بخصوص الـ Data Plans فى مصرنا العزيـــــــــزه

[alimorshid]

الحمد لله اخيرا اتصالات اتهورت و عملت داتا بلان لخطوط الكارت
كلمت خدمة العملاء و عرفت ان فى ثلاث باقات
- باقة اسبوعية 7 جنيه فى الاسبوع = 50 ميجابايت وبعدها تنزل سرعتك الى 64 Kbps ( يعنى داونلود بسرعة 3.5 ك\ث ) لغاية اول الاسبوع التانى
- باقة 20 جنيه شهرية = 110 ميجابايت وبعدها تنزل سرعتك الى 64 Kbps ( يعنى داونلود بسرعة 3.5 ك\ث ) لغاية اول الشهر التانى
-باقة 50 جنيه شهرية = 500 ميجابايت وبعدها تنزل سرعتك الى 64 Kbps ( يعنى داونلود بسرعة 3.5 ك\ث ) لغاية اول الشهر التانى

نيجى بقى لتجربتى معاها على جهاز htc hd2 android 2.3.4 hyperdroid cm7
(طبعا ما قلتلهمش على نوع الجهاز لانى قلتلهم فى المرة الاولى و قالولى النت بس لل ايفون و جهازك مالوش نت :] )
قررت انى ابدا فى الباقة الاسبوعية
ظبت ال APN فى الجهاز الاول
و بعت رسالة فيها رقم 2 ل 750
ووصلنى رسالة بانى الان مشترك فى الباقة

اللى حصل ان الباقة 50 ميجا ولله الحمد خلصت فى اول يوم بليل
و اقلب على السرعة الشنيعة بتاعة ال Dial-UP.......
بطء متناهى
كان فى كلام فى xda-developers عن الغاء الداتا كاب (throttling ) و ان السرعة ترجع كاملة
حاولت و ضيعت وقتى و انتهت بالفشل الذريع

لكن سبحان الله
جربت اقفل ال 3G عشان اوفر البطارية
لقيت ان سرعة الداتا على ال EDGE اعلى بكتير من السرعة المخفضة بعد الاستخدام العادل
سرعة ال EDGE فى المتوسط زى سرعة خط 256 Kbps يعنى داونلود 25 ك\ث
طبعا ده بالنسبة لسرعة 3.5 ك\ث يعتبر تطور رهيب
و حتى الان استخدمت فوق ال 700 ميجا
على فكرة البث المباشر للانترنت راديو (xiialive) شغال تمام على سرعة ال EDGE
و دى صورة ل speed test توضح الاتى
سرعة 110 ك\ث - 29 ك\ث ده ال wifi واحد ميجا
سرعة 40 ك\ث - 50 ك\ث ده 3G قبل الليمت ( سرعة غريبة !!!! )
سرعة 3.6 ك\ث - 6 ك\ث ده 3G بعد الليمت (بطييييييييييييييىء)
سرعة 25.5 ك\ث - 11 ك\ث ده سرعة ال EDGE ربنا يخليه لينا

جربت اكثر من مرة احول من و الى 3G و النتيجة زى ما انتم شايفين تحت

يعنى الخلاصة ان الاستخدام العادل و تبطئ السرعة على ال 3G فقط



speeeeed by alimorshid, on Flickr



usage by alimorshid, on Flickr

رمضان كريم
و السلام عليكم و رحمة الله

[MF88]

للأسف يا استاذنا على .. اتصالات بتستهبل . 4 * 7 جنيه = 28 جنيه

حضرتك ادفع 60 جنيه و خد باقه موبينيل 1.5 جيجا بحاااااااااااااااااااااالهم

اتصالات فاكره الناس متخلفه

و موبينيل مفلحتش فحياتها غير فى النت

و فودافون عايشه فى دور انها احسن شبكه

و عمار يا زفت قصدى يا مصر

[alimorshid]

غريبة انا دخلت على موبينيل لقيت باقات الموبايل
- 10 جنيه = 55 ميجا
- 20 جنيه = 110 ميجا
- 60 جنيه = 500 ميجا

الباقات التانية اللى بتتكلم عليها دى مع usb modem
ما تنفعش للموبايل ثانيا انا خطى الاساسى اتصالات و مقدرش اغير الخط عشان النت بس و بصراحة ام نبيل دى مش داخلة دماغى خااااالص

فى حركة جامدة ناوى اعملها باذن الله
اول ما اجيب تابليت ( ipad 2 or galaxy tab 8.9 )
حاشتريله خط موبينيل و احوله لخط داتا زى اللى بيتحط فى المودم
و اشترك فى باقة محترمة

و اهم حاجة ان مهما كانت الباقة بعدها مش حيجيلى شلل من سرعة 64 Kbps
على طول حاشغل ال EDGE و دى ميزة ما اعتقدش انها موجودة فى ال usb modem

[MF88]

لا يا باشا و شغاله مع التليفون

اللى هم حاطينه ده اكيد تخلف او حاجه :D

[totocarry]

لو موبينيل هتدينى نت 1000000000000ميجا مدى الحياة مجانا مش هقبل انا مقاطع ساويرس الـ .... الواحد مش عايز يشتم عشان دى مش أخلاق المسلمين على العموم اتمنى ان محدش يشترك فيها ايا كان مسلما او نصرانيا لو مسلم يبقى عشان شتم دينك أكثر من مرة ولو نصرانى فلانه يثير الفتنة فى بلدك ومساعد لاسرائيل ومعلومة احب اضيفها ان هو عمل برج للشبكات بدون تراخيص داخل الحدود الاسرائيلية عشان يقدروا يتكلموا فى البرامج الحوارية وغيرها برقم مصرى وغيرها من أعمال التجسس ... اللهم أهلك الظالمين بالظالمين وأخرجنا من بينهم سالمين

[mohamed91]

يا جماعة موضوع ان موبينيل مش بتدعم الانترنت لسامسونج غلط طبعا .أصحابي وأختي معاهم موبايلات سامسونج من العادية وشغاله معاهم عادي.وأنا معايا سامسونج جالاكسي ميني وشغال عادي جدا.وبخصوص الباقات أنا مشغل الباقة اللي ب 10 جنية في الشهر وقافل ال 3g علشان البطارية وسرعة النت مقبولة في التصفح ولما بحب أعمل داونلود بفتح الواي فاي وأقعد في الصالة علشان القط من الراجل المحترم الللي فاتح الواي فاي للشعب

[Mohamed.Kamal]

غريبة انا دخلت على موبينيل لقيت باقات الموبايل
- 10 جنيه = 55 ميجا
- 20 جنيه = 110 ميجا
- 60 جنيه = 500 ميجا

الباقات التانية اللى بتتكلم عليها دى مع usb modem
ما تنفعش للموبايل

شغاله زي الفل

[Mohamed.Kamal]

لو موبينيل هتدينى نت 1000000000000ميجا مدى الحياة مجانا مش هقبل انا مقاطع ساويرس الـ .... الواحد مش عايز يشتم عشان دى مش أخلاق المسلمين على العموم اتمنى ان محدش يشترك فيها ايا كان مسلما او نصرانيا لو مسلم يبقى عشان شتم دينك أكثر من مرة ولو نصرانى فلانه يثير الفتنة فى بلدك ومساعد لاسرائيل ومعلومة احب اضيفها ان هو عمل برج للشبكات بدون تراخيص داخل الحدود الاسرائيلية عشان يقدروا يتكلموا فى البرامج الحوارية وغيرها برقم مصرى وغيرها من أعمال التجسس ... اللهم أهلك الظالمين بالظالمين وأخرجنا من بينهم سالمين

هذا رأيك الخاص، ولا علاقة للمنتدى بهذا، نحن نتناقش في شركات تقنية ونناقش آداءها وخدماتها وأسعارها، ما علاقة مقاطعتك بالموضوع؟ وما علاقة سلوك أو تصرفات ساويرس الذي يمتلك (10%) من اسهم الشركة؟

وبالمناسبة وقبل أن أنسى: كل الشركات الأجنبية (وخصوصا الأمريكية) تكره العرب، لهذا أرجو من كل من ينادي بمقاطعة شركات مصرية أن يتوقف عن استخدام المعالجات والهواتف النقاله والسيارات والقمح، وأن نركب بعيرا أو جملا ونعيش في خيام الصحراء.

[MF88]

للأسف محمد كمال إسمحلى اختلف معك

فـ 90% من الخيام حالياً made in china :D حتى دى مش هنعرف نعملها ههههههههههههه

[mohammed_aly]

هو موضوع ال EDGE شغال فى الموبايل بس ولا ايه ,,, انا جربته فى المودم ومافيش حاجة اتغيرت

[HuLkY]

^^ أفهم من ما سبق انه حاليا موبينيل الافضل؟! حد يترجم بلغة سهلة بس

[factorialx]

أنا مشترك في إتصالات club

ب400 جنيه في السنه 1500 دقيقه لإتصالات و 45 لأي شبكه

و 100 ميجا نت في الشهر

[MF88]

^^^ اتصالات club هو أفضل حاجه اتعملت فى إتصالات كلها على فكره - بس برضه ناس حراميه 100 ميجا نت دول نعمل بيهم إيه

هالكى

موبينيل افضل شركه فى خدمات الإنترنت للمحمول فقط - و عيب تقول لغه سهله و انت بتاع المراجعات وفك الطلاسم :D

[totocarry]

هذا رأيك الخاص، ولا علاقة للمنتدى بهذا، نحن نتناقش في شركات تقنية ونناقش آداءها وخدماتها وأسعارها، ما علاقة مقاطعتك بالموضوع؟ وما علاقة سلوك أو تصرفات ساويرس الذي يمتلك (10%) من اسهم الشركة؟

وبالمناسبة وقبل أن أنسى: كل الشركات الأجنبية (وخصوصا الأمريكية) تكره العرب، لهذا أرجو من كل من ينادي بمقاطعة شركات مصرية أن يتوقف عن استخدام المعالجات والهواتف النقاله والسيارات والقمح، وأن نركب بعيرا أو جملا ونعيش في خيام الصحراء.

اسمحلى اقول لحضرتك انك لا تفهم فى هذا الموضوع لسببين

الأول : أنا لم أقل لانها تكره العرب ولكن لانه سب الدين والله لم ينهنا عن الذين لم يقاتلونا فى الدين من أى ديانة ومن أى جنسية ومن أى نوع أنما نهانا الله عن الذين حاربونا وقاتلونا فى الدين ولكن ساويرس سب الدين ومول اليهود ( وما أدراك ما اليهود لو تعرفهم على حقيقتهم )
الثانى: حرية الشركات الشخصية أنها تكره العرب أو لا تكره ليست من أمرنا المهم هل أصحاب تلك الشركات سبوا دينك أو حاربوك أو مولوا أعدائك أعتقد معظم الشركات لا ولكن الحكومات هى التى تمول وتحارب ولاتزر وازرة وزر أخرى
لذلك أرجو من حضرتك أن لا تتكلم أو ترد على موضوع لا تفهم فيه خليك فى التقنية زى ما حضرتك قلت الكلام ده محطوط للناس اللى بتفهم فيه ولا أقصد أى إهانه عشان انت ممكن تفهمنى غلط

وأحب أضيفلك حاجة حكاية 10 % دى نكتة جامدة جدا ولما قريتها فى ردك مت على نفسى من الضحك ده ضحك على الناس معظم العائدات تعود على ساويرس حتى لو كان يملك 10 % (مع أن ما يملكه يساوى أضعاف أضعاف هذه النسبة من الشركة )

وأخيرا حكاية منتدى التقنية والكلام ده وانها لا علاقة لها بالدين وخلافه ده كلام خاطئ كدا حضرتك بدأت تتبع سكة العلمانيين مفيش حاجة اسمها الدين لوحده والدنيا لوحدها (أيا كان ما تشتمله الدنيا من تقنيه وغيرها) الاثنين متلاحمان لا ينفصلان عن بعضهما

[totocarry]

للأسف محمد كمال إسمحلى اختلف معك

فـ 90% من الخيام حالياً made in china :D حتى دى مش هنعرف نعملها ههههههههههههه

اقرا الرد على محمد كمال وانت تفهم وتشوف انت غلطان انت وهو اد ايه:D