السلام عليكم و رحمة الله و بركاتة

أسعى حالياً لتجميع جهاز جديد بدلاً من جهازي العجوز (233 MHZ) الذي أعمل علية حالياً

المواصفات المقترحة حسب الميزانية
-P4 2.0 GHZ Northwood
-MB GIGABYTE GA-8IEX
-RAM 256 MB DDR266
- الباقي لم أستقر علية

في البداية كنت فاكر الموضوع وردي ، هأطلب الموديل اللي أنا عاوزة وأشترية على طول ، بس التفاهم مع الباعة بالموديلات و المواصفات طلع صعب ، كتيير ميعرفش أرقام ال CHIPSET واللي عندة فكره اّخر حاجة سمع عنها I845 ، أقول لأ انا عاوز 845E ،يتجاهلني .. يأستاذنا أنا عاوز 845E .. يضحك ويقول "لازم ال E دي"

واحد تاني يقول "ياراجل GIGABYE مين .. جيجابايت كانت زمان .. خد واحدة MANLI مالهاش حل .. وبعدين جيجابايت مشاكلها كتيير والمرتجع منها كتيير .. الا اذا كنت بروفيشنال " ؟؟؟؟؟؟؟؟؟؟

نيجي للمشكلة الأكبر
أقول لـ واحد عاوز رام PC2100 .. ميعرفش يعني اية PC2100 ! .. طب DDR266 .. يقول اة ال DDRam .. أقول لأ DDR .. المهم صمم على رأيه .. قولت خلاص اللي انت شايفة .. مش هانختلف .. المهم عندك ؟ .. يقول بطلت أشتغل فيها .. لية كدة بس ؟ .. يقول بتهنج الجهاز .. خد 512 sdram أحسن (مع ان الأتنين SDRAM سبحان اللة ) هو طبعاً يقصد PC133 .. وكمان ايه .. هو شايف انها هتعمل جهاز أحسن من ddram ومن ال RD .... ويقول "no real speed"
المهم هو مصمم انة جربها كتيير وعاملة مشاكل .. بصراحة قلقني

مع العلم انة بيتعامل مع SpecteK

- المشكلة ان أنا مش في العاصمة و الا الوضع كان يبقى أفضل من كدة

أرجو الآفادة هل DDR266 بالفعل غير مستقرة و تسبب مشاكل و شاشات زرقاء ، أم بعض أنواع منها قد تكون رديئة ؟؟
هل الماذربورد جيجابايت غير مستقرة unstable ؟
أنا حائر و أخشى الدخول في تجربة أندم عليها

سؤالين خفاف :
- ما معنى ال A في P4 2.0A GHZ
- مالفرق بين بورسبلاي 250 وات و 300 وات و 350 وات

أعذوروني يا شباب على الاطالة
ولكم جزيل الشكر ...