محتار بين كارتين شاشه و ارجو المساعده فى الاختيار

[Goku]

بسم الله الرحمن الرحيم

بالنسبة لجودة الصورة فهي تفاصيل الخاص بالالعاب
يعني انا عندي كارت 450 وبلعب لعبة PES انا شوفت اللعبة عند واحد صاحبي عنده كارت اعلي مني لقيت في تفاصيل في اللعبة مش ظاهرة عندي مثل الارضية بتاعت الملعب والجمهور وتفاصيل وجه الاعب

ليس لكارت الشاشة علاقة بهذا
فهذا هو الريزوليشن أو دقة الشاشة
وتعني تفاصيل اللعبة
والتي رأيتها عند صاحبك أكثر
لأنه كان يلعب علي دقة أعلي
وعلاقة كارت الشاشة بالريزوليشن أثناء اللعب
أن يستطيع الكارت اظهار كامل التفاصيل بمعدل فريمات جيد
لكن كل الكروت تستطيع ان تلعب عليها بدقة عالية لكن تكمن المشكلة في الفريمات وبطئ اللعب.

استفسار تانى - هى الكروت الاعلى بتفرق فقط مع حجم الشاشه ( يعنى الكروت كلها بتشغل اللعبه بنفس الجوده بس كل ما حجم الشاشه بقى كبير لازم اعلى كارت الشاشه ) اصل زمان كان كل كارت ليه حد اقصى فى الاداء و لما الكارت ما يقدرش يشغل لعبه لسه نازله الواحد كان بيضر يشترى كارت جديد احدث

اذا فرضنا ان الشاشة هي أرض ونريد تركيب بلاط فيها
وصاحب الأرض هو اللاعب
وفرضنا أن كارت الشاشة هو الشخص الذي يركب البلاط
كم بلاطة ستأخذ أرض مساحتها 19
ربما ستأخذ مثلا عدد 5 بلاطات
ويستطيع العامل أن يركب البلاطة الواحدة في ثانية واحدة
اذا سيأخذ العامل وقت 5 ثوان كي يركب 5 بلاطات في مساحة قدرها 19
لكن اذا كانت مساحة هذه الأرض 23
اذا هذه المساحة ستأخذ عدد أكبر من البلاط وليكن 8
كم من الوقت سأخذ العامل في تركيب 8 بلاطات؟
سيأخذ 8 ثوان.
اذا كان صاحب الأرض علي عجلة من أمره ويريد أن ينهي هذا العمل في 5 ثوان فقط
في الأرض الأولي (19)سيقضي العامل عمله في الوقت المحدد بدون مشاكل
لكن في الأرض الأخري سيقوم بالعمل لكن سيتأخر عن الوقت المحدد
وفي هذه الحالة عليك بتأجير عامل جديد أسرع حتي ينجز مهمته في الوقت المحدد.

كذلك الأمر يستطيع أي كارت شاشة معالجة البيانات الرسومية مهما كانت تفاصيلها ومهما كان حجم الشاشة
لكن الفرق هنا في سرعة العمل
لذا يمكنك أن تلعب بكارت ضعيف علي دقة عاليه لكن سيأخذ وقت طويل في معالجة البيانات كعامل البلاط مما ينتج عنه بطئ في اللعب
وفي هذه الحالة عليك بالتوجه الي عامل جديد أسرع يعني كارت شاشة أسرع.
أرجو اني أكون وصلتهالك.

[amrmovie]

اول حاجه انى لازم اشكرك على تعبك فى كتابة الرد الطويل ده . جزاك الله كل خير و انت كده فهمتنى الموضوع من الاخر . تسلم يا باشا

[عاشق دنيتي]

كما قال الاخوان gtx 460 افضل وأقوى وحيقعد فترة طويله انشاء الله لو ما غيرتش الشاشة فهو كارت قوي جدا وتلعب عليه الالعاب بسلاسة شديدة بس مش القوية جدا زي كراسس وميترو 2033:cool:

[Ahmed.Elsayed]

@Goku
+1
أنا حصلت معايا مشكلة البطئ فى تعبئة ال Texture فى لعبة Witcher 2
لعبة تقيلة أوى على أعلى إعدادات وأضطريت أقلل إعداداتها علشان أعرف أشغلها عندى كويس