لو عاكس خطيبتك هاتعمل اية ؟؟!

[fanto]

فى فكره تانيه ، انى أنزل فى خطيبتى ضرب " نعم أضرب خطيبتى " لغايه ماهو يجى يحوش و يقولى ياراجل خلاص حصل خير و بعدين نبقى أصحاب و بالفعل ستكون هذه win-win situation

بس إحتمال خطيبتى تزعل

إحتمال خطيبتك تزعل منك بــس ...

ياراجل ياطيب .. أكيد هتروح ماسكة إيدك ومقلعاك الدبلة بتاعتك ولابساها هى وهتدخل تتخانق وهتقول ما يجيبها إلا حريمها :D :D :D

[event88]

بسيطة .... بسوق خطيبتي لجنب وأشوفلي أحلي حجر كدا من تركيبة زلطية وأديله بيه علي دماغه من حيث لا يشعر واكمل فيه ضرب وانتهي الحوار

[Gwynn'bliedd]

أبسط حل هو الهروب

بسوق خطيبتي لجنب وأشوفلي أحلي حجر كدا من تركيبة زلطية وأديله بيه علي دماغه من حيث لا يشعر

وماذا لو لم يصب الحجر الهدف المطلوب :p

[محمد حسن احمد]

والله الموضوع مضحك كثيرا لكن ؟؟؟؟
الحقيقة يا شباب وأنا بتكلم عن نفسي الله يصرف البلاء عني وعن شبابنا ولا يغرنكم الشكل والعضلات الهرمونية المنفوخة ... بالقلب القوي مع قليل من القوة البدنية وعنصر المفاجئة ممكن أنك تمسح فيه البلاط وبسهولة وتخليه مثل الخرقة المبلولة بين إيديك وبعدها تقعدو على الشوربة شهر كامل .. 

مع احترامي لحضرتك بس مش كله مبدا التعميم مرفوض لان فيهم ناس اقوياء بجد وانا بقولك ده عن خبره لاني ببساطه بلعب اللعبه ديه من سنيييين وعارف كويس وعموما قول التكال علي الله ساعتها طول مانا معايا الحق واخش اخد غطس فيه علي طول ......:D

[™Phantom]

هل يعني هذا أن الشخص قبل أن يرتبط بفتاة يجب أن يعمل Body Building ؟ :confused:



:D

---------------------

خلاصة الموضوع من وجهة نظري :

1-يجب أن يختار الرجل منا فتاة محتشمة في ملابسها وهادئة بحيث لا تجذب الأنظار من الأساس وطبعاً أختلف مع من يقول أن الرجل يجب أن يفرض عليها ذلك لأن الطبيعي أن تكون كذلك من البداية !

2-يجب أن يختار الأماكن المناسبة التي يسير فيها معها

3-إذا سمع شيئاً لا يرضيه فعلى حسب ما سمع يكون التصرف

مثلاً هناك كلام عام قد لا يكون موجهاً لهما

وكلام آخر تختلف شدته

سأذكر مثال بسيط وأرجو ألا يكون غير مخالف للأداب وإلا سأحذفه فوراً :

الدبابة : يا جميل يا قمر ........ مش أنا أحسن من القرطاس اللي معاكي !

الرد فوراً وبدون تردد : القرطاس ده يبقى والدك اللي اتجوز والدتك وجابولنا نطع زيك !

(الرد يجب أن يكون بثقة كبيرة مع نظرة استعلاء )

في مثل هذه الحالة لا أظن أن السكوت يكون من الحكمة

[skilllllet]

احنا جامدين اوووووووووووووووى
انا هروح اكسرلو دماغو


:D عينى يا رب

[Goldsmith]

يابني ده لو أي حد كح معاه ممكن يقلعه الساعة وساعتها هيبقى شكله أوحش بكتيييييييير

بس الكلام إللي بجد في الموضوع ده:
خطيبتك لو مشيت وسكتت من جواها هتخاف على روحها معاك بعد كدة وهتحس إنك مش قادر تحميها

ولو اتخانقت وانضربت هتقول عليك ..... وهتذل أهلك وهتفكرك باليوم ده كتير

ولو اتخانقت معاه وضربته هتقول عليك همجي، يعني اي واحد مش متربي تعمل معاه كدة
وإزاي تتخانق أصلا وهي معاك وممكن تتبهدل منك والكلمتين دول


أحسن حل تحطها في تاكسي وتبعتها ع البيت (ممكن سواق التاكسي يكمل عليها) وتستشهد لوحدك
أو توصلها وترجعله عشان إنت بتخاف عليها (وطبعا إنت هتروح تقعد مع صحابك على القهوة وتقوللها إنك كسرته وهو في المستشفى دلوقتي)

[Eng.MinaEdward]

^^^^
يا سياسى يا جامد :D:D

بس انت قفلتها الاول من كل حتة :D

[Goldsmith]

بص يا مينا، أنا لو بنت لبسها مش كويس ومايصة ومروحة بالليل لوحدها ممكن أعمل عبيط وأسيبها تروح لوحدها
لأني عارف كويس إني لو وصلتها هتتعاكس، وأنا مش بحب أطنش حتى لو مش خطيبتي أومال أنا بوصلها ليه (بحب أسمع المعاكسة عشان آخد خبرة يعني؟) وفي نفس الوقت مش مستغني عن روحي عشان أعمل مشكلة كل شوية

لو بنت كويسة في لبسها (صدقني بتتعاكس برضو) خصوصا بالليل
وفي أماكن تجمعات للشباب في الأماكن إللي فيها بنات (قدام السينمات، قدام باب الجامعة...) بيقفوا عشان يعاكسوا
ومعاكسة جماعية، وممكن يكون في أكتر من المعاكسة كمان

في الحالة دي مجرد وجود راجل مع البنت بيمنع الكلام ده كله، لأنه أصلا إللي بيعاكسوا بيبقوا شوية عيال ... وعاوزين صيدة سهلة
وفي حالة إنها اتعاكست مجرد إنت بس ما تقف وتبصلله بصة شديدة كأنك هتتخانق معاه هتلاقيها هي بتشدك وتقوللك محصلش حاجة ياحبيبي مش عاوزين مشاكل يلا عشان خاطري
وطول السكة بقى إعمل نفسك متضايق أوي وتقوللها أنا إيه بس إللي خلاني أسمع كلامك؟
كنتي سيبتيني أضربه عشان أرتاح :D أنا متضايق أوي :D

[Eng.MinaEdward]

بص يا مينا، أنا لو بنت لبسها مش كويس ومايصة ومروحة بالليل لوحدها ممكن أعمل عبيط وأسيبها تروح لوحدها

على فكرة انا مقصدتش كدة فى اول الموضوع

انا قصدت ان ساعات بيجلهم شطحات غريبة (فى اللبس بشكل اساسى )

فأن مكنتش انت حازم ودا لأ يعنى لأ هاتروح عليك !!

[™Phantom]

غريبة يا ساهر !

على الرغم من صغر سنك إلا أنك تفهم الأنثى كما قرأت في كلامك


يبدو انني الوحيد هنا اللي "كيس جوافة" :D

هي مرة واحدة عرفت فيها فتاة بغرض الارتباط ومحصلش نصيب (زي ما بيقولوا)


بالمناسبة : تذكرت الآن انني تعرضت مرة لمعاكسة هاتفية ولن يمكنكم تخيل كم "الغلاسة" التي كنت أرد بها على الفتاة حتى توقفت عن الاتصال :D:D

[yasserlee]

يا جماعة انتو مكبرين الموضوع ليه بمنتهي البساطة هارمي الدبلة في وشها :D:D
و بكده فسخنا الخطوبة و هاعمل نفسي مشفتش الست دي قبل كده (امزح)

اللي ربنا يقدرني عليه هاعمله بس اخر حاجة افكر فيها الهرب
طبعا الهرب هيبقي اول حاجة هاعملها بس لو كنت لوحدي :rolleyes: انما و انا مع خطيبتي لأ للاسف مش مش هينفع الهرب

[Eng.MinaEdward]

^^^
الجرى نص الجدعنة :D

[™Phantom]

^^^
الجرى نص الجدعنة :D

فيه ناس مش هتقدر تجري يا مينا بسبب زيادة الوزن :rolleyes:




:D:D:D

[Eng.MinaEdward]

^^^^
تخسس زى ما انا قلتلها

:D

وانا ملتقلش انى بنزل الجيم فى الاجازات ؟؟؟!:D:D