نظراً للإِشكال الحادث بين كثير من الإخوة: النطق الصحيح لكلمة ASUS

**د . جليبيب الانصاري** · 24-10-2010, 17:20

شكرا لمحاوله اخونا محمد رأب الصدع الحاصل ......... ولكني بصراحه شعرت بتكلف كبير في مخارج الكلمات من المتحدث ...... ناهيك عن ديباجه المقدمه باللغه الانجليزيه ولا اعلم لماذا ....... في تصوري نطق الكلمه ولو بشكل متكرر كان كفيلا بتحقيق الغرض " وجهة نظر "

لا اعلم ولكن عندنا في تخصصي كلمه "Aorta " وهو اسم الشريان الرئيسي المعروف ...... ونطقه الصحيح هو بنطق الحرف الاول على حده ثم ارفاقه بباقي المقطع مجملا .

ولا ننسى ان الهدف من اي لغه هي ايصال المعنى " ولا انكر اهمية الضبط " ولكن نحن كعرب " وكمصري " عند الذهاب للمجمع التجاري " عن نفسي " سأخبر البائع اني اريد منتج " اسوس " ...... لان الغرض هو التواصل ........ شكرا مشرفنا الحبيب .

**ramy** · 24-10-2010, 17:58

ولكني بصراحه شعرت بتكلف كبير في مخارج الكلمات من المتحدث

هذا الأسلوب يستخدم في الرّاديو و نشرات الأخبار إلى آخره من الحالات التي يتوجّه فيها شخص واحد بالكلام لمجموعة..

الأخ محمّد دراسته الجّامعيّة عي اللّغة الإنغليزيّة، و لا يخفى عليك تأثر الدّراسة الجّامعيّة على الإنسان..

**محمد الجوهري** · 24-10-2010, 17:58

^
^
^

دكتورنا الحبيب, كيف أحوالك يا أخى؟

شكرا لمحاوله اخونا محمد رأب الصدع الحاصل

العفو يا ريّـــس ...

ولكني بصراحه شعرت بتكلف كبير في مخارج الكلمات من المتحدث

التكلف سببه الحرص على نطق كل كلمة بشكل سليم, و طبعاً لا أنكر أننى عندما سجلت المقطع كنت حاسس بنوع من الرهبة, المقطع
ده هيسمعه ملايين يا جماعة :D , مش بعيد ألاقى MBC بتتصل بيا أسجل لهم كمان اتنين تلاتة :D

ناهيك عن ديباجه المقدمه باللغه الانجليزيه ولا اعلم لماذا

فزلكة على الفاضى, مش بقول لك: دمه تقيل :D

في تصوري نطق الكلمه ولو بشكل متكرر كان كفيلا بتحقيق الغرض " وجهة نظر "

+1

فكرت فيها, بس قلت لازم اعمل حاجة إحترافية تليق بعرب هاردوير

و فعلا فكرتك متازة, خصوصاً لو تركت 3 ثوان فراغ بين كل كلمة أنطقها و التالية لإتاحة فرصة للمتعلمين لنطق الكلمة و تقييم نطقهم, بس
الكلام ده يا مولانا أعمله و أنا قاعد فى الفصل ... مش فى القسم العام :D

جملتك الأخيرة فى محلها تماماً, أنا شخصيا عمرى ما هأروح المحل أقول له هات لى كارت شاشة أسوووووووس, مش بعيد الراجل يبص
لى من فوق لتحت بمنتهى الإحتقار, و مش بعيد يطردنى برّه المحل, مش بهزر و الله.

و كلماتك هذه أنا أيضا مؤمن بها, و لكن ما دفعنى لتسجيل المقطع هو أن الكلمة أخذت أكبر من حجمها, و الإخوة كل واحد يقول للتانى
دى بتتنطق كذا مش كذا, و دخلنا فى مشاكل, و لقيت إن أحد الإخوة وضع رابط لفيديو به نطق الكلمة الصحيح( لكن به صور نساء) للمرة
الثانية( بعد مرة موضوع الأسعار المشهورة), و كان الحل بوضع رابط لنطق الكلمة بدون وجود نساء فيه, و كان هذا إقتراح الشيخ مبارك
فقمت بتسجيل المقطع و عمل موضوع نزولاً على رغبته.

تبقي إتئفشت يا جوهري

:D:D

إبراهيم, بكل أسف إجابتك صحيحة, بس متأخرة جداً, و لا يمكن الأخذ بها.

لو كنت جاوبت صح كنت كسبت جايزة البرنامج الكبيرة:

^

^

^

ربـــع جنيه تشترى بيه اللى انت عاوزه:

:p , حظ موفق فى المرات القادمة.

**المحب لدين الله** · 24-10-2010, 18:08

مشكور اخي محمد لاني حتي هذه اللحظة كنت اقوم بنطق الكلمة بالطريقه الخطأ

والحمد لله على التصحيح

**event88** · 24-10-2010, 18:24

المشاركة الأصلية كتبت بواسطة محمد الجوهري

^

إبراهيم, بكل أسف إجابتك صحيحة, بس متأخرة جداً, و لا يمكن الأخذ بها.

لو كنت جاوبت صح كنت كسبت جايزة البرنامج الكبيرة:

^

^

^

ربـــع جنيه تشترى بيه اللى انت عاوزه:

:p , حظ موفق فى المرات القادمة.

متأخرة ايه يا محمد :ah24::ah24::ah24: انا شاكك فيك من قبل ما تكتب الموضوع :ah50::ah50:
بس ربع جنيه خير وبركة بس لما يتحول + رسوم التحويل الظاهر اني انا اللي هأدفع عليه :D:D

بس برده يا جوهري مفيش كلام نطقك روعة وطريقتك جذابة

**EL-MARIACHY** · 24-10-2010, 19:38

المشاركة الأصلية كتبت بواسطة د . جليبيب الانصاري

شكرا لمحاوله اخونا محمد رأب الصدع الحاصل ......... ولكني بصراحه شعرت بتكلف كبير في مخارج الكلمات من المتحدث ...... ناهيك عن ديباجه المقدمه باللغه الانجليزيه ولا اعلم لماذا ....... في تصوري نطق الكلمه ولو بشكل متكرر كان كفيلا بتحقيق الغرض " وجهة نظر "

لا اعلم ولكن عندنا في تخصصي كلمه "Aorta " وهو اسم الشريان الرئيسي المعروف ...... ونطقه الصحيح هو بنطق الحرف الاول على حده ثم ارفاقه بباقي المقطع مجملا .

ولا ننسى ان الهدف من اي لغه هي ايصال المعنى " ولا انكر اهمية الضبط " ولكن نحن كعرب " وكمصري " عند الذهاب للمجمع التجاري " عن نفسي " سأخبر البائع اني اريد منتج " اسوس " ...... لان الغرض هو التواصل ........ شكرا مشرفنا الحبيب .

لكنى أرى أنه من المهم جداً أن نتعلم النطق الصحيح لأننا لن نمضى بقيه حياتنا فى العالم العربى , و عندما يُسافر كل منا الى البلاد الخرى و ينطق غلط سيظهر كالنقطه السوداء فى وسط الثلج ( هيتعرف علطول انه شبه جاهل )

هذا ببساطه وجهة نظرى فقط , بل من المفروض أن نعلم التجار لدينا النطق الصحيح حيث أنهم بدورهم يتعاملون مع عدد كبير جداً من العملاء الذين بالتدريج سيتعودوا أن ينطقوا صح

**شلاع العتر** · 24-10-2010, 19:54

بالنسبة لي المقطع رائع جدا واعجبتُ به غاية الاعجاب .... وأكثر ما ميزّه هو المقدمة وخصوصا البدء بالسلام .... تحية اهل الايمان .

طريقة الالقاء الرصينة والكلام ... الواضح ...

كل التقدير أخي محمد الجوهري .

**eng.ahmedhelal** · 24-10-2010, 20:08

عملوا مقاطع وصلت لهزليه لتوضيح النطق و برضوا اصرار و محاوله تبرير ايسوس
ممثل اسوس في مصر بيقولها اسوس و برضوا بنقاوح
دا حتي جوجول بيقولها اسوس
عايزين ايه تاني مؤسس الشركه يجي ينطقها لنا ؟!!
و الله ما هو الا عند
بصراحه بالتوفيق
_______________
محمد الجوهري
شكرا علي زوقك

و علي فكره انا باعتب عليك لاني قولتلك لما تيجي تنزل القاهره قول عشان نفسي اشوفك وانت ما قولتلش و ما عرفتش انك جيت الا تاني يوم

**د . جليبيب الانصاري** · 25-10-2010, 00:14

للمعلوميه فقط فأن ردي بالاعلى كنت منشغل بكتابته قبل رد مشرفنا الحدث قبلي ...... اي انني لم اكن اعلم بأي صوره من الصور او حتى تلميح كون المتحدث هو اخي الحبيب محمد ....... وما كان هذا ليغير من رأيي وانا اعلم انه سيكون مسرور من نقدي الموضوعي من وجهة نظري ....... ولكن ما رأيته من صوره اشبه بالدفاع عن اخي الكريم من قبل الاعضاء والمشرفين بعد ردي اوحى لي انني " تعمدت " ايزاؤه معنويا ....... وهذا بعيد كل البعد عن الصحه .

هذا الأسلوب يستخدم في الرّاديو و نشرات الأخبار إلى آخره من الحالات التي يتوجّه فيها شخص واحد بالكلام لمجموعة..

الأخ محمّد دراسته الجّامعيّة عي اللّغة الإنغليزيّة، و لا يخفى عليك تأثر الدّراسة الجّامعيّة على الإنسان..

هذا الاسلوب الرقيق ليس غريبا عليك استاذ رامي ..... ولكن هي اختلاف في وجهات النظر .... ليس الا .

دكتورنا الحبيب, كيف أحوالك يا أخى؟

" مش كنت تقول انه انت :D ...... ده انا لولا الملامه كانوا قطعوني :D ...... ان شاء الله نازلك انا وواحد حبيبك قريب . "

لكنى أرى أنه من المهم جداً أن نتعلم النطق الصحيح لأننا لن نمضى بقيه حياتنا فى العالم العربى , و عندما يُسافر كل منا الى البلاد الخرى و ينطق غلط سيظهر كالنقطه السوداء فى وسط الثلج ( هيتعرف علطول انه شبه جاهل )

سيدي الفاضل لقد اسلفت انه :

" ولا انكر اهمية الضبط "

وحسب ما اعلم فان الشركه شرعت بهذه الحملات الاعلانيه في الخارج حتى لتصحيح النطق ..... اي انني لن اكون " جاهل " ...... فهذا حال المعظم ..... ومنذ متى تقاس المعرفه بالنطق الصحيح !!!

لدينا بالكليه اساتذه على درجه بروفيسور ..... اي مشهود له بالعلم على مستوى رفيع ...... ولكن ان حضرت لهم محاضره فمن الممكن ان تسقط على قفاك من الضحك.

**EL-MARIACHY** · 25-10-2010, 00:34

المشاركة الأصلية كتبت بواسطة د . جليبيب الانصاري

سيدي الفاضل لقد اسلفت انه :

وحسب ما اعلم فان الشركه شرعت بهذه الحملات الاعلانيه في الخارج حتى لتصحيح النطق ..... اي انني لن اكون " جاهل " ...... فهذا حال المعظم ..... ومنذ متى تقاس المعرفه بالنطق الصحيح !!!

لدينا بالكليه اساتذه على درجه بروفيسور ..... اي مشهود له بالعلم على مستوى رفيع ...... ولكن ان حضرت لهم محاضره فمن الممكن ان تسقط على قفاك من الضحك.

دكتور أنا ترددت كثيراً عندما كتبت ردى الأول على حضرتك لأنى رايت قبل ذلك مناقشه بين حضرتك و أحد الأعضاء فتبينت ان طريقة تفكير حضرتك عاليه جداً و تنظر من كل الزوايا للمشكله أو الموضوع الذى تتكلم فيه , ولهذا ترددت كثيراً فى كتابت ردى لأنى ببساطه لن أستطيع أن أساير حضرتك اذا تناقشت معى فى أى موضوع ( بس أنا كنت بأحب أغامر شويه :o )

المهم أنا لم أخذ بالى من الكلمه اللى حضرتك قلتها و عليها فارجو أن تتقبل أسفى

ولا انكر اهمية الضبط

أنا لم أقصد مُطلقا قول حضرتك بجاهل أبداً , ولكنى كنت أقصد على نفسى , عندما أنطق كلمه غلط فى وسط مجموعه من الناس المُتعلمين تعليماً جامعياً محترماً و أنا كذلك , فسوف أظهر فى وسطهم كالجاهل

ومنذ متى تقاس المعرفه بالنطق الصحيح

ألم أقل لحضرتك أن حضرتك تفكيرك عالى جداً

أنا لا أقيس المعرفه بالنطق أو ماشابهه . و لم أقيسها باى شيئ

ببساطه لن استطيع أن أتناقش مع حضرتك للسبب الذى قلته فى الأول و أرجو أن تتقبل إعتذارى

**د . جليبيب الانصاري** · 25-10-2010, 01:14

أنا ترددت كثيراً عندما كتبت ردى الأول

لا حول ولا قوة الا بالله ...... عفا الله عني وعنك اخي الحبيب ....... اللهم اجعلني خيرا مما يظنون واغفر لي مالا يعلمون .

لم اقصد اطلاقا انك وصفتني بالجهل ...... انما انا تقمصت هذه الشخصيه لأدرء عنها هذه الشبهه فقط ..... بارك الله فيك .

أنا لم أخذ بالى من الكلمه اللى حضرتك قلتها

وانا ايضا لم تقع عيني على هذه :

لكنى أرى أنه من المهم جداً أن نتعلم النطق الصحيح لأننا لن نمضى بقيه حياتنا فى العالم العربى

" ليه !!! :D ....... يا ريت بصه على ردي هنا"

أرجو أن تتقبل إعتذارى

عذرك مرفوض ............. لانك لم تخطئ بحقي من الاساس

.

**محمد الجوهري** · 25-10-2010, 01:53

بس ربع جنيه خير وبركة

طبعا يا عم, د انت ممكن تصرف فى الربع جنيه ده من 3 أيام لإسبوع حسب نظامك :D :D

فلوس عمك الجوهرى كلها بركة :D :D

@ المرياتشى.

إزيك يا شرف؟

بص يا حبيبى, احنا المصريين على وجه التحديد بتحس ان جوانا عداوة دفينة ضد النطق الصحيح لكلمات اللغات الأخرى
, و الذى تحول مؤخراً الى عداوة ضد نطق كلمات اللغة العربية نفسها, و شوف كلمات كوزموس اللى انا و هو كنا بنتناقش
فيها. و لذلك أنا مؤمن انه مهما حاولت تعلمهم, فمن الصعب انهم يتعلمو او يقتنعو بكلامك و اسالنى انا لانى مجرب كتير.
إذا كان طلبة كليات اللغات ( أهل العلم ) بينطقوا غلط مع إنهم عارفين إنها غلط.
خد عندك على سبيل المثال, لما كنت بأشرح فى الحصص أيام التربية العملى كنت طبعا بنطق الأصوات سليمة قدر
المستطاع, يعنى thin بنطقها (ثِن) , و ليست ( سِن ) , و the كنت بنطقها ( ذا , أو ذى "حسب الصوت اللى جاى بعدها")
و لك أن تتخيل كمية الاستغراب اللى كانت بتبقى عند التلاميذ و كانو بيفتكرو انى انا ألدغ :D
ليه احنا بننطق غلط بعض الحروف و لمخارج ... ده موضوع كبير جدا جدا جدا أعتقد ان السبب الأكبر فيه هو إهمال تعلم
و حفظ القرآن الكريم فى سن مبكرة و هنا بتكلم عن الكُتاب و أهميته فى المجتمع, ما علينا مش موضوعنا.

أما بخصوص موضوع لو سافرنا برّة, فليه يا سيدى تسافر و احنا بلدنا جميلة, و فيها من الأعناب و النخيل و الخير ما
يكفينا و يفيض ! ( طبعا بعد الجملة دى زمان جهاز كشف الكدب اللى متوصل بيا ولع :D :D :D )

وأكثر ما ميزّه هو المقدمة وخصوصا البدء بالسلام .... تحية اهل الايمان .

بارك الله فيكم استاذنا.

و كيف أبدأ حديثى بالعربية أو بالإنجليزية أو بغيرها دون أن ألقى تحية الإسلام !

و علي فكره انا باعتب عليك

بصراحة حقك ... بس و الله انا بنزل و مش بقول لناس كتير, مش علشان مش عاوز أشوفهم ... لا و الله
بل تسعدنى رؤياكم, و لكن لأنى ببقى محرج انى أطلب من حد ينزل يقابلنى و يكون وراه مشغوليات ولا حاجة.
و عموما إطمن المرة الجاية هاكلمك قبل ما أنزل, أتشرف بمقابلتك يا أحمد بك.

اي انني لم اكن اعلم بأي صوره من الصور او حتى تلميح كون المتحدث هو اخي الحبيب محمد

مش محتاج تقول كده يا عمنا, و لو كنت تعلم, يعنى غلطت فى البخارى ... إيه ده, هو إنت غلطت أصلا ؟:D

. وما كان هذا ليغير من رأيي

رأيك على دماغى من فوق و الله .

وانا اعلم انه سيكون مسرور من نقدي الموضوعي من وجهة نظري

كنت أتمنى لو استخدمت لفظ " متأكد " عوضا عن لفظ " أعلم"

ولكن ما رأيته من صوره اشبه بالدفاع عن اخي الكريم من قبل الاعضاء والمشرفين بعد ردي

علشان تعرف بس إنى أنا مسنود :D

هذا الاسلوب الرقيق ليس غريبا عليك استاذ رامي

+1
رقيق و عاقل و محترم و رصين ...

مش كنت تقول انه انت ...... ده انا لولا الملامه كانوا قطعوني

علشان بس تبطل تلعب بالنار, و تانى مرة فى أى موضوع ليا, ردك يعدى على الحكومة و ياخد ختم الموافقة :D :D
أو أقول لك: إلتزم بالرد ده :

مشكووووووووووووووووووووووووووووووووووور

:D :D :D

ان شاء الله نازلك انا وواحد حبيبك قريب

لأ ... بتهــــزر :D :D

تشرفوني ... و تآنسوني ... و تنوروني ... و ألف أهلا و مرحباً بيكم ضيوف أعزاء. و إن ما شالتكم الأرض تشيلكم رموش عيني
بس مين حبيبى ده, أوعى يكون اللى فى بالى " شيخ منصر التجار " :D :D :D

اي انني لن اكون " جاهل " ...... فهذا حال المعظم

+1
بالظبط, و أهل اللغة أيضا ينطقونها بشكل خاطئ

ومنذ متى تقاس المعرفه بالنطق الصحيح !!!

لا تقاس المعرفة بالنطق الصحيح إطلاقاً, و لكن النطق الصحيح و الكلام الجميل هو خير تعبير عن المعرفة.
و خير وسيط يمكن أن تنقل به معرفتك للآخرين.

@ شريف أنت خفت من الدكتور ولا ايه, سحبت له ناعم كده :D :D

طبعا انا عارف ان شريف ما يقصدش حاجة من رده الأول, و هو إنسان من أكثر الأعضاء الذين عرفتهم إحتراما, و هذه
ليست مجاملة.

و كذلك دكتورنا الحبيب و هو عارف معزته, و سعيد اوى و انا بشوف حواركم المهذب الجميل ده, ياريت كل الناس زيكم كده.

لم اقصد اطلاقا انك وصفتني بالجهل

دايما مزعلين الناس مننا كدهو :D :D :D

" ليه !!!

قول له يا عم , و اتكلمو عن الهجرة و اقلبو موضوعى ساحة نقاش بقى, ماهى ناقصة.

أظن الموضوع إتقلب لموضوع إجتماعى بحت ... أترك للسادة المشرفين حرية التصرف فى الموضوع كما يشاؤون
و لهم ايضا حرية التصرف معى كما يروق لهم و يرضيهم. :D :D

**Dr Mohammad** · 25-10-2010, 02:32

دكتور محمد
داخل حامى ليه كدة ؟ :D

ولكني بصراحه شعرت بتكلف كبير في مخارج الكلمات من المتحدث

هو الراجل لما يتكلم بلغة صحيحة يبقى تكلف ؟
أمور كهذه لا تقيم بالشعور و لكن بالعلم فقط , و من يحكم على النطق يا دكتورنا الفاضل خبير لغة إنجليزية و ليس نحن .

ومنذ متى تقاس المعرفه بالنطق الصحيح !!!

لدينا بالكليه اساتذه على درجه بروفيسور ..... اي مشهود له بالعلم على مستوى رفيع ...... ولكن ان حضرت لهم محاضره فمن الممكن ان تسقط على قفاك من الضحك.

إن لم يصاحب المعرفة نطق صحيح , تصبح معرفة ناقصة , و مؤشر لأحد الأمرين التاليين :
- إما صاحب المعرفة هذا لم يتلقاها عن معلم أصلا , و ربما من بعض الكتب .
- أو تلقاها عن معلم و لكنه كان مستهترا أو غير حريص على الانتباه .

و بصراحة اكثر , من لا أثق فى نطقه لا اثق كثيرا فى علمه .

احنا المصريين على وجه التحديد بتحس ان جوانا عداوة دفينة ضد النطق الصحيح لكلمات اللغات الأخرى

+1

بس مين حبيبى ده, أوعى يكون اللى فى بالى " شيخ منصر التجار " :D :D :D

هو بعينه :D

**د . جليبيب الانصاري** · 25-10-2010, 03:45

مش محتاج تقول كده يا عمنا

" ده العشم برضه يا معشوق الجماهير :D ......... وردك اللي مليان فكاهه ده مش عارف ارد عليه ....... ان شاء الله اشوفك قريب "

أمور كهذه لا تقيم بالشعور و لكن بالعلم فقط , و من يحكم على النطق يا دكتورنا الفاضل خبير لغة إنجليزية و ليس نحن .

انا لن ارد ...... سأستعين بصديق :

هو الراجل لما يتكلم بلغة صحيحة يبقى تكلف ؟

:D:D:D ..... " سبحان الله اول مره اعرف ان انت حولت" :D .

و بصراحة اكثر , من لا أثق فى نطقه لا اثق كثيرا فى علمه .

انا نفيت الجهل وانا ما زلت على رأيي ....... وان كنت لا تثق في علمه ..... فانت تعلم رؤساء اقسام بكليتك يقعون في اخطاء فادحه في النطق ....... " اه نسيت انت حولت :D "