استفتاء عرب هاردوير للتعديلات الدستورية في مصر

[mr:hossam]

بالطبع لا و الف لا لهذا الترقيع

[skyboyextreme]

طبعا لا دول عاوزين يضحكو علينا و بكده نبقى كل اللى عملناه ان احنا بدلنا حسنى بدكتاتور اكثر منه سوئا !! مستحيل نرجع لمربع الصفر تانى حرام بقى !!

[coolhero]

[™Phantom]

أرفض هذا الكلام رفضاً تاماً، بل و أطالبك بتعديله. لا أعتقد ان من حقك ان تتحدث بالنيابة عنهم و لمصلحة رأيك. كما فعلتها من قبل و وضعت رأيك فى صف مصلحة الوطن بغض النظر عن من لا يتفق معك فى الرأى.

بالطبع لا أتحدث نيابة عنهم

كل ما عنيته هو أن هؤلاء الشهداء الأبرار كان لهم نفس فكر ائتلاف الثورة في التحرير وهذا الائتلاف قال : لا

وبالمناسبة : لست أول من قال نفس الأمر

حق الشهيد … دستور جديد

لاللتعديلات الدستوريه

https://azelhariri.maktoobblog.com/1...-%D8%A7%D9%84/


https://www.top22arab.com/vb/showthread.php?p=126510

https://www.hoqook.com/index.php?opt...-35&Itemid=185

عندما ضحى شهداء الثوره بدمائهم طلبا للحريه والكرامه ومستقبل افضل

لهذا الوطن كانوا يسقطون نظاما فاسدا بكل اركانه من حكام اغتصبوا خيرات هذا الوطن
ودستور كان مظله وحمايه لفسادهم يتم تفصيله وترقيعه حسب الاهواء هؤلاء الشهداء لم
يبخلوا بدمائهم وحياتهم من اجل استرداد حريتنا وكرامتنا فهل سنضيع تضحياتهم ونرضى
ان يكون تحديد مصير ومستقبل هذه الامة العظيمة بمنطق " خلينا نخلص ".
وأضاف البيان :لقد اسقطت الثوره هذا الدستور الفاسد بكل ترقيعاته وابلغ دليل على
هذا قيام المجلس العسكرى باداره البلاد بدون اى غطاء من الدستور ويصدر قراراته
بموجب الشرعيه الثوريه.
واجاب البيان عن لماذا نرفض التعديلات الدستوريه:1. التعديلات لم تمس
الصلاحيات المطلقه لرئيس الجمهوريه مما يمكن اى رئيس قادم من ان يكون فرعون جديد.
2. يروج البعض ان قبول التعديلات الدستوريه هو السبيل للاستقرار فأين هو الاستقرار
عندما يتم عمل 6 انتخابات متتاليه " استفتاء التعديلات – الانتخابات البرلمانيه –
الانتخابات الرئاسيه – استفتاء الدستور الجديد – الانتخابات البرلمانيه –
الانتخابات الرئاسيه " ومن سيتحمل تكلفه كل هذه الانتخابات؟ وهل سيمنع رفض
التعديلات عوده الشرطه او استمرار العمل والانتاج ، الخلاصه انه لا علاقه بين رفض
التعديلات وغياب الاستقرار.
3. اليست هذه التعديلات ستحدد مستقبل هذا البلد؟ فهل من المعقول ان يتم الاستفتاء
عليها بعد 15 يوم فقط من طرحها على الشعب؟ الا يستحق مستقبلنا ان نتريث قليلا ؟.
4. حسب التعديلات المطروحه سيقوم البرلمان المنتخب باختيار اعضاء اللجنه التاسيسيه
لصياغه الدستور الجديد والمعلوم للجميع ان الوقت المتاح قبل الانتخابات البرلمانيه
لا يسمح بظهور قوى جديده على ساحه العمل السياسى مما يمهد الطريق لاصحاب النفوذ
والمال من اذناب وفلول الحزب الوطنى الذين يملكون قدرات تنظيميه تمكنهم من العوده
الى صداره المشهد مره اخرى والسيطره على البرلمان الجديد وابلغ دليل على هذا هو
موافقة الحزب الوطنى على التعديلات. فهل المطلوب ان يقوم هؤلاء بتحديد مستقبل مصر؟.
5. اصرار المجلس العسكرى على التصويت على هذه التعديلات مجتمعه وليس كل ماده على
حده مما يجبر البعض على الموافقه على ما يرفضه او رفض ما قد يوافق عليه.
6. اعلنت غالبيه التيارات والقوى الوطنيه ورموز مصر الشرفاء من كتاب ومثقفين
وسياسيين رفضهم القاطع لترقيع الدستور واعلنوا دعمهم للثوره فى مطلبها المتمثل فى
اسقاط دستور العهد البائد وصياغه دستور جديد للبلاد.
وعليه فاننا نطالب جموع الشعب المصرى بالاستمرار فى النضال السلمى المشروع
والمشاركه فى الاستفتاء واعلانها صريحه :
" لا " للتعديلات الدستوريه من اجل دماء الشهداء.
" لا " للتعديلات الدستوريه من اجل مستقبل افضل لهذا الوطن

[hack4love]

رصد | اللجنة القضائية العليا المشرفة على التعديلات الدستورية : 
رفض التعديلات الدستورية سيؤدي إلى فراغ تشريعي

لمواخده خخ وشكراااااااا


الثوراه المضاده فيلم من تاليف صفوت الشريف واخراج زكريا عزمي فكره عامه فتحي سرور ومن انتاج عائله مبارك


ابطال الفيلم اعضاء اللجنه الدستوريه و بعض قيادات الجيش



لماذا نقول لا للتعديلات الزفت دي






عندما تاتي بشخص وتعطيه كل الصلاحيات دي وتعتقد انه سيعدل الدستور لمصلحه الشعب فنصيحه روح كمل نوم احسن

:ah22:

[ozaro19]

YES.

['aMido]

لا لتعديل دستور ساقط شرعيا
دي ثوره يا جدعان يعني تغيير نظام بلد بالكامل و اول حاجه الدستور

[hack4love]

https://www.referendum.eg/

[Mr.pOPo]

@ hack4love

رد على كلام حضرتك بأن انتخابات مجلس الشعب ستجرى بالقانون القديم، و زى ما قولتلك ان الكلام دا مش صحيح. لأنه فى حالة إجراء الانتخابات، سيتم تعديل قانون مباشرة الحقوق السياسية وقانون مجلس الشعب ومدته ستكون خمس سنوات، وقانون مجلس الشورى وقانون الانتخابات الرئاسية.

و دا مش كلامى دا كلام اللواء ممدوح شاهين مساعد وزير الدفاع للشؤون القانونية والدستورية! و آدى نص الكلام اللى قاله:

بناء على الاستفتاء سنعدل قانون مباشرة الحقوق السياسية وقانون مجلس الشعب ومدته ستكون خمس سنوات، وقانون مجلس الشورى وقانون الانتخابات الرئاسية، بما يضمن حياة ديمقراطية أفضل، وسيصدر قانون الأحزاب خلال الأيام المقبلة، وفيما يخص المصريين بالخارج بقدر الإمكان سنتيح للموجودين بالخارج المشاركة، ولكن القانون يقول «قاض لكل صندوق» ولا أستطيع إرسال صندوق إلى الخارج، إلا إذا وفرت قاضيا له، وبالتالى ستتم تعديلات تشريعية خلال الفترة المقبلة بما يسمح بمشاركة المصريين بالخارج

المصدر: المصرى اليوم

أيضاً: تأكيد على إلزامية أو وجوب إصدار دستور جديد بموجب التعديلات "اللى على فكرة لو تم الموافقة عليها هتكون بمثابة بيان دستورى و ليس كما يعتقده البعض!!" و فقاً لما قاله المستشار طارق البشرى رئيس لجنة التعديلات الدستورية فى لقاء معاه النهاردة على قناة الحياة اليوم.

اللواء ممدوح شاهين: الرئيس القادم «ملزم» بتغيير الدستور

المصدر: المصرى اليوم

[BionicMan]

انا عن نفسي هقول لأ

محدش خد باله ان مفيش بند في الدستور الحالي بينص علي ان المجلس العسكري هو الي يمسك الحكم ؟! :confused:

المفروض رئيس المحكمة الدستورية العليا مش المجلس العسكري

محدش خد باله ان شرعية الثورة اسقطت شرعية الدستور منذ أعلان تنحي حسني مبارك ؟!

يعني حاليا مفيش حاجة اسمها حاجة دستور 71 !!

محدش خد باله ان احنا هنعدل علي دستور غير معمول بيه حاليا وغير موجود ؟!

واخيرا أرجو من الجميع انه يتفرج علي الفيديو ده هنا

[Mr.pOPo]

محدش خد باله ان مفيش بند في الدستور الحالي بينص علي ان المجلس العسكري هو الي يمسك الحكم ؟! :confused:

شرعية المجلس العسكرى بالفعل جاية أولا من الشعب ثم الثورة ثم الدستور. فى مادة مش فاكر كام بالضبط و لكنها بتنص على ان القوات المسلحة مسئولة عن أمن و حماية البلاد. و أعتقد انه نص عام يرجع لتقدير المجلس الاعلى فى ما يتعلق بأمن البلاد و حمايتها.

[ŤǾЯŊΛĐф]

محدش خد باله ان مفيش بند في الدستور الحالي بينص علي ان المجلس العسكري هو الي يمسك الحكم ؟! :confused:

المفروض رئيس المحكمة الدستورية العليا مش المجلس العسكري

قرار التنحى بيقول إنه قرر التخلى عن السلطة وتكليف المجلس الأعلى بإدارة البلاد

[BionicMan]

شرعية المجلس العسكرى بالفعل جاية أولا من الشعب ثم الثورة ثم الدستور. فى مادة مش فاكر كام بالضبط و لكنها بتنص على ان القوات المسلحة مسئولة عن أمن و حماية البلاد. و أعتقد انه نص عام يرجع لتقدير المجلس الاعلى فى ما يتعلق بأمن البلاد و حمايتها.

أمن البلاد وحمايتها خارجيآ

وديه مهمة الجيش الرئيسية (حماية الدولة من الخارج وحماية الشرعية) وليس حكم البلاد داخليآ

وده الي خلا الناس عايزة مجلس رئاسي والجيش يرجع لمهمته الرسمية وخصوصا ان في حرب استنزاف بتحصل دلوقتي في سينا

بس حرب هادئة ومحدش يعرف عنها حاجة قايمة بيها اسرائيل في وقت الناس كلها مشغولة بالأمر الداخلي

وده الي مخلي الناس عايزة الجيس يعين مجلس رئاسي ويرجع لأماكنه الأساسية

[skyboyextreme]

ايوة انا مش عارف هما ليه مش عاوزين يعملو مجلس رئاسى !! و بعدين يا جماعة انا بقيت سامع لهجة تخويف فى الاعلام الرسمى عمالين يقولو للناس صوتوا بنعم عشان يرجع الاستقرار و الامن !! ايه الكلام الفارغ ده يعنى لو النتيجة نعم البلطجية هترجع لا طبعا ما فيش حاجة اسمها نعم للاستقرار ما دهع نفس الكلام بالضبط اللى كان بيقوللو مبارك !! "ارجعو بيوتكم الرسالة وصلت عشان خاطر الاستقرار" ده كلام فارغ و انا ملاحظ ان فى بعض القنوات و منها الاعلام الرسمى عمال يوز الناس على نعم ما بلاش بقى حد يملى على الناس يقولو ايه دى ثورة ثورة يا جدعان و من مطالبها الاساسية اسقاط الدستور و ليس تعديله الغوه بقا ده بقى عامل زى الخرقة المهلهلة مش نافع فيه خياطة و بعدين ماحدش عدل حاجة فى سلطات الرئيس يعنى كده احنا هنجيب دكتاتور تانى حرااااااااام بقى كفاية كفاية لاااااااااااااااا للتعديلات عاوزين دستور جديد!!

[skyboyextreme]

الاستقرار مالوش دعوة بنعم او لا ده كلام شبه الكلام بتاع مبارك بالضبظ لما كان بيعمل مظاهرات تهتف بحياتة عشان "الاستقرار" بردو