السلام عليكم
هذي أول مرة أشارك في عرب هاردوير وأطلب نصيحة الأخوة في شراء جهاز كمبيوتر جديد(Workstation) وانشاء الله ماراح تقصرون ..
بصراحة أنا قررت أشتري جهاز جديد ورحت لمركز العين في دبي
لفيت لفيت ولقيت هالمواصفات حق الجهاز .. ياريت لو أشوف راي الأعضاء فيه ونصايحهم
1- المذر بورد : من نوع انتل دبل بروسسر ZEON تحتوي على كرت سكازي فيه 2 بورت Built in
وهي تدعم الرامات ddr 1 و كروت الشاشة pci express
(أرجو نصحي في الشركات الأفضل المصنعة لهذا المذربورد)
2- البروسسر : عدد 2 بروسسر انتل زيون 3.0 والكاش 1 ميغا
3- الرام : قطعة وحدة 1GB من نوع ddr ecc registery 400 ويقولون ان المذربورد لا تدعم الرامات ddr العادية
4- الهاردديسك : سكازي سعته 36 GB بسرعة 10000 RPM من شركة سيجيت
5- الكيس والباور سبلاي : ما أدري شو نوعة بس يقولون انه حق السيرفرات
ياريت لو تنصحوني في أحسن نوع.. الميزانية الموضوعه = 1000 درهم اماراتي
6- كرت الشاشة : أنا حاب اشتري كرت شاشة من شركة ATI بشرط يدعم pci express بس محتار أي نوع أشتري
لقيت كروت شاشة خاصة بالووركستيشن يسمونها FIREGL وما أدري إذا هي أحسن من الكروت العادية مثل x800 أو RADION 9800 وغيرهم
محتار بينهم !!!
على العموم كرت الشاشة ضروري جداً لأني أشتغل في الجرافيكس كثير وأشغل الألعاب ولازم أختار الأحسن .. ياريت لو تنصحوني فيه .. في حدود الميزانية اللي وضعتها له = 1500 درهم اماراتي
ملاحظة: نشرت الموضوع في منتدى الوسائط كذلك للأهمية
أشكركم وانتظر نصايحكم
والسلام
المفضلات