بسم الله الرحمن الرحيم
من غير تفاصيل كتير انا كنت نويت خلاص انى اشترى لاب توب وفكرت فى المواصفات المناسبة من ناحية السعر والاستخدام وخصوصا انى ناوى استخدمه فى شغل جرافيك بعد كدة ...
والحمد لله ربنا هدانى للمواصفات دى :
بروسيسور core i5 ورامات 4 جيجا وتكون اب تو 8 جيجا عشان لو حبيت احدث فى اى وقت وطبعا كارت شاشة عالى واحد جيجا وشاشة 15.6 ليد ( ويفضل يكون فيه نوم باد فى الكيبورد للشغل )
وطبعا محاولتش ابص لل I7 كبروسيسور ولا لل سونى والابل والتوشيبا لانهم غاليين طبعا فبدات الحيرة بين الاتش بى والديلل واللينوفو لان دول اللى لقيت فييهم المواصفات اللى انا عاوزها
الاتش بى بيسخن جامد وفى بعض الحاجات اللى مش عاجبانى زى ان اقصى حاجة فى الرامات 4
الديلل : طبعا انا قصدى على المويل N5010 INSPIRON طبعا فى ناس قالتلى اوعى مشاكلة فى الصيانة كتيييير هتندم
اللينوفو : كنت فعلا خلاص هجيبه لان مواصفاته فى الجون زى اللى انا عاوزها بالظبط وسعره فوق الخيال وناس قالتلى حمار شغل لكن الصدمه كانت فى ناس كتير اوى قالتلى اوعى فى عيوب فى الشاشة بتاعتة وعمرة قصير ... امال هو رخيص ليه ؟؟؟
طب ايه الحل ؟؟؟ وهل حد عنده موديل معين يقترحه عليه ..
وسؤال تانى هل فى عيوب انى اشترى من كارفور ؟؟؟ لانى ناوى اجيبه بقسط صغير يعنى على سنة اقصى حاجة ... لان مش معايا انى ادفع كلة مرة واحدة .... ؟؟؟ مع العلم انى فى مصر طبعا
وشكرا مقدما يا جماعة ومنجيلكوش فى حاجة وحشة ....
المفضلات