مساكم الله بالخير ياأعضاء أحسن منتدى....
أتمنى إنكم تقبلوني عضوة معاكم بهالمنتدى الحلو...
عندي إستفسار بسيط عن أفضل الشركات المصنّعة للكمبيوترات المحمولة من ناحية المواصفات الممتازة، السعر المناسب، الصيانة و الضمان....

صراحةً ودي أشتري كمبيوتر محمول في حدود6500 ريال سعودي،و يكون المعالج P4 بس الجديد هذا اللي يقولون عنه Mobile و السرعة مو أقل من GHz 1.9 و الRAM لا يقلّ عن 256 MB (وإذا كان 512 MB فهي ميب شينه) ، أمّا سعة الهارد ديسك فـ30 GB عزّ الطلب، و ال Video RAM أفضّل يكون يا 32 يا أعلى ( ترى 64 أطلق شيء)....

على فكره! فيه مجال أحصل على مواقع سعودية أو عربية توفر معلومات عن الكمبيوترات ؟؟
أيّ محل أو مركز هنا بالرياض تعتقدون يكون أفضل مكان يشتري الواحد منه بحيث ما يخاف إنه ينصب عليه في الجهاز أو السعر؟؟
هل تتوقعون لو إنتظرت حتى يبدأ معرض جيتيكس اللي بيفتتح هنا في الرياض يكون أفضل؟؟

Thank you so very much everybody