ادخل علي اي موقع رفع الصور و ارفع الصورة
السلام عليكم
ياريت لو تساعدوني وتفيدوني لو ان جهازي مواصفاته جيدة أم لا من ناحية السرعة كمان ، ولو ممكن يقبل التحديث ... بس أنا حبيت أرفع صورة المواصفات ومش عارفة الطريقة ... الأيقونة الخاصة بالصور هنا بتقبل اللينكات بس ... ممكن تساعدوني ؟؟
ادخل علي اي موقع رفع الصور و ارفع الصورة
شكرا ... هحاول حالا
بصراحة الجهاز قديم جدا , و لو حضرتك حطيت ميزانية ممكن الاعضاء يجمعولك تجميعة كويسة ؟؟؟
شفته حالا ... بس هو كان بتاع واحد قريبنا واداهولي ... وأنا أصلا ما كانش عندي كمبيوتر ... طيب الجهاز قابل للتحديث ؟؟؟ مع العلم أنا مش بحتاج الجيمز عليه خالص .... طيب الراامات ممكن تتزود ؟؟؟ ولا أعمل ايه ؟؟
معلش أتعب حضرتك شوية كمان ... أنا أعرف البينتيوم 4 .. لكن ده مش عارفة ايه ... ومش عارفة كمان سرعة البروسيسور ايه ... انا بصراحة مش فاهمة اوي ...زمان جدا كنت متابعة وفاهمة في أجزاء الكمبيوتر لكن دلوقتي مش عارفة حاجة ...يعني لو حضرتك تكتبلي المواصفات بطريقة مبسطة شوية عن الصورة عشان أفهم ...
بصراحة المازربورد قديمة جدا و الرامات من نوع DDR ( اعتقد انها مش موجوده خلاص ) و البروسيسور قديم برضه
فمينفعش اصلا تحديث و لو حصل يبقي مضيعة للمال ... فمن الاحسن شراء جديد احسن
و لو ناوي .. يبقي الميزانية كام؟؟؟؟
المواصفات الحالية
CPU : AMD Sempron 2200 1.5 GHZ
Motherboar : Microstar MS-7061
Ram : Spectek DDR 512 MB
للأسف مفيش ميزانية حاليا طيب ايه نوع الرامات الكويس ؟؟؟ يعني لو جبت رامات تانية كويسة ما تمشيش مع البوردة دي ؟؟؟
للأسف لأ
المازر بتقبل ddr بس
أنا آسفة جدا جدا على الإزعاج ... أنا بتصرف كأن الناس مش فاضية الا ليا ... بس الحقيقة قرار شراء جهاز جديد مش في ايدي .. عشان كده بدور بأي طريقة على بديل ... شكرا على مجهودك ...
المفضلات