مشكله فى درجه حراره كارت Quadro 4000

[Qage]

بسم الله الرحمان الرحيم

انا تعبت اوى فى موضوع الكيسه و نفسى اصل الى حل ارجو المساعدة

موضوع مهم جدا و رجاء من رجاله عرب هاردوير يشوفو كله انا عارف مطول شويه بس محتاج مساعدة اوى و الاستفادة لكل الناس الى هتشوف البوست .

يا جماعه انا بجد عايز اعرف رايكم فى مشكله انا دلوقتى اشتريت كارت

Quadro 4000 الكرت دة جامد جدا و سعره جديد 3500 و انا شغلى جرافيك وانا متأكد ان كل الـ جديد الى من سعر 600 الى 2000 فى الـ Geforce او AMD هيكون الكرت الى معايا أفضل فى الجرافيك بس المشكله ان انا جبت الكرت امبارح بـ 1000 جنيه من البستان و الراجل قالى ادامك اسبوع تجربه....

الكرت شغلته طلع تحفه اوى و شغل Blade and Soul على ال Very High و كانت خفيفه جدا و عملت Render لفلم كامل من على الافتر افيكت عمله بسرعه و شغلت اللعبه مع الريندر كانت خفيفه بردة جدا و مفيش مشاكل

بس المشكله الوحيدة ان الكرت درجه حراره عاليه جدااااا فى الطبيعى من غير ما افتح حاجه بتكون 80_83 و انا فاتح اللعبه على الهاى بيكون 90_94 طبعا عاليه جدا دة غير ان الكيسه كلها سخنت جامد و الكرت متقدرش تحت ايدك عليه بس رغم السخنيه دى شغال كويس زاى ما انا قولت

السوال هنا بقى اعمل ايه كدا الكرت وحش و ارجعه ولا دة طبيعى مع العلم انا سالت ناس كتير اوى نص يقولى رجعه وحش و النص التانى يقولى لا كويس و حلو.... محتاج حد خبير يفيدنيى .

موصفات جهازى......

Intel® Xeon® Processor E5420
(12M Cache, 2.50 GHz, 1333 MHz FSB)

Quad Core

و عاندى منو 2 بروسيسور فى الكيسه يعنى الضعف..

الكيسه
Dell Precision T5400 Tower Workstation

الرام 8 جيجا

طبعا الكيسه اورجنال كلها و مكلفانى 3500 بدون كارت الشاشه .

فى انتظار الرد و ربنا يبارك فيكم ما حد يبخل عليه بمعلومه

[wessam-pro]

اولا هتحتاج تكشف على الكرت بسوفتوير زى msi afterburner فى وضع ال idle عشان تتاكد ان مفيش malware او اى حاجة بتضغط على الكرت وده احتمال بسيط بس تتاكد

بعد كده قدامك حلين يا اما ترجع الكرت لان الحرارة دى الكرت هيشتغل عليها عادى بس مش طبيعيه ومش هيصمد على الحال ده فترة طويلة خصوصا فى الجو الحارق ده وممكن يأثر على ال lifespan للقطع الاخرى فى الجهاز

او لو عندك خبرة كافيه هتحتاج تفك المشتت الخاص بالكرت وتنظف المعجون الحرارى القديم بحرص باستخدام الكحول من على ال gpu والمشتت وبعدين تضيف معجون حرارى جديد من نوع جيد
وده فيديو فيه شرح للعملية دى
https://www.youtube.com/watch?v=bED3bfzToSU

لو معندكش الجرأه تعمل كده يبقى انصحك ترجع الكرت مادام فيه فترة ضمان اسبوع سارية بالفعل

[Qage]

الله يبارك فيك يا حبيبى بس الصراحه انا معنديش الجرأه ان افتح الكرت و انضفه خصوصا انه فى فترة الضمان الاسبوع فا خايف افتح الكرت تخرب فيه حاجة و الراجل ميرداش يرجعه عموما انا متشكر جدا ليك و انا كمان نصف ساعه كدا هنزل أرجع الكرت للراجل و عايز اشتري كارت Geforce GTX 660 OC 3G GDDR5 و كنت عايز اعرف رايك فى فى الالعاب و الشغل الجرافيك و شكرا حبيبى

[هشام الكنج]

زي ما قالك الاخ وسام لا تخاطر وحاول ترجعه لان درجة الحرارة عالية جدآ وممكن تتسبب فى حرق الكارت اشتري جديد وريح راسك والكارت اللى انتا بتقول عنه جيد جدا فى الالعاب والبرامج بس هيحتاج باور ماركه كويسة بس اعتقد انك طالما شغلت الكارت السابق يبقى عندك باور كويس صح ؟

[wessam-pro]

660 gtx كان عندى كرت ممتاز لكن مجربتوش فى شغل الجرافك بصراحة فمش هقدر افيدك فى النقطة دى كل استخدامى ليه كان جيمز بس عموما الكرت قوى

[koki4life]

يارب أكون لحقتك قبل ماتنزل ........

المشكلة اللي عندك سببها عدم ضبط الكارت من التعريفات بتاعته ............حاول تفتح برنامج التعريف الخاص بالكارت وهتلاقي منه ضبط مروحة الكارت وهتختفي الحرارة معاك نهائي صدقني .......

[Qage]

يارب أكون لحقتك قبل ماتنزل ........

المشكلة اللي عندك سببها عدم ضبط الكارت من التعريفات بتاعته ............حاول تفتح برنامج التعريف الخاص بالكارت وهتلاقي منه ضبط مروحة الكارت وهتختفي الحرارة معاك نهائي صدقني .......

والله للاسف انا رجعت الكرت و خت فلوسى بس هو مجود منه تانى فى مول البستان بس فعلا الكلام دة صح خصوصا ان الكرت كان عاجبنى اوى ب الصراحه انا عمرى ما كت بجيب كروت قويه زاى كدا فا ممكن عشان اول مرة اشوف كارت قوى هو دة السبب الى خلانى معجب بلكرت دة ؟؟ فا مش عارف اعمل ايه

[Qage]

زي ما قالك الاخ وسام لا تخاطر وحاول ترجعه لان درجة الحرارة عالية جدآ وممكن تتسبب فى حرق الكارت اشتري جديد وريح راسك والكارت اللى انتا بتقول عنه جيد جدا فى الالعاب والبرامج بس هيحتاج باور ماركه كويسة بس اعتقد انك طالما شغلت الكارت السابق يبقى عندك باور كويس صح ؟

شكرا على الرد يا حبيبى انا فعلا عاندى باور عالى هو ديلل 875 وات و ربنا يسترها

[Qage]

660 gtx كان عندى كرت ممتاز لكن مجربتوش فى شغل الجرافك بصراحة فمش هقدر افيدك فى النقطة دى كل استخدامى ليه كان جيمز بس عموما الكرت قوى

ربنا يبارك فيك يا حبيبى و شكرا على الرد