نعم : سوف استفيد من الموضوع وسيستفيد الاعضاء
لا : الناس كلها عارفة الموضوع دة ومش محتاج كلام
كيف يتم الشحن ؟
عن طريق شركة ميدل ايست
انت بتروح الفرع وتسلمهم الشحنه متغلفه وتدفع التكلفه وهو يديك فاتوره
وممكن تطلب انه يستلم مبلغ معين من المال من مستلم الشحنه (الدفع عند الاستلام)
وعند استلام المبلغ يتصل عليك ويقولك تعالى استلم المبلغ في الفرع بالفاتوره اللي معاك
وساعتها بتتحاسب على تكلفة الشحن رايح جاي
كيفية الدفع ؟
اول نص كيلو ب 15 جنيه تقريبا
واي نص كيلو بعد كدا ب 2 جنيه تقريبا
اتمنى اكون فاكر صح
الوقت ؟
بياخد حوالي يومين
ولو انت بعت الحاجه قبل الظهر
توصل تاني يوم ان شاء الله
بالنسبه للضمانات
مش عارف لاني عمري ما طلبته
..........
دا اللي اقدر افيدك بيه واسف لو معلوماتي ناقصه
اولا : اشكرك على سرعة ردك وانى اخت فكرة عامة عن الموضوع ومن الواضح ان مصاريف الشحن مش غالية اوى....
سؤال : نفترض ان الشحنة دة معالج
هل من الممكن اختبارة قبل دفع المبلغ ؟
سؤال اخر : هل الشركة مسئولة عن سلامة الشحنة ولنفترض شاشاة مثلا واتخدشت
للاسف الموضوع محتاج تفسير اكثر
رجاء عمل موضوع شامل ومستوفى البيانات مش كلمتين وبس
اكيد هنستفاد من الموضوع
وانا واحد من الناس معرفش طريقه الشحن نهائى
بمنتهى البساطه فيه طريقتين للشحن..واحده وانت قاعد فى بيتك والتانيه انك تروح الفرع
نيجى للأولى:
1- تتصل بميدل إيست تقولهم انا عندى شحنه عايز ابعتها (فيه طريقتين للإرسال)
أ- عن طريق إرسالها حفظ مكتب بيروح يستلمها المستلم من ميدل إيست
ب- عن طريق إرسالها لعنوان المستلم بتروحله لحد البيت
2- بتيجى ميدل إيست عندك البيت تسلمهم الشحنه وتديلهم بيانات المستلم
أ- الإسم (يٌفضل رباعى)
ب- المحافظه والمدينه
ج- العنوان/حفظ مكتب
د- رقم تليفون المستلم
هـ- رقم تليفونك
بيديلك وصل بتمضى عليه وياخد الشحنه ويمشى
اليوم اللى بعده بتوصل للمستلم على حسب طريقه الإرسال (حفظ مكتب أو إرسال للعنوان)
اليوم اللى بعده بتوصلك الفلوس لو انت طلبت أنها تجيلك عن طريق ميدل إيست (أضمن الطرق) بس بيكون فيه تكلفه للعوده
نيجى بقى للأرقام
سعر أول نص كيلو 13 جنيه بعد كده كل نص كيلو زياده بتزود 2.5 جنيه
لو انت هتعمل ذهاب وعوده علشان توصلك الفلوس تانى يبقى هتضاعف المبلغ..مثال:
فرضنا أن شحنه سعرها 13 جنيه وانت هترسلها وهتوصلك الفلوس يبقى انت هتدفع 26 جنيه (ذهاب وعوده)
ممكن بقى انك تحدد انه ياخد من المستلم حساب ذهاب وعوده أو ممكن تدفع انت ذهاب والمستلم عوده (على حسب الإتفاق بينك وبين المستلم)
الطريقه التانيه مشابهه للأولى بإختلاف انك بتروح الفرع تسلمهم الشحنه وتملى البيانات هناك
ملحوظه: التكلفه مش بتفرق سواء كان بيجيلك لحد البيت أو بتروح الفرع
نيجى بقى لملخص الكلام ده كله بمثال بسيط يوضح كل حاجه:
معاك شاشه وزنها 5 كيلو عايز تبعتها من القاهره للإسكندريه وتكلفه الذهاب والعوده على المشترى
هتتصل بميدل إيست..ألو سلام عليكم معايا شحنه عايز ابعتها للإسكندريه..أوكى يا فندم المندوب هيعدى على حضرتك الساعه.....
ييجى المندوب جرس الباب يضرب..تفتح..سلام عليكم معاك....من ميدل إيست...أهلا وسهلا انا عايز ابعت الشاشه ديه للبيانات ديه
إسم:
عنوان:
رقم تليفون:
انا إسمى كذه ورقم تليفونى كذه وتكلفه الشحن ذهاب وعوده على المستلم وعايزك تحسابه على 800 جنيه
اوكى يا فندم..إمضيلنا هنا لو سمحت..اتفضل حضرتك..شكراً, سلام عليكم
جيت اليوم اللى بعده المستلم توصله الشاشه يدفع 800 جنيه + تكلفه الشحن ذهاب وعوده اللى هى 71 جنيه يبقى الإجمالى 871 جنيه
نيجى لليوم اللى بعد اللى هو إستلم فيه يتصل بيك مندوب ميدل إيست علشان يعدى عليك الساعه.....يديك الفلوس
يجيلك ويديك 800 جنيه بالتمام بدون أى مبالغ ناقصه او مصاريف زياده
شكراً لحسن إستماعكم وياريت مكونش طولت عليكم :D
تمام اوى يا باشا
طب افرض ان انا المشترى وهايجى لى لحد البيت تمام طبعا مش هيسلمنى الشحنة او يفتحة غير ما ياخد الفلوس( من غير ما اجربها ) هيكون اية العمل ؟!؟!
وفين هيا ارقام الشركة دى وفروعا او موقع ليها
والف شكر على الكلام الى زى الفول دة المبسط
يا ريت بقا حد يعمل موضوع كامل عن عملية الشحن ويتم تثبيتة من قبل الادارة
الناس هتستريح انها تقدر تحشن وهيا مطمنة لان هيشوفو ناس كتير عملت كدة ومحصلش مشاكل
ويسلام لو جبتو لنا واحد من الشركة دى زى ما شفت فى المنتدا الاكثر من رائع مندوبين شركات كببيرة وموزعين
وان شاء الله يكون فى فايدة للجميع
تفاصيل الشحن عن طريق شركة ميدل إيست يتمثل فى الآتى، و ذلك طبقا لآخر شحن ليا منهم منذ حوالى شهر:
فى البداية انت تقوم بإرسال عنوانك لمن تريد الشراء منه حتى يرسل لك الغرض عن طريق شركة الشحن على ذلك العنوان. و سيقوم ممثل شركة الشحن بتسليمه لك فى هذا العنوان. او ان تقول لمن سيرسل لك الغرض بأن يجعل الغرض "حفظ المكتب" لتذهب لتسلمه من مكتب الشركة نفسه. بالنسبة لحساب التكلفة و التفاصيل الاخرى...
1- يتم احتساب أول كيلو ب 12 جنيه، و كل كيلو بعده ب 2.5. إذا كان الغرض أقل من واحد كيلو يتم إحتسابه على انه كيلو و كذلك لو كان الغرض كيلو و كسر و لم يصل لوزن 2 كيلو يتم احتسابه على ان هذا الغرض وزنه 2 كيلو. بالاضافة إلى 10% ضرائب..
2- الشحن الذى يكون فيه شراء بمعنى انك طلبت من شركة مثلاً شحن معالج أو كارت او إلخ..، فى مثل هذا النوع عند الاستلام، تقوم بدفع قيمة الشحن نفسه أولاً ثم تقوم بدفع قيمة الغرض نفسه. و لا يسمح بفتح الغرض إلا بعد دفع تكاليفه أو فى حالة ما إذا أردت معاينة الغرض قبل دفع تكاليفه، فى هذه الحالة يقوم ممثل شركة الشحن بالاتصال بالجهة التى ارسلت الغرض " و الذى يكون اسمها مكتوب على ورقة خاصة بشركة الشحن - بالاضافة لرقمها على ما أعتقد " و يسأله عن امكانية فتح المستلم للغرض و رؤيته.
3- فى النوع الذى يكون فيه شراء و شحن لغرض على ان يكون دفع ثمن الغرض عند الاستلام من شركة الشحن. هنا ستقوم بدفع مصاريف عمليتان شحن و ليس مصاريف عملية شحن واحدة. مصاريف عملية الشحن الاولى و المتمثلة فى نقل الغرض من الجهة المرسلة للمستلم "انت"، و مصاريف العملية الثانية المتمثلة فى تسليم مبلغ الغرض نفسه للجهة المرسلة "شركة الكمبيوتر على سبيل المثال.
4- و فى هذه الحالة تنطبق قواعد تحديد مصاريف الشحن "بغض النظر عن مصاريف الغرض نفسه فى حالة الشراء" على العمليتين. بمعنى انهم سيعتبروا عملية تسليم مبلغ شراء الغرض كعملية شحن، و يتم إحتساب وزن المبلغ كيلو و تقوم بدفع 12 جنيهاً مصاريف شحن هذا المبلغ للشركة التى قمت بطلب الغرض منها.
على سبيل المثال: قمت بطلب معالج Corei7 من شركة هاردوير...على ان يتم شحنه لى و دفع ثمنه بعد استلامه عن طريق شركة الشحن. على افتراض ان وزن هذا المعالج واحد كيلوا جرام. ستكون مصاريف شحن المعالج إليك، و مصاريف شحن ثمن المعالج منك إلى شركة الهاردوير = حوالى 27 جنيه.
إجمالى وزن المعالج 1 كيلو = 12 جنيه
و كذلك يتم افتراض نفس الوزن للمبلغ المدفوع كثمن للمعالج أى 1 كليو آخر " بما أن الوزن يكون أقل من كيلو " = 12
+ 10% ضريبة
= 26.5 جنيه
موضوع هام وسيفيد العديد من الأعضاء ..
أرجو كل من يمتلك معلومة عن هذا الموضوع مشاركة السادة الأعضاء بها ..
يثبت فترة للأهمية ,,
السلام عليكم
الصراحة موضوع جاى فى وقته موفيد جداً جداً بالنسبالى
الحمدلله الواحد فهم موضوع الشحن ده بس عندى استفسار بسيط
انى مثلاً اشتريت ماذر و رامه و معالج
لقدر الله الرامة مثلاً مشتغلتش او الماذر او المعالج اى واحد فيهم انا ارجع لمين فى هذه المشكلة
ومثلاً قلى صاحب الشركة انى احنا بعتناهم شغالين والحوارات الى انتو عارفينها
حاجة تانى انا مثلاً بفتح الماذر عندهم ولقيتها مكسورة استلمها ولالا ولا اعمل ايه او مثلاً سن من المعالج مكسور او متنى الحجات دى بتعقد الواحد
انا عارف حتقولى عليا متشائم وعارف انى الحاجات دى مبتحصلش كتير بس الواحد عايز ياخد خبرة افرض حصلت معاه يتصرف ازاى
اتمنى من الله انى تردو عليا فى الاستفسارات دى
[CENTER][IMG]https://img13.imageshack.us/img13/3851/ahmed2k.jpg[/IMG][/CENTER]
فى الحقيقة لم أجد موقع للشركة على الانترنت، و نعم يوجد شركات شحن أخرى و لكن هذه هى الشركة التى يتعامل معها أغلب شركات الهاردوير الموجودة معنا هنا بالمنتدى إن لم يكن كلها. و كان لى تعامل مع شركة شحن أخرى لا أتذكر فى الحقيق اسمها، و ما لا حظته هو تشابه الاجراءات بين تلك الشركات مع الاختلاف فى مصاريف الشحن.
بالنسبة لفروع تلك الشركة فى المحافظات، ليس لدى علم إلا بمكان فروعها إلا الفرع الذى يوجد بمحافظتى محافظة دمياط، حيث توجد بعمارة الشرق للتأمين - الاعصر الاولانية.
وجد هذا الرابط قد يفيدك يوجد به أرقام و عنواين فروع الشركة بمختلف المحافظات.. على الرغم من انه لم يحتوى كل المحافظات على الاقل محافظتى لا أعلم لماذا: https://www.140online.com/Companies/C313398.aspx#
لذا لم أستطع التحقق من صحة العنوان المكتوب و لكن بالامكان الاتصال بالرقم و التأكد من عنوان مكتبهم. مكتوب ملاحظة فى الرابط: "لرؤية الرقم كاملا يرجى الضغط على رقم التليفون" لان هناك رقمان كتبا فى هيئة xx
أيضاً إذا استعصى الامر، يمكنك الاتصال بدليل الهاتف المصرى عن طريق رقم 140 و السؤال عن رقم شركة "ميدل ايست كوربيير سيرفيس" ثم الاتصال بهم و سؤالهم عن عنوان المكتب.
أيضاً من خلال هذا الرابط: https://www.140online.com/
قم بكتابة اسم الشركة و اختيار المحافظة و سيظهر لك عنوان الشركة و رقمها.
المفضلات