هل يمكن مشاهده ملفات الفيديو بنظام 3D على الشاشه samsung P2050 ?

[The Mysterious]

طيّب أخي EL-MARIACHY ، بناءً على تجربتك أود أن أطرح عليك هذا السؤال..

هل تستحق تجربة محاكاة الـ3D الرخيصة اللعب حقّاً ؟؟، أقصد هل هناك استمتاع في اللعب، وهل الارهاق الذي يصيب العين يستحق منّا فعلاً اللعب بهذه الطريقة ؟؟.
"هذه المشاركة بواسطة الهاتف الجوال"

[mi99doo]

مشكور اخى الكريم والامر لله وحده وبارك الله فيك
بس ليا سؤال واحد
انا دلوقتى من برنامج iz3d driver قدرت اختار من البروفايل لقيت مجموعه كبيره من الالعاب تمام ومنهم Battlefield Bad Company 2 وفتحت اللعبه ولقيتها الوانها اتغيرت وناقص بس اجيب النظاره على فكره انا رايح اجيب النظاره دلوقتى
بس السؤال انا لقبت مجموعه كبيره من الالعاب موجوده فى البرنامج نفسه ومفيش فى القائمه دى ولا لعبه pes سؤاء كان الجزء 2009 او 2010 او الاخير 2011 تمام
اقدر ازاى اختار الاجزاء دى مع العلم اى عندى ال 3 اجزاء على الاجزاء
وشكرا ليك على متابعتك ومساعدتك اخى الكريم

[EL-MARIACHY]

الالعاب دى نجيبها منيين ؟

ياريت تصغر الخط شويه , و ياريت أيضاً تقرا المشاركات كلها فى هذا الموضوع قبل طرح هذا السؤال

كان سؤال العضو الفاضل قبل حضرتك هكذا :

واحمل لعبه زى دى منين او الالعاب ال 3d بتحممل منين عامه ؟ يعنى فيه موقع معين ولا ايه

و هوا نفس سؤال حضرتك

و كانت إجابتى عليه فى المشاركه اللى فوق مشاركة حضرتك بالظبط

شوف حضرتك هأوضحلك حاجه :

أى لعبه تستطيع أن تلعبها 3D و لكن أنا إخترت لك أقل لعب فى المتطلبات للجهاز لأن جهاز حضرتك بالكاد يستطيع تشغيل الألعاب الثقيله 3D بسلاسه( انا لا أقصد التقليل من شأن جهاز حضرتك ولا أى شيئ) , ولكن لن تستطيع إطلاقاً أن تلعب مثلاً GTA VI 3D و حكايه 10 دقائق 3D ديه فى الفيلم بس , انما فى اللعب ممكن تلعب ساعتين و ثلاثه و خمس ساعات و لكنك لن تقدر علشان عينيك لن تستحمل كل ده

و علشان أوضح لحضرتك أكثر , أى لعبه تستطيع ان تلعبها 3D


-----------------------------------------------------------------------------------------

طيّب أخي EL-MARIACHY ، بناءً على تجربتك أود أن أطرح عليك هذا السؤال..

هل تستحق تجربة محاكاة الـ3D الرخيصة اللعب حقّاً ؟؟، أقصد هل هناك استمتاع في اللعب، وهل الارهاق الذي يصيب العين يستحق منّا فعلاً اللعب بهذه الطريقة ؟؟.

"هذه المشاركة بواسطة الهاتف الجوال"

أخى bigmaster انه لشرف كبير لى أن أجاوب لحضرتك على سؤال , و سأقول لحضرتك تجربتى بكل صراحه :

بالنسبه لى شخصياً , المتعه كانت كبيره جداً و كانت لا توصف , فكنت من كثرة الإستمتاع باللعب أحمّل على نفسى كثيراً حتى أشعر بإرهاق عصبى و ذهنى شديدين و لا أستطيع أن أرى أى شيئ على الجهاز ككل و ليست لألعب لعبه

فأقوم و أنام ساعتين حتى أستطيع مواصله اللعب , و كان فى نقطه سخيفه لغايه , ألا وهى أن الألوان لا تكون على طبيعتها فى الألعاب , فكان فى لعبه bioshock 2 حتى تستطيع فتح باب يظهر لك 3ألوان أزرق و أحمر و أخضر فاتح و يجب أن تحاول انك تنشن على الأخضر حتى يفتح لك الباب و اذا نشنت على أى لون أخر يتم إلحاق الضرر بك

فعند لعبه هذه اللعبه 3D كانت تظهر لى الألوان كلها مثل بعض و لا أستطيع أن أميز بينهم , و كانت الميزه فى هذه اللعب هى انك بتلعب فى مبنى مُتهالك تحت الماء , فكان كل فتره تسقط بضع قطرات الماء على اللاعب و بال3D كنت ترى انها تسقط على عينك

على الوجه الأخر لدى صديق مُحب جداً للعب مثلى و لكن عندما خاض تجربه ال 3D لم يستحملها إطلاقاً و قال لى انها لا تستحق التعب الذى شعر به إطلاقاً

نقطه أخرى فى ال 3D هى أن إثنان من أصحابى لديهم ضعف نظر لم يستطيعوا ان يروا ال 3D إطلاقاً و لكنى أنا ووالدتى و أختى رأيناها 100% بدون مشاكل حيث ان نظرنا جميعنا ضعيف نوعا ما يعنى ناقصين حوالى نصف درجه فى كل عين

هذه هى تجربتى بالظبط و لو عند حضرتك أى سؤال لا تترد إطلاقاً

مشكور اخى الكريم والامر لله وحده وبارك الله فيك
بس ليا سؤال واحد
انا دلوقتى من برنامج iz3d driver قدرت اختار من البروفايل لقيت مجموعه كبيره من الالعاب تمام ومنهم Battlefield Bad Company 2 وفتحت اللعبه ولقيتها الوانها اتغيرت وناقص بس اجيب النظاره على فكره انا رايح اجيب النظاره دلوقتى
بس السؤال انا لقبت مجموعه كبيره من الالعاب موجوده فى البرنامج نفسه ومفيش فى القائمه دى ولا لعبه pes سؤاء كان الجزء 2009 او 2010 او الاخير 2011 تمام
اقدر ازاى اختار الاجزاء دى مع العلم اى عندى ال 3 اجزاء على الاجزاء
وشكرا ليك على متابعتك ومساعدتك اخى الكريم

بص حضرتك البرنامج مخصص لأشهر الألعاب , و حضرتك عندما تأتى بالنظاره ستعمل PROFILE لأى لعبه تريدها و تسميها بإسمها و هتلاقيها ضمن الألعاب اللى حضرتك شفتهم

بس هى هتكون محتاجه شويه تظبيط فى الأول بس

العفو أنا لم أفعل شيئاً يذكر

[mi99doo]

والله مش عارف اشكرك ازاى بارك الله فيك اخى الكريم
الحقيقه ان النظاره حتوصل بعد يومين لانها حتجيلى شحن
وان شاء الله حجربها ولو فيه حاجه حقولك
بس انا من البرنامج نفسه مش لاقى غير default profile انما مثلا edit او كده مفيش ومش عارف ازاى اضيف مثلا ال pes 2011 او اى لعبه من اللى عندى مفيش غير اللى فى قائمه البرنامج :confused:
اسف جدا على اسئلتى الكثير وربنا يكثر من امثالك وجزاك الله خير اخى الكريم

[amrmovie]

انا لما سالتك الالعاب دى نجيبها منيين ؟ ما كنتش اصلا جاوبت على اى حد اصلا ( ولغاية دلوقتى بردضه ما حدش عارف الاالعاب دى تتحمل منيين او انت شغلتها ازاى ) و ياريت تقرا المشاركات كويس عشان تعرف انك ماقولتش فياريت يكون الاسلوب احسن من كده لو تسمح عشان المنتدى ده معمول عشان الناس تساعد بعضها مش تتريق على بعضها و جزاك الله كل خير

[The Mysterious]

أشكرك جزيل الشكر على سرد التفاصيل، بارك الله فيك .
"هذه المشاركة بواسطة الهاتف الجوال"

[The Mysterious]

انا لما سالتك الالعاب دى نجيبها منيين ؟ ما كنتش اصلا جاوبت على اى حد اصلا ( ولغاية دلوقتى بردضه ما حدش عارف الاالعاب دى تتحمل منيين او انت شغلتها ازاى ) و ياريت تقرا المشاركات كويس عشان تعرف انك ماقولتش فياريت يكون الاسلوب احسن من كده لو تسمح عشان المنتدى ده معمول عشان الناس تساعد بعضها مش تتريق على بعضها و جزاك الله كل خير

أخ amrmovie ماهذه اللهجة المستهجنة في ردّك !!، أرجو التزامك بأسلوب أكثر احتراماً فلربّما أخونا EL-MARIACHY لم ينتبه لسؤالك أصلاً، على العموم الألعاب هي نفسها، كل ماتحتاجه برنامج iZ3D والنظارة.
"هذه المشاركة بواسطة الهاتف الجوال"

[EL-MARIACHY]

والله مش عارف اشكرك ازاى بارك الله فيك اخى الكريم
الحقيقه ان النظاره حتوصل بعد يومين لانها حتجيلى شحن
وان شاء الله حجربها ولو فيه حاجه حقولك
بس انا من البرنامج نفسه مش لاقى غير default profile انما مثلا edit او كده مفيش ومش عارف ازاى اضيف مثلا ال pes 2011 او اى لعبه من اللى عندى مفيش غير اللى فى قائمه البرنامج :confused:
اسف جدا على اسئلتى الكثير وربنا يكثر من امثالك وجزاك الله خير اخى الكريم

جزاك الله كل خير

حضرتك لما تجيب النظاره و هتفتح البرنامج هتلاقى حاجه اسمها exception من هنا هتحدد اللعبه و الإعدادات

أنا باقول لك من الأول ان حضرتك هتتعب بعض الشيئ لغايه ما تظبطها

بس لما تجيب النظارات ابقى قولى و هساعدك على قد ما أقدر

انا لما سالتك الالعاب دى نجيبها منيين ؟ ما كنتش اصلا جاوبت على اى حد اصلا ( ولغاية دلوقتى بردضه ما حدش عارف الاالعاب دى تتحمل منيين او انت شغلتها ازاى ) و ياريت تقرا المشاركات كويس عشان تعرف انك ماقولتش فياريت يكون الاسلوب احسن من كده لو تسمح عشان المنتدى ده معمول عشان الناس تساعد بعضها مش تتريق على بعضها و جزاك الله كل خير

أنا أسف ان كنت قلت شيئ أغضبك , حيث انى لم أكن أعرف ان حضرتك لم تنزل ألعاب قبل كده

المهم , أنا شايف ان حضرتك من مصر , و 99% حضرتك لا تشترى الألعاب و لكن بتنزلها من التورينت

حضرتك تدخل على موقع utorrent و تنزل البرنامج و بعدين بتدخل على موقع torrentz أكبر موقع لتورينت و تكتب إسم اللعبه التى تريدها و تشوف اللى موجوده و تحاول تجيب النسخه الpc و بعدين هتنزل ملف صغير لا يتعدى حجمه ال500كيلو و هتفتح هذا الملف بالutorrent اللى حضرتك نزلته فى الأول و هيسألك يخزنه فين و تحدد المكان و بعد ما تنزل اللعبه تحاول تسطبها و تشغلها اول ما تشتغل كويس تبدأ تجيب برنامج اسمه iz3d و تجيب النظارات ال 3D و تفتح البرنامج IZ3D قبل أى لعبه و تفتح اللعبه و بعدين تلبس النظاره و هيسأك على تظبيط بعض الإعدادات و بعد كده هتلعب 3D

لو عندك أى إستفسار أخر أنا تحت أمرك

و أسف مره أخرى على أى شيئ قلته أغضبك منى

أشكرك جزيل الشكر على سرد التفاصيل، بارك الله فيك .

"هذه المشاركة بواسطة الهاتف الجوال"

و جزاك الله خيراً مشرفنا العزيز و أسعد الله أيامك

أخ amrmovie ماهذه اللهجة المستهجنة في ردّك !!، أرجو التزامك بأسلوب أكثر احتراماً فلربّما أخونا EL-MARIACHY لم ينتبه لسؤالك أصلاً، على العموم الألعاب هي نفسها، كل ماتحتاجه برنامج iZ3D والنظارة.

"هذه المشاركة بواسطة الهاتف الجوال"

حصل خير مشرفنا الفاضل وواضح انى كنت أنا اللى غلطان و الحمد لله فهمت سؤال أخونا و رديت عليه و شكراً مره اخرى

[amrmovie]

شكرا جزيلا عل التوضيح و احنا اخوه فى الاساس

[mi99doo]

مشكور اخى الكريم وبارك الله فيك وعلى الشرح ولكن بردو مش عارف اختار اللعبه ازاى بختار اللعبه ولكن مش بلاقيها فى البروفايل عموما ان شاء الله بكره النظاره حتكون وصلت وابقى اقول لحضرتك
ومشكور جدا والله مش عارف اشكرك ازاى على سعه صدرك ومعلوماتك القيمه وبارك الله فيك

[فوزان]

طب يا جماعه نظارات ال3d بتتباع فين في الأسكندرية عشان اقدر اشوف الفيديو 3d بالطريقه العاديه

ياريت حد يرد عليا

[mi99doo]

اخى فوزان متدورش وتتعبش نفسك مش حتلاقيها فى الاسكندريه كلها
انا كمان من الاسكندريه ودخت عليها وفى الاخر اشتريتها من اخ لينا هنا فى النتدى عامل موضوع بيعهم وشحنهملى ووصلوا انبارح الحمد لله وتمام بس لسه جارى تجربتهم على الالعاب
لو تحب راسلنى على الخاص لاى استفسار وانا جاهز فى مساعدتك لشرائهم
وشكرا

[amrmovie]

الاخ mi99do ممكن تقولنا ايه اخر الاخبار

[mi99doo]

اخى amrmovie
والله الحقيقه التجربه تستحق انك تعيشها مع العلم انى لسه مش عارف العب بيهم كويس
ولكن اتفرجت على كام فيديو نزلتهم من اليوتيوب تحس فعلا انك الحاجه طالعه من الشاشه :D
المشكله فى الالعاب انى مش عارف اعمل الاعدادات كويس لان الالون بتبقى غريبه شويه او انا لسه متعودتش عليها واللى متاكد منه انى مش عامل الاعدادات بتاعت برنامج iz3d كويس ومش عارف كمان اضيف لعبه مثلا من اللى فى الجهاز عندى بلعب بالالعاب اللى فى قائمه البرنامج
انا جربتها على الاتى
1 farcry2 حسيت فعلا انى بعلب حقيقى مع انى مش مظبط الاعدادات كويس ولكن تحس ان السلاح بتاعك كانك ماسكه بجد ولو حد ضربك مثلا ان ايده حتطلع او لو بالرصاص نفس الكلام :ah7:
فى لعبه Battlefield Bad Company 2 لقيت الفرق ولكن للاسوء وقد يكون لانى مش عارف اعمل الاعدادات الالوان مش متظبطه خالص ومش شايف بالنظاره خالص :confused:
منتظر شويه بس بحاول اظبط الاعدادات لوحدى ولو معرفتش حسال الاخ EL-MARIACHY وحتعبه معايا شويه مع انى تعبته وسالته كثير بس مفيش حد غيره تحس انه فاهم وعاش التجربه بجد :ah4:
ولو فيه اى حاجه تانيه انا تحت امرك اسال يا اخ amrmovie
وبعدين انت كارتك ايه ati ولا nvidia ؟
وانا معاك واسال على اى حاجه يا باشا

[amrmovie]

كارت الشاشه بيلد ان ati 4250 فى البورده جيجا بايت ga890 و الشاشه LCD سامسونج P2050 و انا من محافظة الجيزه فلو جهازى ينفع ممكن تدلنى على مكان قريب منى اشترى النظاره دى . و جزاك الله كل خير