ﻷول مرة طبعا على الساحة العربية دورات فى مجال هندسة اﻻتصاﻻت

**sharif_soper** · 08-08-2011, 18:16

السلام عليكم

اخي الفاضل المهندس محمود الله ينور ياباشا استمر ياباشا شرح جميل ومبسط

جزاك الله خيرا وجعلة في ميزان حسناتك

**محمود010** · 08-08-2011, 22:01

وجزاك مثله ان شاء الله

شكرا لك يابشمهندس شريف

**احمدالله** · 11-08-2011, 21:26

اتمنى ان تبدا فى شرح كورس ال cdma وال umts وال wimax

**mohamed999** · 19-08-2011, 20:53

جزاك الله خيرااااااا ولكن نتمنى من حضرتك ان تشرح الجيل الثالث بعد ما انجزت الجيل الثانى على خير ولو فكره بسيطه عنه

**احمدالله** · 20-08-2011, 15:09

ممكن حضرتك تكمل شرح الكورسات CDMA و UMTS وWIMAX

**محمود010** · 21-08-2011, 18:19

هاشرحهم ان شاء الله
ولكن ليس الآن لانشغالى الشديد وسوف احاول شرحهم فى اقرب وقت ممكن ان شاء الله

**Omar_W.M** · 22-08-2011, 01:15

والله يا مهندس محمود انك ابدعت وجزاك الله كل خير وجعله في ميزان حسناتك... انا انتظر باقي فيديوهاتك الرائعة على احر من الجمر
وفقك الله لما يحب ويرضى واعانك على فعل الخير..

**Omar_W.M** · 22-08-2011, 01:42

السلام عليكم.. بعد اذنك يا مهندس محمود اذا في مجال انك تكمل دورة ال GSM قبل ما انك تنتقل الى موضوع آخر وطبعا هذا فقط اقتراح والقرار النهائي اكيد لحضرتك..
تقبل مروري وفائق الاحترام

**محمود010** · 25-08-2011, 11:24

ماهو الاعضاء قالوا انه مشروح وانى اشرح حاجة جديدة مش مشروحة قبل كده
بس هاحاول اشرحه ان شاء الله
شكرا لك

**Dr. Hacker** · 26-08-2011, 14:15

السلام عليكم أخى الكريم
انت من ضمن الناس اللى انا داخل المنتدى دة اصلا عشان اشكرها .. انا عامل الاكونت دة من فترة طويلة بس مكنتش بدخل علية بس كنت بنزل فيديوهاتك
احسن حاجة عجبتنى فى كلامك كلة قبل الشرح وقبل اى حاجة انك ماشى بطريقة ابدأ بنفسك .. حتى لو هتغير واحد فى المليون من تخلف المجتمع ولو فى مجال الاتصالات فدة يعتبر انجاز كبير وربنا يجازيك خير دنيا وأخرة علية
انا كان عندى بس اقتراح وياريت حضرتك تتقبلو منى بعد أذنك .. انا كان نفسى اشوف السى فى بتاع حضرتك قبل ما اشوف اى فيديو ليك .. لأن بردو لازم الواحد يتأكد ان المعلومات اللى بتتقال مظبوطة وتمام فياريت لو انت تقول انت خريج دفعة كام وشغال فين حتى لو هينفع تبعتهولى ع الخاص لو هتبقا فيها احراج
عشان انا بردو لسة متخرج من هندسة اتصالات وبدور حاليا على شغل يبقا بدل الثواب تاخد فيا ثوابين لو هتدلنى على حاجة معينة اعملها
بس بجد انت انسان محترم ويارب هذا العمل يكون من أسباب دخولك اعلى درجات الجنة ويارب يزيد من قيمتك فى الدنيا والاخرة وتوصل لهدفك ان شاء الله

وجزاك الله خيرا ....

**محمود010** · 28-08-2011, 04:35

شكرا لك يابشمهندس على كلامك
بالنسبة للسى فى فهذا حقك وحق الجميع لأنه يجب التأكد ممن يقول المعلومات ولذلك انا واضع السى فى الخاصة بى على المدونة من أول يوم أنشأت هذه المدونة .
اما بالنسبة لسنة التخرج فهى 2010 ومازالت ابحث عن عمل ايضا لأنك تعرف ان تخصص الاتصالات ليس له فرص كثيرة للاسف .
واذا حضرتك خايف من المعلومات اللى بقولها فيمكنك التأكد من المهندس وليد الشافعى او البشمهندس وليد الصافورى فى جيليكوم واسأل البشمهندس وليد الشافعى عنى حتى تطمأن تمام مما اشرحه . ( وهذا عمل خير قمت بعمله ولا أنتظر اى مقابل بل ارفض اى مقابل ولم اشرح اى جزئية لا أفهمها او لاأعرفها لأن هذا العمل هو أمانة انا مسئول عنها أمام الله عز وجل )
بالتوفيق لك وللجميع ان شاء الله .

**Dr. Hacker** · 28-08-2011, 05:01

انا حاسس شوية من كلامك بصراحة انك زعلان منى
يارب اكون حاسس غلط
بس عاما فى كلا الحالتين انت بتقدم عمل رائع وأكيد مليون فى المية ربنا هيجازيك خير علية
وانا شخصيا مستنى الفيديوهات الجديدة بتاعتك عشان نستفيد أكتر

**محمود010** · 28-08-2011, 11:32

لأ والله يابشمهندس مافى اى زعل خالص
انا فقط جاوبت على استفسارك
وبجد شكرا لك على كلامك الجميل فى حقى واللى بصراحة اكتر من اللى استحقه
ودا رابط السى فى بتاعى علشان لو مش أخدت بالك منه

https://engineermahmoud.blogspot.com/p/about-me.html

انا حاليا اجهز للعدد الثانى من المجلة ان شاء الله
بالتوفيق للجميع ان شاء الله