عندي بوردة جيجابايت Z77 وبروسيسور I7 3770K
بعت كارت الشاشة بتاعي على أساس أشتغل فترة بالكارت الداخلي Intel HD 4000 لكن فوجئت إن بمجرد ما أعرَّف الكارت.. الصورة تقفل خالص وتبقى سودة.. ولو دخلت على السيف مود بتشتغل عادي وأقوم عادي بحذف التعريف من جذوره بـ DDU
طبعًا جربت عدة تعريفات سواء من جيجا بايت أو من انتل.. وكل الويندوزات.. والبايوس محدث أساسًا.. وكان الكارت شغال زمان لكن بقالي سنين مجربتهوش
وفكيت الجهاز كله حته حته حتى البروسيسور.. وبرضه مجرد ما تبدأ تعرف الكارت >> شاشة سوداء تماماً !!!
السؤال اللي محيرني: هل ده هاردوير والكارت أو البوردة فيهم حاجه ؟ لو كده أمال إزاي بيشتغل قبل التعريف ؟
[SIGPIC][/SIGPIC]
أشكرك لكن جربت ومفيش فايده.. طول ما الويندوز متعرف على الكارت على انه standard بيبقى شغال .. لكن مجرد ما يشم ريحة انه انتل 4000 الشاشة تسود في ساعتها!!
مفيش تعريف يونيفرسال.. بتاع كله.. يعرفه أي حاجه لأن حاليا مش قادر أشغل أفلام والريزيليوشن قليل ؟!
Sent from my SM-N9005 using Tapatalk
[SIGPIC][/SIGPIC]
أخى الكريم أتفضل نزل الأداة Intel(R) Driver Update Utility
وظيفتها البحث عن التعريف الكارت الداخلى المتوافق مع جهازك
ودا لينك التحميل خش الصفحة وأضغط download now
https://www.intel.com/content/www/us/en/support/detect.html
وأبلغنا بالنتيجة
تحياتى أخى الكريم
My Pc
جرب المعالج على لوحة تانية وشوف النتيجة أو جرب معالج تانى على لوحتك
لو الشاشه بتعطيلك No Signal او بتدخل Sleep Mode احتمال عدم توافق فى نسب الابعاد المضبوطه او بين التعريف نفسه ونظام الويندوز
لو بتقدر تدخل ٍafe Mode بعد المشكله جرب تختار نسب ابعاد مختلفه مؤقتا ك 1280x720
جرب تثبيت نظام ويندوز جديد من البدايه وتثبت تعريف الكارت وتشوف النتيجه
اتاكد من تفعيل الجرافيك المدمج انه نقطه رقم 1 فى البيوس IGPU للاعتماد عليه
او جرب تثبيت رقم تعريف اقدم فى العمر من التعريف الحالى لاحتماليه مشاكل توافق فى التعريف المستخدم
للأسف جربت أسطب ويندوز 7 على نضيف وأعرف التعريف القديم اللي على الإسطوانة لكن مفيش فايدة وجربت Low Resolustion 480*640 و 800*600 لكن مفيش فايدة
وللأسف معرفش حد آخد منه بروسيسور أو بوردة أجربهم..
حاليا عامل disable للكارت والجهاز شغال على 1080P عادي لكن الأفلام بتقطع..
ملحوظة هامة: البوردة اتصلحت في الضمان جاما من سنة ونصف تقريباً.. ومن ساعتها مجربتش الكارت الداخلي لأن كان عندي كارت منفصل ..فهل ممكن يكونوا بوظوا حاجه ودلوقت الضمان خلص ؟
[SIGPIC][/SIGPIC]
كده جرب المعالج على لوحة تانية وبنفس الوندوز
الافضل انك تجرب بورده تانيه مع المعالج لان احتمال كبير يكون فيه حاجه فى البورده
[SIGPIC][/SIGPIC]
اخى العزيز
عايز تعرف فين المشكلة قم بحل المعالج وأقرب فنى
يقوم بتجربتة وأيضا بتعرف الكرت المدمج
اذا اشتعل يبقى المشكلة في المزربورد لديك
واحتمال يكون في بن معوج في قاعدة المعالج في المزر بورد
[SIGPIC][/SIGPIC]
لا ما انتا لازم تقول لة ان المعالج شغال تمام
بس لما انزل الدرايفر للكرت المدمج الشاشة تقلب اسود
وهنا لازم ينزل الدرايفر ويجرب ومثل ما قلت لك اذا اشتغل تمام
رراجع انتا البن الذى توضع علية المعالج في المزبورد احتمال يكون في شيىء واحد معوج مثلا اذا سليم يبقى مشكلتك مع الصيانة او الوكيل
كل هذا احتمالات
تحياتى لك اخى العزيز
رحت لمول البستان وكان الرد موحد عندهم : ركب كارت خارجي .. بصراحة معاهم حق.. حتعد تلعب في البوردة ويا تتصلح يا ماتتصلحش.. اشتري دماغك بكارت خارجي... وقد كان:
اشتريت كارت نفيديا بسيط صغير ماركة GALAX وبعد ما روحت افتكرت إني اضحك عليا وإن GALAX تقليد رخيص رديء لـ GALAXY لكن دخلت ع النت وعرفت إنهم تبع بعض واسم GALAX ده جديد.. والله أعلم
الجهاز -والحمد لله- ظبط فعلا ده بخلاف إن الكارت الداخلي مش راضي يتعرف.. كان الجهاز مش طبيعي وبيهنج عند الريستارت حتى والكارت غيرمعرف.. والحمد لله كل ده راح مع تركيب الكارت الخارجي..
[SIGPIC][/SIGPIC]
ايوة كدة انا كنت عايز أقول لك هذا الكلام من الأول
بس كل شخص عالم بظروفة لهذا الكل كان بيحاول معك في حل المشكلة
على العموم الف مبروك اخى العزيز
على الكرت
تحياتى لك ولجميع الاخوة الكرام
المفضلات