انا اشتريت الموبايل ده امبارح وباجربه دلوقتي
وهاقولك عن تجربتي الكاملة مع الموبايل ده بعد يومين يالظبط
بس مبدئيا هو حلو جدا
ايه رايكم ب LG GX500 بفكر اشتريه
هل ظهرت له مشاكل ياريت لو حد مجربه قول رايه
Civil Eng . Antony Gamal
انا اشتريت الموبايل ده امبارح وباجربه دلوقتي
وهاقولك عن تجربتي الكاملة مع الموبايل ده بعد يومين يالظبط
بس مبدئيا هو حلو جدا
و إيه أخباره معاك الموبايل الأن ؟ و هل الخطين شغالين معاً ؟ و إيه أخبار الصوت و المايك ؟؟ و جزاك الله كل خير :D
- الموبايل لغاية دلوقتي ممتاز جدا
- الشاشة جميلة والتاتش حلو وسطوع الشاشة مبهر جدا
- اما بخصوص الصوت فهو بشهادة كل اللي سمعه من انقى اصوات في الموبايلات .. وفعلا انا اول مرة اسمع صوت نقي كده
لكن يعيبه هو ان الصوت مش عالي قووي .. بس مش واطي
انا حاطط له نغمات عالية .. خليت صوتها عالي من برنامج في الكمبيوتر وشغالة كويس .. بس عايز اقولك ان علو الصوت شيء نسبي .. مثلا انا متعود على السماعات العالية في الكمبيوتر عشان كده بحتاج صوت عالي جدا لكن مثلا اهلي في البيت لما باشغل الموبايل اغاني بيقولولي وطي الصوت شوية :D:D
- السماعات الهاندفري اللي بتيجي معاه عالية جدا .. بس خلي بالك مدخل السماعات هو يو اس بي مش ام بي ثري .. يعني لو محتاج سماعات تانية هاتدور شوية لحد ما تلاقي او تجيب وصلة تحويل
- صوت السماعات في المكالمات عالي جدا وواضح خالص
- صوت المايك حلو وكويس
- الخطين شغالين مع بعض في نفس الوقت ودي حاجة رائعة
- الموبايل ده جميل جداا والبطارية بتقعد فترة طويلة وهي قعدت معايا 6ايام بالمكالمات والاغاني والتصوير ورسايل وطبعا استكشاف الموبايل
لكن بالواي فاي قعدت 3 ايام .. بس انا مش طاحنها للدرجة .. ممكن مع الشغل الجامد جداااا تقعد يومين
لو عايز تستفسر عن اي حاجة انا تحت امرك
أستاذ micpower !! أنا قرأت ردك الان الساعة 2 و ربع بعد منتصف الليل ! و خلتنى عايز أنزل اشتريه حاااااااااالا ههههههههههههههه
ألف شكر على ردك الشامل ... كل إللى عايز أعرفه أنت رديت عليه تماما و الحمد لله ... هو دة الموبايل إللى عايزه ... أروح أرمى الموبايل الصينى إللى معايا بقى و أجيب دة ههههههههههه
جزاك الله كل خير سيدى :D
انا تحت أمرك يا غالي
بس في كام نقطة عايزك تبقى عارفهم قبل الشراء
1- قلة توفر اكسسوارات ال جي مقارنة بالنوكيا والسامسونج
أنا مثلا مش لاقي له جراب مخصوص او وصلة سماعات يو اس بي ( مع العلم اني من المنيا وليس القاهرة ) ممكن تفرق شوية
2- الموبايل مش بيجي معاه قلم
3- زي اي موبايل تاتش لازم تحافظ على الشاشة كويس من الخدوش ولازم تجيب له سكرين بروتكتور
4- الأفضل انك تجربه قبل ما تشتريه تسمع صوته وتجرب التاتش والألوان
5- لا تتوقع اداء عالي من الكاميرا .. فهي متواضعة
6- هو بصراحة انا مش لاقي عيوب ليه بس ممكن موضوع الصوت ده بس لو اعلى شوية كان هايبقى طحن بس ارجع واقول مفيش حاجة كاملة .. كفاية انه من ال جي وعلى فكرة صناعته كوري مش صيني ودي حاجة تطمن اكتر وكمان البطارية كوري
7- على فكرة في ناس بتقول على شكله مش حلو .. بس انا بصراحة شايف انه من اشيك الموبايلات التاتش وشكله مختلف ومتميز
لو في اي حاجة عايز تستفسر عنها قبل ما تشتري انا معاك وهو سعره 999ج من موبايل شوب والضمان سنة من دلتا
المفضلات