السلام عليكم ورحمة الله وبركاته , أجمل مراجعة لكسر سرعة معالج ممكن تشوفها بحياتك :
في البداية أعرفكم المواصفات :::
MB : Biostar 945GC-M7 TE
RAM : VDATA 2GB DDR2 800 مع ملاحظة أن لصاقة الرام تشبه تماماً لصاقة رامات ADATA ولكن يظهر أن الـA مشخوتة عالبلوعة بسبب تكلمها مع بشير الفران على باب البيت , وطبعاً الفاعل معتز السبع , ( إي ما لقا يتمرجل غير على راماتي ) ؟؟؟؟؟
GC : PowerColor AMD HD 5570 OC : GPU/Memory : 700/897
PS : Cute Power Supply P4-400W , نعم , صحيح , هي دي البور يلي بتجي إكسكلوسيف مع كيسات بتوع 100 جنيه !!!
Cooling : تبريد سوبر إحترافي : مروحة زرقاء اللون HIGH AIR FLOW من FOXCONN للمعالج , ومروحة خارجي من الدسوقي جروب بشفرات قياس 18 بوصة , عامودية بيضاء اللون ثلاث سرعات تعديل إرتفاع توزيع هواء قرب وجرب أي قطعة ب500 ليرااااااا , أم ال1000 ب500 !!!!!!!!!! ! ! !
والمعالج أكيد بيعرفوه كل مين سافر للمستقبل , المعالج الذي سينشهر عالميا ويباع بأسعار إحتكارية لأمريكا , حصرياً في الوطن العربي , Intel Celeron D 347 , طبعاً هناك تنوع من نفس الفئة ( مثل بنتيوم 4 ) منتشرة في أنحاء الوطن العربي , لكن الـIntel Celeron D 347 , حصرياً من حلب !!!! تصور , يرعاك الله
طبعاً لنعرف العالم على المعالج : فهو يعمل بتردد 3.06 جيجا وذكرة ل2 512 ( فووووول كاش )
وأقصى تردد لرامات يشغله المعالج : 533 ( يمكن زيادته مع كسر السرعة أو بتغيير المعالج !!! )
سرعة الناقل الأساسية هي : 133 , ( عيشو جو الإمتحانات ) : إحسب عامل الضرب . (3 علامات)
تم زيادة سرعة الناقل إلى 180 بنجاح وثبات بعد رفع جميع الفولتات إلى أقصى حد , ( طبعاً ما حترق شي من القطع بسبب قوة وجودة البور سبلاي ) وزيادة تردد ناقل الPCI E إلى 120 , إحسب تردد المعالج بعد كسر السرعة . (7 علامات) .
تردد الرامات إرتفع بشكل رائع إلى 719 بعد كسر السرعة , بس حلمى ما تغير ( 800 MHZ )
تم إختبار الثبات على لعبة NFS HP 2010 , طبعاً رح تقلولي ما لقيت أقوى من هاللعبة , بس تشغيل هاللعبة على 1024*786 مع 30 إطار في الثانية كان حلم , وتحقق , شوووو جرب لعبة تانية , تفضلو : تم التجريب على BFBC2 1280*1024 وجميع الإعدادت ميديوم , that was imprissive for me , كم إطار ؟؟؟؟ 20 إطار في الثانية مو جوا البيوت أو المناطق المغلقة , بنص ساحة المعركة وسط إطلاق نار كثيف والدبابة عم تقصف لعيونكم , وحرارة المعالج لا تتعدى 64 درجة مئوية مع أقصى ضغط , ونسيت خبركن أقصى درجة حرارة بعدها بيحترق المعالج : 66~67 درجة !!!!
يعني إذا بيتعطل مبرد سوق الجمعة أثناء ضغط شوية ملفات وأنا بعيد عن الكمبيوتر , يا ويلي , ولك لا تفاول لا تفاول شو رح يصير يعني قال يحترق المعالج قال , البورد الجبارة من بيوستار بتطفي الكلشي مباشرة بعد وصول حرارة المعالج إلى 65 , بس يا ويلي لأنو رح عيد الضغط من الأول ,
على فكرة , أنا حاولت جرب كسر السرعة على غير جهاز بعالج بنتيوم 4 , ما توفقت أبداً , بسبب أنو المعالج بدون ضغط حرارته 50~53 درجة , معالجي بيشتغل بدون كسر سرعة وبدون ضغط بحرارة 37 درجة مئوية ( مو مخي مخ الكمبيوتر )
وطبعاً ما وصلت لهالمرحلة إلا بشوية مساعدة من منتدى عرب هاردوير وبمروحة قياس 18 بوصة .
وإذا بدكن شوية صور سوفتوير وهاردوير أنا جاهز , بس بانتظار تصويتكم
( وعلى فكرة , كتير قريت انو المزودات التجارية بتحترق وبتحرق قطع الجهاز , وهاد أكبر دليل أنو كلام أبو عبدو أكبر تاجر هردوير بحلب , أنو مزودات الCute أصلية وجبارة , المزود عندي من سنة , يلي بدو يشتريه سعره 5000 ليرة , ضمان لمدة 5 سنوات ( على خندق قلعة حلب ) مع هدية تحويلة ساتا , ولأنه ما حترق ولا حرقلي ولا قطعة معو هدية كمان شهادة حسن سلوك !!!!! )
المفضلات