السلام عليكم.......
ان شاء الله يكون الموضوع دا بداية وافادة لأى واحد عايز يبدأ يحضر ويذاكر لشهادة CCIE ......وفى شوية حاجات أنا هقولها...وحاجات تانية هسأل فيها لأنى مش عارفها.....وحاجات تالتة هنستنى الاعضاء يشاركونا فيها بخبرتهم.
الموضوع يتلخص فى الأتى.......
بعد الحصول على CCNP ......بيبدأ الواحد يفكر ان يبدأ يحضر ويذاكر فى منهج ال CCIE.....وهنا تكمن المشكلة(( فى رأيى الشخصى ومن واقع أراء بعض الخبراء فى المنتدى )) ان بعد CCNP الأفضل انك تبدأ تذاكر ال CCIP...عشان ال BGP وال MPLS من الاعمدة الاساسية والمواضيع اللى بتشغل جزء كبييير من الكورس......فلازم الواحد يستعد ليها من البداية ويكون فاهم الجزئية دى.
وهنا يظهر سؤال......
هل بعد ما أخلص CCNP...أقدر أذاكر منهج ال CCIP لوحدى...يعنى Self-Study......؟ وهل هقدر أطبق اللابات على ال GNS3 ?
((فى رأيى الشخصى))........نعم.تقدر تعمل كل حاجة لوحدك.....بس انت وهمتك....وعلى قد ما تتعب وتجتهد وتبحث عن المعلومة...هتكون استفادتك أكتر.
طيب...دلوقتى أنا عرفت ان ال CCIP مهمة جداً عشان لما أبدأ فى CCIE أبدأ بداية كويسة وأكون مستريح شوية....لأنى هبقى عارف جزء كبيير منها....
والسؤال هنا....
أبدأ أذاكر CCIP منين....وهل ليها Materials متوفرة.....؟
كل ال Material الخاصة ب CCIP موجودة على الانترنت...ولو بحثت عنها هتلاقيها فى أى وقت....ولكن أنا بفضل الموقع دا لأن بيبقى عليه كل حاجة وفى نفس الوقت فى مكان واحد وبتبقى كل الاصدارات...
WWW.Careercert.Info
لكن هنا يتبقى حاجة واحدة.....الناس اللى بتحب ومش بتعرف تذاكر غير من ال Cisco Press يعملوا ايه.....!!! يعملوا زيي بالظبط.....يستنوا لحد ما الاعضاء هنا تشارك...يمكن يكون حد عنده الكتب....وخصوصا ال BGP......لأنى دورت على الانترنت كتييييير ومش لاقيته خالص.:mad:
========
خلاص بدأنا مذاكرة.......وكل حاجة ماشية تمام....وأى حاجة بتظهر ومش بنفهمها...بنسأل عليها فى المنتدى....والحمد لله فى خبراء هنا كتييير بيفيدونا....(( كل الشكر ليهم ))........والحمد لله حضرت للامتحان كويس وعملت كل ال Labs.....وأخيراً نجحت.
السؤال هنا....(( هوا مش سؤال واحد )).....
دلوقتى الشخص لما كان معاه CCNP...وكان لسه مش لاقى شغل...وكمان مش معاه خبرة عملية.....
هل دلوقتى وهوا معاه CCIP ...هيفضل زى ماهوا.....ولا نسبة فرصه فى الحصول على وظيفة هتبقى أكبر....؟ (( الأرزاق بيد الله )) طبعاً.
هنفترض الأسوأ.....وان هوا لسه مش لاقى وظيفة.....وخاصة ان هوا مش معاه خبرة عملية....((وطبعاً أى اعلان وظيفة )) بتلاقى فيه مطلوب خبرة 3 سنين على الاقل..
فى رأيك....ومن واقع الوظائف والشركات.....
هل ممكن شركة تعين واحد معاه CCNP و CCIP ومش معاه خبرة....يعنى لسه Fresh .....ولا دا صعب...ولا صعب جداً....؟
أنا عن نفسى....مش هفتى فى الموضوع دا.....
طيب.....هنعدى من مرحلة ال CCIP...وهنبدأ فى CCIE....
دلوقتى نجحنا الحمد لله فى CCIP.....ونظراً للظروف السابقة**هههه** = :D هبدأ فى CCIE.....
هل أقدر أذاكر CCIE والمنهج الكبييير بتاعها لوحدى يعنى Self-Study...؟
من رأيى الشخصى برده....نعم.تقدر تذاكرها.....بس أعتقد هيبقى على قد ال Written بس.....لأن ال Lab محتاج خبرة عملية أكتر.
هل أقدر أحضر لأمتحان ال Lab لوحدى....؟
أعتقد لأ.....لأنه محتاج للخبرة أكتر من أى حاجة تانية...وممكن للخبراء هنا رأى تانى......أكييييد منتظرينه.
وعشان الناس هنا مش تزهق منى وتقول عنى بحبط الناس...(( مع ان دا الواقع والله..ولازم نفهمه ونواجهه كمان ))
هقول هنختار الوسط......الحمد لله نجحت فى CCIE بس ال Written....وقدامك سنة ونصف عشان تمتحن ال Lab.......
هل ممكن شركة تقبل واحد لسه Fresh....يعنى مش معاه خبرة عملية....ومعاه CCNP-CCIP-CCIE...؟
فى رأيى....هيبقى صعب.....وخصوصا ان شخص زى دا هيبقى مرتبه عالى....وكمان لسه هيعلمه...((أكيد مش هيمسكه الشبكة من أول يوم)).
ولا ممكن عشان هوا معاه CCIE....يلاقى وظيفة جيدة...أو جيدة جدا مع انه لسه مش معاه الخبرة....؟
دا اللى أكيد هنستنى برده الخبراء يردوا علينا فيه...
***أعتقد دا اللى ممكن يدور فى فكر أى شخص عايز يوصل للحلم الاكبر CCAr .......أو...خليها Treble CCIE ......:D
ويمكن فى حاجات أنا مش واخد بالى منها....أو مش فاكرها.....وكمان أسئلة تانية كتييير.....ودا طبعاً اللى المشاركات هتوضحة...وهنستفاد كلنا.