مسابقة عرب هاردوير لشهر رمضان 1432 هـ - 2011 م

[محمد بن كرم]

ارجو توضيح ما معنى ترتيب الـPartition ، هل تقصد أن يكون حجم (Partition (K يساوي 143 جيجا و حجم (Partition (D يساوي 34.1 جيجا ؟؟؟!!!

[TaHeR.NaBiL]

تم وضع توضيح للسؤال الاخير برجاء قراءة السؤال كاملا مره اخرى .

تم وضع نتيجة المسابقه وبالنسبه للسؤال السابع عشر انا ذكرت استخدام الميزان مره واحده لان فيه ناس قالو اننا هانضع الكراتين كلها على الميزانه وبعدين نشيل واحده بواحده كدا انا استخدمت الميزان اكثر من مره .

ارجو توضيح ما معنى ترتيب الـPartition

ترتيب البارتش المقصود منه انى عاوز ارجع البارتش PROGRAM مكانه مره اخرى انه يكون اخر بارتش لان لما سطبت ويندوز اتبدل مع البارتش الثانى انا عاوز ارجع كل حاجه لوضعها .

[xXx_2010]

ممكن اعرف انا واخد صفر ف السؤال ال 17 لية مع انى دى الاجابة بتعتى
الطريقة الاولى = نفترض ان الميزان الموجود ديجتال عشان دقة القياس
نضع جميع الكراتين فوق الميزان وسوف يكون الوزن 2450 جرام
فى حالة الكراتين العادية وزنها سوف يكون 500 جرام والكرتونة المطلوب ايجادها سوف يكون وزنها 450 جرام
ونبدء ف تنزيل الكراتين واحدة تلو الاخرى مع ملاحظة مؤشر الميزان
عند انزال كرتونة عادية سوف يقل مؤشر الميزان 500 جرام
وعند انزل الكرتونة المطلوب ايجادها سوف يقل مؤشر الميزان 450 جرام
وهكذا سوف نستطيع ايجاد الكرتونة المطلوبة مع استخدام الميزان مرة واحدة فقط .


الطريقة الثانية = هى طريقة متعبة قليلا وانا بفضل الطريقة الاولى وهى اسهل
نقوم باخراج جميع التفاح من الكراتين ونضعة فى كرتونة واحدة فوق الميزان
وسوف يكون الوزن القائم 2450 جرام
فى حالة التفاحة العادية سوف يقل مؤشر الميزان 100 جرام وفى حالة تفاحة من الكرتونة المطلوبة سوف يقل مؤشر الميزان 90 جرام
ونبدء فى تنزيل التفاح واحدة تلو الاخرى مع ملاحظة مؤشر الميزان
عند انزل تفاحة عادية سوف يقل المؤشر 100 جرام
وعند انزل تفاحة من الكرتونة المطلوب ايجادها سوف يقل مؤشر الميزان 90 جرام
ونضع التفاح اللذى يزن 90 جرام داخل كرتونة منفصلة
وهكذا نكون توصلنا للكرتونة المطلوبة مع استخدام الميزان مرة واحدة فقط .

وعلى ما اذكر ان فى احد الاعضاء قال ممكن وضع الكراتين فوق الميزان مع بعض وحضرتك جاوبت علية وقولت حلها زى ما انتة عايز وانا حليت السؤال بطريقتين وف الاتنين استخدام الميزان كان مرة واحدة وياريت حضرتك تفهمنى ازاى لما احط الكراتين فوق الميزان مع بعض يبقى كدة استخدمت الميزان اكتر من مرة
وازاى لما احط التفاح كلو ف كرتونة وحدة واحطها فوق الميزان يبقى استخدمت الميزان اكتر من مرة
لما اشوف حضرتك حتوضحلى ازاى انا غلطان
حضرتك قولت حلها زى منتا عايز ونا حلتها وبالشروط اللى طلبتها
ونفسى اعرف ازااااااااااااااااااااااااااااااااااااااااى لما احط الكراتين فوق الميزان كلهااااااااااا يبقى استخدمتو اكتر من مرة

[xXx_2010]

هاوزن مره واحده بس نقطة صندوق او اكتر دى ترجعلك فى الحل .

اعتقد ان دة كلام حضرتك وانا معملتش غيرو انا كاتب حنحط الكراتين كلها فوق الميزان وهى دى الوزنة الوحدة اللى حضرتك وضحتها للعضو اللى كان بيسئلك
وانا عملت كدة وزنت وزنة وحدة وفيها كان كل الكراتين فوق الميزان وكاتب نبدء فى تنزيل الكراتين واحدة تلو الاخرى مع ملاحظة مؤشر الميزان
دى الفكرة بتعتى واستخدمت الميزان مرة وحدة بس

[TaHeR.NaBiL]

ونبدء ف تنزيل الكراتين واحدة تلو الاخرى مع ملاحظة مؤشر الميزان

طبعا الاجابه غلط انت بتقول هابدأ فى تنزيل الكرتين واحده تلو الاخرى طيب انت كده بتستخد الميزان اكتر من مره والطريقه الثانيه ايضا انت استخدمت التفاح اكثر من مره .
انت لما وضعت الكراتين الخمسه على الميزانه يبقى كده وزنت مره وبعدين هاتنزل كرتونه يبقى تانى وزنه وبعدين هاتنزل كرتونه يبقى دى ثالث وزنه يعنى استخدمت الميزان اكثر من مره .
ونقطة انى اقول انها ترجعلك فى الحل مش غلط منى لان معظم الناس حلوها صح راجع الاجابه .

[xXx_2010]

حضرتك انا وزنت مرة وحدة بس اللى هى لما حطيت الكراتين فوق الميزان
وخلاص هى دى المرة وبعد كدة حننزل مع ملاحظة المؤشر ولا انا حسيب الكراتين فوق الميزان انا حطيت الكرايتن فوق الميزان ومش محتجلو تانى
وونا بنزل حشوف المؤشر بيقل اد اية مش بوزن تانى

[Ahmed.Saleh]

اعتقد ان دة كلام حضرتك وانا معملتش غيرو انا كاتب حنحط الكراتين كلها فوق الميزان وهى دى الوزنة الوحدة اللى حضرتك وضحتها للعضو اللى كان بيسئلك
وانا عملت كدة وزنت وزنة وحدة وفيها كان كل الكراتين فوق الميزان وكاتب نبدء فى تنزيل الكراتين واحدة تلو الاخرى مع ملاحظة مؤشر الميزان
دى الفكرة بتعتى واستخدمت الميزان مرة وحدة بس

اخى العزيز راجع الأجابه المكتوبه فى المشاركه لتعرف ان الاستخدام مره واحده معناه انك تضع ما تريد وتأخذ القراءه وتحدد على اساسها اي الكراتين تحتوى على التفاح ذو ال90 جراما

طريقتك معناها انى سأضع الكراتين وسأخذ اول قراءه للميزان ثم سأنزل كرتونه واخذ ثانى قراءه وهكذا حتى معرفه الكرتونه وبهذا تكون استخدمت الميزان اكثر من مره
كلام الاخ طاهر شرحه انك هتستخدم الميزان مره واحده فقط وليعطيك قراءه واحده فقط وبعدها ينطفئ او لا يعمل بمعنى لك ان تضع ما تريد وترفعه من على الميزان ولك قراءه واحده فقط اخى المسابقه لا تزال طويله جدا والله اعلم بما هو قادم

وبالمناسبه طريقه الحل المكتوبه انا واحد من الذين كانت اجاباتهم مثلها تماما :D

[yossefzied]

:confused::o:eek::ah26:
دي حالتي لما شفت سؤال النهاردة ومش هقول حاجة غير يا وجعة مربربة.... كما قال الكبييييييييييييير

[the_lion]

هو انت لما تشيل كرتونة كرتونة ولا تفاحة تفاحة
مش بتشوف وزن الباقى:ah27:
يبقى استخدم الميزان اكتر من مرة:ah34:

السؤال واضح والحل ايضا واضح:ah32:

[TaHeR.NaBiL]

القاكم مساءا ان شاء الله.

[the_lion]

إن شاء الله

[xXx_2010]

ماشى يا استاذ طاهر ويا اخ كحرتة الظاهر انى فهمت السؤال والتوضيح غلط وحليت على هذا الاساس
اسف على الازعاج
حظ اوفر لى ف الاسئلة القادمة:ah4:

[ThE-EviL]

انا ذكرت فى السؤال الاول عن طريق خصائص الويندوز اما بالنسبه للسؤال الثانى زى ما انت عاوز ببرامج او من الويندوز او من الهيرينز يعنى حله زى ما انت عاوز .
سيتم اضافة توضيح للسؤال .

يعني اشتغل علي ويندوز Xp ولا 7 في حل الشق الأول.

استفسار اخر دلوقتي هل الحل لازم يحتوي علي شرح تفصيلي بالصور زي السؤال الخامس عشر بتاع السيريال ولا نقول فكرة الحل فقط فيما يخص الشق التاني علي أساس ان الحالة المذكورة في السؤال صعب ان كل واحد يعملها علي جهازه لشرح طريقة الحل بالتفصيل.

[xXx_2010]

هوا حد حل السؤال المعقرب دة يا جماعة

[yossefzied]

الفقرة الأولي سهلة وعرفت أحلها إنما التانية دي !!!! مش عارف خالص ...... أي توضيح لله يا محسنين ... علي الخاص طبعا :D:ah32: