مبروك عليك الكارت و الباورسبلاى يا أستاذ أحمد
أمشى مع الخطوات اللى جايه بالترتيب
أولاً لو فيه باورسبلاى راكب فى الكيسة فكه من الأربع مسامير اللى فى ضهر الكيسة و ركب الباور بحيث تشوف مكان ال 4 مسامير فى الباور مطابق مع الكيسة وركب المسامير
وبعدين وصل الوصلة ال 24بن هتلاقى واحدة 20بن ومعاها واحدة 4 بن مربعة جنبها وصلهم ببعض وركبهم براحة فى المازربورد
وبعدين وصل وصلة ال 4 بن المربعة الخاصة بالبروسيسور هتلاقى مكانها أكيد جنب البروسيسور وركب الباور الخاص بالهارد
وبالنسبة للكارت هتشيل الأول الوش اللى قافل على مكان مسامير الكروت فى ضهر الكيسة علشان هيخنقك لما تيجى تركب مسمار تثبيت الكارت
و بعدين حتلاقى مكان فى المازربورد لونه لبنى هتركب فيه كارت الشاشة بالراحة وتتأكد أنه دخل كويس وتثبته بعد كده بالمسمار
وبعدين ركب وصلة ال 6 بن فى ماكنها و ركب وصلة الكونفرتر ال 6 بن فى الكارت و ركب الوصلتين ال 4 بن المستطيلة فى أى وصلتين 4 بن موجودين فى الباورسبلاى
وركب جنب الكيسة بعد لما تركب المراوح
المفضلات