السلام عليكم
مبروك الهارد
ويفضل التقسيم من خلال وندوز 7 حسب معاوماتي.
انا اشتريت هارد جديد سامسونج
اعمل ايه في اول تشغيل ليه؟
ومن ناحية التقسيم ايه احسن طريقة ؟
هل انزل ويندوز عادي وبعد كدة اقسم من الويندوز ؟
ولا اقسم قبل مانزل الويندوز وفي الحالة دي ايه الخطوات؟
السلام عليكم
مبروك الهارد
ويفضل التقسيم من خلال وندوز 7 حسب معاوماتي.
fبس انا عايز انزل اكس بي
مرحباً بك أخي بالمنتدى
وما المشكلة، قسم باستخدام ويندوز 7 ثم نزل ويندوز XP كما تشاء
وعلى العموم أقراص سامسونج الحالية لا تحتاج الى طريقة معينة للتقسيم ويمكنك التقسيم من ويندوز XP أو أي برنامج تقسيم حديث اخر.
طيب معلش لو ماعنديش ويندوز 7 اعمل ايه علما انه الجهاز جديد مانزلش عليه ويندوز اساسا
بص يا جميل قدامك حلين لاما تستخدم برنامج تقسيم زي البرامج الموجودة فى اسطوانة Hiren او لو معندكش يبقي تقسم باسطوانة الاكس بي , تبوت بالاسطوانة و لما توصل لمرحلة التقسيم هيبقي قدامك حلين ,
الاول: تعمل بارتيشن واحد اللى هو C بس و بعد ما تخلص تثبيت للاكس بي تقسم الهارد من جوه من خلال اداة Disk Management
الثاني: تقسم كل البارتيشنات من خلال الاسطوانة و بعدين لما تكمل عملية التثبيت البارتيشنات دي هتكون موجودة بس محتاج فورمات سريع عشان تكمل شغلك عليها
ربنا يكرمك على الرد الجميل
يعني لو قسمت كل البارتيشنات باسطوانة الاكس بي بعد ما اسطب الويندوز اعمل quick format لباقي البارتيشنات غير ال c
العفو يا عسل , ايوه قسم الهارد من الاسطوانة و بعد ما تخلص لما تجي تعمل دبل كليك على باقي البارتيشنات هيقولك انهم محتاجين فورمات , وقتها تقدر تعمل فورمات سريع او عادي , لكن بما ان الهارد جديد اعمل فورمات سريع , عشان كتر الفورمات مش حلو على الهارد
مغعلش لو مفيهاش غلاسة بس كام سؤال كمان "واهي فرصة ننهل من خبرة حضرتك"
يعني الافضل في الهارد الجديد ال quick format يعني لما انزل ويندوز اعمل ال c ب quick format ؟
وايه رايك اخلي ال c ب ntfs ولا لازم البارتيشن بتاع الويندوز يكون fat
هل تقسيم الهارد من اسطوانة ال xp سهل "ياريت تقولي الخطوات او لو هتكون واضحة خلاص انا اتعامل"
تؤمر يا عسل
يعني الافضل في الهارد الجديد ال quick format يعني لما انزل ويندوز اعمل ال c ب quick format ؟
ما دام الهارد جديد و مفهوش مشاكل استخدم الفورمات السريع, و مستقبلا لما تحب تنزل الويندوز نزله و اعمل فورمات سريع,
وايه رايك اخلي ال c ب ntfs ولا لازم البارتيشن بتاع الويندوز يكون fat
طبعا الافضل NTFS عشان مميزات كتير و خلاص انسي ال FAT32 لانه عيوبه كتير مقارنة بالاول و كمان متقدرش تعمل بارتيشن حجمه فوق 32 جيجا ,
هل تقسيم الهارد من اسطوانة ال xp سهل "ياريت تقولي الخطوات او لو هتكون واضحة خلاصانا اتعامل"
الطريقة سهلة ان شاء الله , عشان تفاصيل اكتر بخصوص النقطة دي راجع الموضوع ده هيفيدك
https://www.arabhardware.net/forum/showthread.php?t=151671
مش عارف اشكرك ازاي جزاك الله كل خير
لكن في الموضوع مش شارح التقسيم على العموم باين عليها سهلة انا حعملها زي ما قولتلي
ممكن بقى بالمرة استغلك "اصلي انا استغلالي" تقولي ايه يفرق الفورمات السريع عن العادي؟
وامتى احتاج اعمل العادي؟
المفضلات