سؤال مصيري...ارجو الاجابة؟؟

**rameahmed** · 18-11-2010, 10:23

انا اسمي رامي اعمل محاسب في اكبر الشركات الاجنبيه في مصر و خريج كلية التجاره جامعة القاهره سنة 2008 و قد بدأت عملي بعد التخرج في مجال المحاسبه و قد حصلت علي العديد من الشهادات و الدبلومات من الجامعه الامريكيه في مجال المحاسبه والتمويل وبتقدير يتراوح بين جيد جدا وامتياز ولكني قد مللت العمل في هذا المجال رغم عملي في شركه اجنبيه كبيره ولكن كان حلمي ان اعمل في مجال البرمجه بعد التخرج ولكن رفضت اسرتي هذا الاختيار و قالو لي ان مجال المحاسبه هو مجالك التي تستطيع ان تكبر فيه فلم افكر كثيرا واتجهت الي المحاسبه رغم اني اكرهها ولكني متميز فيها ولكن بعد مرور سنتين لم استطيع ان اطيق العمل في هذا المجال حيث انه لا مجال للابداع فيه وانا من النوع الذي احب الابتكار والابداع و فقررت بعد استشارة الكثير من اصدقائي واهلي وصليت صلاة الاستخاره ان اعمل في مجال تطوير البرامج (Developer) حيث اني احيه واميل له حيث كثر الاحتكاك باشخاص كثيرون يعملون في نفس هذا المجال اثناء عملي و هم غير حاصلين علي بكالوريوس هندسةبل وجد خريجي كلية التجاره والحقوق ومعاهد خاصه وكانوا متميزون جدا في عملهم وكان منهم من يعمل في شركة Microtech و شركات اخري لذا فانا اريد ان ابدأ في هذا المجال من الان واريد ان اعرف بالتفصيل كيف ابتدأ و في اي لغه و اريد اللغه التي يكون لها مجال واسع في سوق العمل وليس اي لغة و ما هي الكورسات والشهادات التي يجب ان ادرسها ورجاء بالترتيب حيث اني سأبدأ دراسة هذه الكورسات مع بداية شهر ديسمبر 2010 و متأسف علي الاطاله و برجاء من يرد يكون من المتخصصين حيث ان هذا القرار يترتب عليه مستقبلي و جزاكم الله كل خير.

**ea_11** · 19-11-2010, 02:18

اولاً بالتوفيق

)

ثانيا..
انت عاوز تطوير ايه بالظبط

او ديفيلوبر ايه بالظبط..

في حاجات كتير جداً

تطوير مواقع..
ديفوليبر.. داتا بيز.. "اوراكل"
او تطوير برامج..

حاول تحدد انت ميولك لأية بالظبط..

وكرأي شخصي.. الاوراكل والداتا بيز ليها علاقة ولو بسيطة بالمحاسبة..
يعني ممكن تطور نفسك في مجال .. الاوراكل ديفيلوبر.. والداتا بيز..
وهتكون انساان رائع جداً وبرده ممكن تعمل حاجات تخليك تربط بين الاتنين..
طلاما زي ما انت بتقول انك فاهم وكويس جداً في المحاسبة..
ف ده هيخليك تعمل حاجات كتير كويسة احسن من غيرك..
وتربط بين الاتنين.. وتشتغل الحاجتين مع بعض..

ده رأيي المتواضع جداً

استنى باقي الاعضاء وان شاء الله يفيدوك

تحياتي.. واتمنى لك التوفيق

Eslam Ali

**rameahmed** · 20-11-2010, 11:34

متشكر اوي يأسلام علي الرد و انا ميولي اني اشتغل داتابيز ديفيلوبر فياريت لاقي الاعضاء يشاركوا في الرد وعاوز اعرف فين ممكن اخد الكورسات ده وياريت لو بالتفصيل

**rameahmed** · 20-11-2010, 16:35

يا ريت يجماعه حد يعرفني ابدأ منين و اذاي

**ea_11** · 20-11-2010, 19:41

العفو يا باشا على ايه

بص يا سيدي

داتا بيز ديفيلوبر..

يبقى عليك وعلى اوراكل..

هنا في المنتدى هتلاقي حاجات كويسة جداً ترشدك للأوراكل.

ولكني انصحك اكتر انك تدخل على منتدى اوراكل العربي..
ده اكبر منتدى عربي بيخص الداتا بيز والاوراكل..
https://araboug.org/ib/index.php?act=idx

زي عرب هارد وير كده في الشبكات..

شوف الدنيا ماشية ازاي معاك.. واسألهم والناس برده كويسيين جداً

ولو احتجت اي حاجة تانية قولي

وانا تحت امرك..

تحياتي..