ياجماعه ياريت حد يفيدنى
السلام عليكم اولا
لو سمحتم انا كنت لسه مجمع كيسه جديده وكان البرويسسور اللى جبته هو Core 2 Due E7500 2.9 GH.z Cache 3MB
وسمعت قريب من ناس كتير حوار كسر السرعه ده و انا بصراحه جديد فى حوارات الكومبيوتر ومش عارف اعمل ايه بالظبط وفى نفس الوقت كنت عايز اسأل كام سؤال
هل كسر السرعه بيضر من عمر البرويسسور الافتراضى ؟ يعنى هو لو هيعيش سنه , بعد الكسر بيعيش كام فى الميه % من السنه دى ؟
تانى حاجه , هو بعد كسر سرعه البرويسسور بتاعى ده هيوصل فى سرعته لحد كام ؟ يعنى هل هو ممكن يجيب سرعه ال CORE I3 ؟ ولا هيبقى اد ايه بالظبط ؟
ثالثا , كنصيحه اخويه انتو ترشحولى ان اكسر سرعه البرويسسور ؟
رابعا , هل هيبقى فى فرق بجد فى الالعاب ؟ ولا مش هحس بيه ؟
خامسا , اعمل ايه بالظبط لو انتو رشحتولى ان انا ممكن اكسر السرعه وياريت شرح بسيط علشان انا مبفهمش اختصارات الناس اللى فاهمه اوى فى الكومبيوتر
سادسا , هل انا لازم اشترى حاجه جديده ؟ زى مروحه تبريد او كده ؟ ولا ايه بالظبط ؟
وشكر مقدما .
ياجماعه ياريت حد يفيدنى
ودى صور انا قريت ان انا لازم احطها
ياريت حد يرد عليا فى اقرب وقت ياجماعه
السلام عليكم أيها الأخ الكريم وتقبل مني مروري
أولا المعالج عمره أكتر بكتير من سنة
وأيوة هو صحيح أن كسر سرعته بيقلل من عمره الأفتراضي بس بحد قليل
وكمان البورسيسر اللي عندك كويس يعني لو مثلا عايز تعمله كسر ل3.5/4 GHz
لازم تجبله مشتت/فانه حرارية كويسة للبروسيسر علشان تعمل كسر سرعة براحتك:ah5:
بس هو حضرتك ايه عايز تعمل كسر سرعة ليه؟
البروسيسر سرعته كويسة وحتا لو عملتله كسر سرعة مش هتلاحظ فرق كبير...
أو تعمل كسر سرعة لكارت الشاشة والمعالج في نفس الوقت... وده طبعا محتاج مراقبة حرارتهم هما الأثنين :ah27:
وممكن يأخي الكريم تديلي نوع و موديل البوردة بالظبط علشان أديلك تعليمات اكسر السرعة لو محتاج؟
وشكرا
عليكم السلام
إجمالا وبما أن بطاقتك 5670 الفرق بعد الكسر لن يكون كبيرا أو ملحوظا , فالمعالج بتردد 3.0g وهو كافي لإستخراج قوة بطاقتك بنسبة 95% على الأقل .رابعا , هل هيبقى فى فرق بجد فى الالعاب ؟ ولا مش هحس بيه ؟
سأعطيك إعدادات تمكنك من الوصل للتردد 3.2g وتلاحظ الفارق بنفسك , طبق الإعدادات التالية من البيوس :
من القائمةM.I.T
CPU Host Clock Control = Enable
CPU Clock Ratio= 11
CPU Host Frequency =290
Memory System Multiplier =2
CPU Voltage =1.30v
PCI Express Frequency =100
C.I.A.2 = Disable
Performance Enhance = Standard
بعد تطبيق الإعدادات قم بإعادة إختبار الضغط فقط مرفقا معه صورة للحرارة .
كن مع الله ولا تبالي
The Ωverclocker
يعنى انا مش فاهم دلوقتى ياجماعه
هل انا هحس بفرق ؟ او الالعاب هتقرا اعلى بعد الكسر ؟
ولو سمحت يااستاذ اكستريم : اعمل ايه لو الجهاز مثلا مرضيش يقوم وقعد يعمل ريستارت ؟
تانى حاجه : اختبار الضغط بأنهى برنامج ؟ وصوره الحراره من انهى برنامج ؟
أوضحتلك بمشاركتي السابقة أن الفارق سيكون ضئيل مع كسر السرعة لان بطاقتك 5670 قد استكفت من التردد الحالي للمعالج .يعنى انا مش فاهم دلوقتى ياجماعه
هل انا هحس بفرق ؟ او الالعاب هتقرا اعلى بعد الكسر ؟
لا يوجد أي خطر , فاللوحة تقوم بإستعادة الإفتراضيات من تلقاء نفسها أو تقوم أنت بإستعادة الإفتراضيات عن طرق فك البطارية الصغيرة الموجودة باللوحة .ولو سمحت يااستاذ اكستريم : اعمل ايه لو الجهاز مثلا مرضيش يقوم وقعد يعمل ريستارت ؟
ستجد البرامج اللازمة بتوقيعي .تانى حاجه : اختبار الضغط بأنهى برنامج ؟ وصوره الحراره من انهى برنامج ؟
كن مع الله ولا تبالي
The Ωverclocker
لا بأس من التجربة , المسألة أسهل مما تتخيل , وممكن بأي وقت العودة للوضع السابق .
طبق الإعدادات التي اعطيتك اياها .
كن مع الله ولا تبالي
The Ωverclocker
ممكن لكن بنسبة بسيطة قد لا تذكر .
كن مع الله ولا تبالي
The Ωverclocker
انا نفذت اللى حضرتك قولتلى عليه
بس انا ملقتش كلمه C.I.A.2 علشان اعملها Disable
ولو سمحت ممكن تخليك معايا 5 دقايق بس لحد ماارفعلك صورة الحراره والضغط ؟ علشان لو فيه حاجه غلط ياريت تحذرنى وتقولى اعمل ايه
الصور اهى ياباشا , ياريت تقولى انا كده صح ولا ايه
حد يقولى ياجماعه انا كده صح ولا ايه
ياريت ترفع صورة من cpuz اثناء الضغط لان واضح انها اثناء الخمول .
كن مع الله ولا تبالي
The Ωverclocker
المفضلات