة "الامن"! دا غير حادثة مقتل خالد السعيد!
"وقلب نظام الحكم.": دا على اساس ان نظام الحكم مش مقلوب خلقة؟!
" تم العثور بحوزة المتهمين على مجموعة من الكتب وأجهزة الكومبيوتر": لازم الكتب دى بتشرح طريقة صنع القنبلة النووية و هما كانوا بيدرّبوا عليها على اجهزة الكمبيوتر. و أصلاً ازاى طالب جامعى يشيل كتاب و جهاز كمبيوتر "لاب توب" معاه و هو فى الجامعة! الحاجات دى دخلت فى تصنيف الممنوعات دلوقت!
المفضلات