نتيجة مشروع جركن لكل مواطن

**Mostafa Gomaa** · 18-05-2011, 06:12

أين ذهب الجاز ( السولار )

ما رأيكم أن نرجع بالزمن أربعة أشهر للخلف ونستعيد تلك الزكريات

جركن لكل مواطن ... !!

لا أقصد زكريات الجوكر :D ولكن أنظروا لتاريخ الموضوع 24 يناير :eek: ألا يذكركم هذا التاريخ بشئ

كانت أياما جميله لم يكن هناك أى تعطل فى المواصلات وكان ميدان التحرير فاضى ومبنى ماسبيرو يحظى بالأمان !!:rolleyes::D

لا أريد نقاش قضايا سياسيه ولكنى أريد أن أوجه أصبع الاتهام لعرب هاردوير لأنه سبب فى أزمة الجاز التى تمر بها البلاد الآن :eek:

عندما دعونا كل مواطن لشراء جركن جاز حتى يتخلص من حياته سخرية منا على الأحداث التى كانت تحدث فى ذلك الحين أدى ذلك للأزمه التى نحن بها الآن

لا أعرف ان كانت الأزمه فى مصر كلها أم فى محافظتي الغربيه والدقهليه فقط فمنذ يوم الأربعاء الماضى وأنت تستطيع تحديد مكان أى محطة بنزين/سولار بسهوله والسبب بسيط لأن من على بعد عشرات الأمتار ستجد ازدحاما شديدا فى الطريق لأن كل شخص منتظر بسيارته دوره لتعبئة السياره بالسولار

طبعا نتيجه لهذا - أزمه فى المواصلات العامه وازدحام شديد فى أوقات الذرو
-استغلال السائقين وزيادة الأجره

ولكن هل نلوم السائقين؟
هل نلوم الثوره؟

ترى ما سبب هذه الأزمه وأين ذهب الجاز الموجود فى مصر ؟؟؟:confused:
نبهونا قبل الثوره أن هناك احتماليه لنفاذ الطعام من البلاد ولكن لم ينبهنا أحد لنفاذ الجاز والا ما قامت الثوره :D

**S@M** · 18-05-2011, 11:17

ترى ما سبب هذه الأزمه وأين ذهب الجاز الموجود فى مصر ؟؟؟:confused:
نبهونا قبل الثوره أن هناك احتماليه لنفاذ الطعام من البلاد ولكن لم ينبهنا أحد لنفاذ الجاز والا ما قامت الثوره :D

الجاز موجود ...لكن تتم سرقتة وتهريبة عبر الحدود ....:mad:

وبعدين لم تتدخل الاجهزة المعنية لوقف هذة المهزلة الا بعد فوات الاوان كألعادة !

**bika08** · 18-05-2011, 11:32

شفت ..... ادى الثورة و اللى خدناة منها

حسبى الله و نعم الوكيل

اكيد مش كلامى ... دا كلام الناس الغلابة اللى يا عينى همهم على اكل عشهم !!! و هيقعد يقولك ادى الثورة و اللى خدناة منها و لعنة الله على دى ثورة و الله يحرق اللى كانوا فى التحرير ..... و الله الكلام دا انا سمعتوا من الناس فى الشارع للااسف

ما كل سنة بيحصل نقص فى السولار و بردوا كل سنة الاسعار بتزيد مرة و اتنين و تلاتة .... هى خلاص كل حاجة بقيت على الثورة، دا احنا لسة كنا فى الكلية بنتناقش فى الموضوع دا مع دكتور بيعلمنا ازاى نحافظ على الموارد و نحسن اسنغلالها بكل بساطة قلنا : ما الكيان الاقتصادى فى البلد هش و كل اللى بيحصل دلوقتى كان بيحصل ايام مبارك بس الناس بعد الثورة شافت الصورة على حقيقتها و بانت قد اية الصورة كانت قبيحة !!!!
دا مش جديد اللى بيحصل دلوقتى .... السولار و الغلاء دى اعراض طبيعية جدا للى احنا فية و الوضع دا هيستمر فترة لحد اما كل واحد يشوف شغلة و يراعى ربنا فى اكل عيشة !!

أمتى هنتغير ؟!!