السلام عليكم ورحمه الله وبركاته

أخواني

بعد شراء كارت الشاشة وباور سبلاي لم أجد هناك فارقا في سرعة وقوة جهازي
وهذه المواصفات ::

بروسيسور :: 630LGA 775 ,3GHz ,2MB L2-Cash,800 MHz FSB
رام : 2 جيحا ddr2
بوردة :945 جيجا بايت
كارت الشاشة : 4670 ATI Giga byte 1 G DDr3
باور سبلاي :HEC 350 w



كل حاجة معادا الباور وكارت الشاشة عندي بقالهم سنتين وأكتر
بروسيسور من 4/2007
الرام والموزر حدثت من 2/2008

كارت الشاشة والباور من 6/2010


محستش بتغير كبير في الجهاز لما جبت كارت الشاشة غير بعض الألعاب الي مكنتش بتشتغل أصلا بقت تفتح
وبطيئة وشوية تهنيج مش أوي فبشغل علي أقل خيارات

بروسيسور عندي علطول درجه حرارته عالية 40 في الجو البارد ده لما بيكون البروسيسور 2% بالكتير

أفتح لعبة البروسيسور يعلي لل 60 : 70% درجة الحرارة توصل لل 60 : 80 درجة

غيرت المشتت وطبعا المعجون غير كده جهاز بنظفه تماما كل أسبوع بصفه دورية (فني صيانة بقي :ah38
فموضوع الأهمال ده مستبعد

أسف أني طولت بس أسئلتي كالتالي :
1- هل أنا عندي مشكلة عنق الزجاجة؟ وايه نصائح لحلها تغيير بروسيسور ولا الجهاز بأكمله ؟
2-هل سبب درجة حرارة البروسيسور لأنه قديم ولا هو النوع ده درجة حرارته عالية ولا أيه بظبط؟؟
3-هل مرور الوقت علي قطع الجهاز تسبب بطئه أو بتأثر عليه (مع مراعاة أهتمامي بتخفيض درجات الحرارة دائما ورعاية الجهاز تماما) ؟؟
4-الرامات هل بتتأثر بمرور الوقت والأستخدام؟؟ولما بعت راماتي القديمة الراجل قالي هختبرها أشوفها شغالة كام % حصلت معايا مرتين هل ده صحيح وأزاي اختبر الرامات؟؟


مع العلم جهاز شغال 24/7 طول أيام السنة معادا يوم الثلاثاء يوم تنظيفه وصيانته

الجهاز قليلا لما أستخدام البروسيسور يكون عالي دايما 10% : 40% لأني بلعب أولاين جيم علطول عامل minimize
دي معظم المعلومات الي لاحظت أنكم بتستفسروا عنها عشان تردوا علي الناس وكان الله في عونكم

ارجو افادتي بكل الأراء والخبرات وجزاكم الله عنا كل خير

أخوكم في الله /حسن عزت