Unboxing4 Thermaltake Level 10 GT

[ZEX]

شكرا يا غالي علي المراجعة امذهلة

أسف علي تأخير في الرد انت عارق الظروق الي انا كنت فيها :D

تم

الله يخليك يا ياسر

[Sherrah]

السلام عليكم

كيسة جميلة جدا ما شاء الله. انا بفكر اجيبها الاسبوع ده. هل ترشحهالي ولا فيه كيسات نازلة قريب ممكن اختار منها؟

و سؤال اهم: هل ركبت كل المكونات في الكيسة و وصلت الكابلات كلها من ورا (فتحات الcable management)؟ و لو حصل, هل عرفت تقفل الباب الخلفي مستريح و لا كان صعب و الباب تقوس زي ما بيحصل في الكيسات التانية؟

شكرا

[ZEX]

السلام عليكم

كيسة جميلة جدا ما شاء الله. انا بفكر اجيبها الاسبوع ده. هل ترشحهالي ولا فيه كيسات نازلة قريب ممكن اختار منها؟

و سؤال اهم: هل ركبت كل المكونات في الكيسة و وصلت الكابلات كلها من ورا (فتحات الcable management)؟ و لو حصل, هل عرفت تقفل الباب الخلفي مستريح و لا كان صعب و الباب تقوس زي ما بيحصل في الكيسات التانية؟

شكرا

الكيسه ممتازه عالفكره فى حاجتين نسيت اذكرهم بخصوص الممييزات بس مستنى اصور الكيسه بعد شراء كروت الشاشه
عشان يبقى كل الكابلات متوصله و اذكرهم بالمره منهم حاجه كانت مضيقانى فى الهاف اكس و راحت لما اشتريت الليفل تن جى تى
الكيسه افضل كيسه فى السوق و لو كنت مكانك كنت اشتريتها , عالفكره الكيسه نازله بكميه قليله !
الباب الخلفى متقلقش من ناحيته خالص انا جربت كابل 24 بن و ده اسمك كابل و كابلات 8 بن للبورده و لا كأنهم موجدين اصلا
على عكس الى كان بيحصل فى الهاف اكس بتاعتى :ah8:

[Sherrah]

حبيبي انا متشكر جدا انت كده ريحتني تماما من الحتة دي. كده بس فاضل اني اقنع نفسي باللون الاسود عشان انا كنت منجذب للنسخة البيضة منها. طبعا ده عشم ابليس في الجنة اني الاقي البيضة في مصر. حتي الsilverstonr rv02 البيضة مش موجودة (و لو ان ده متوقع لأنها اصلا limited edition). انا نفسي في كيسة بيضة و الphantom كويسة بس مش قد كده و بالنسبة للoptions ال thermaltake تديها بال....

ههههه انا ان شاء الله مقدم على تجميع كمبيوتر high end (مش لازم من شركة high end ههههه) و بلدوزر بالتحديد. واضح انه حيكسر الدنيا لأن ال8150 (و ده مش اعلي واحد لأن ال8170 اعلي منه و لكن لسه مأعلنوش عنه) 3.6 جيجاهرتز و من غير الturbo و شوفت فيديو واحد عامله overclock على5.4 (بس مش فاكر كان على ميه ولا نيتروجين). ده غير طبعا اني من عشاق AMD و دايما قافل من انتل عشان مصانعها اللي في اسرائيل و حتي المديرين بتوعهم اساميهم و اشكالهم شبه اليهود. هههههه:D

معلش طولت عليك

سلام

[ZEX]

انت تؤمر , و لو فى اى استفسار تانى انا تحت امرك

[mido hamdy]

الف الف مبروك يا اسلام على الكيسة الرائعة . وربنا يباركلك فيها وتملاها كروت شاشة ودش وصوت . وعقبال البروسيسور ان شاء الله .

تصدق الجهاز بتاعى اللى فى المواصفات انا مركبه على كيسة عادية تايجر ومكفى وفيه اماكن فاضية وفاتح الباب الجانبى ووضعت مروحة

مكتب جديد خصيصا له على اعلى سرعة . وكاسر سرعة البروسيسور الى 4.6 كسر دائم . والكارت اللى 850 للنواة . ودرجة الحرارة مرتفعة

فى الغرفة ورغم ذلك الحمد لله درجة حرارة البوردة تتراوح من 33 الى 35 اقصى درجة . والكارت مع الضغط الشديد 76 درجة .

وأستغنيت عن فكرة شراء كيس احترافية فى الوقت الحالى على الاقل . وسأتجه للأهم وهو شراء نظام الصوت Edifire DA5000 PRO خلال 3 شهور

بأذن الله . ادعيلى ان الاقيه بعد الفترة دى ومايكونش خلص .

والف الف مبروك وبأنتظار المراجعة الكبرى بعد اكتمال الجهاز بأذن الله تعالى .

[ZEX]

الله يبارك فيك اخى ميدو , و يبارك فى جهازك
ماشاء الله درجات الحراره عندك تمام , بس التراب اخباره ايه ؟
ان شاء الله تقدر تجيب النظام الصوتى الرائع ده , عالفكره فى منتجات لوجتيك هتتوفر قريب

[ahmedziz]

دائماً مذهل فى مراجعاتك كالعادة
اول الف مبروك على الكيس الجديد
هى بصراحة شكلها مش عاطفى خالص بس مميزاتها حلوة بعيداً عن شكلها الخارجى لكن فيها مميزات برضه
بس السؤال اللى محينى ايه اللى خلاك تسيب الهاف عشان تجيب الكيس الجديدة دى
ثانيا تصويرك للكيس فى كل مرحلة جميل جدا جدا جدا وكمان طريقة سردك لمعلوماتها جيد جدا
صحيح المروحة بتاعت الافراح دى اجبها منين عشان شفتها فيها وكمان فى كيس اخر من نفس النوع
عشان عايز اركبها فى الهاف واعمل بيها فرح هههههههههه
الف مبروك على الكيس وربنا يباركلك فيها وكمان على المكونات الجديدة وياريت صور بعد ما تركب كل حاجة فيها

[ZEX]

الله يخليك يا احمد
و ان شاء الله فى صور هضيفها لما انتهى من تجميع الجهاز ان شاء الله
بخصوص الفان الى بتعمل الفرح :D
ده اوبشن فى الكيسه مش المروحه فقط لأن المروحه نفسها فيها اكتر من نظام اضائه بتتحكم فيه من الكيسه نفسها !
الكيسه التانيه الى قاصدك عاليها الى هيا الشيزر من ثيرمالتك برضوا
الى خلانى اسيب الهاف اكس فى المقام الاول الراحه النفسيه مكنتش مرتاح ليها خالص رغم انها ممتازه طبعا
بالأضافه لبعض الاوبشن و الاضافات الى موجوده فى الليفل تن زى متحكم المراوح و الاضائه و الهوت سوابل و جوده الخامات و التهويه و خلافه
هى حجات ممكن تعتبرها تافهه بس لو جمعتهم مع بعض هتلاقيهم كتير
ده غير حبى لثيرمالتك , انا اصلا كنت ناوى اشترى ال SPEDO بس ملقتهاش فأشتريت الهاف اكس

[Sherrah]

عزيزي اسلام انا رحت شوفت الكيسة بنفسي النهاردة و ما شاء الله فعلا high quality بطريقة مش طبيعية. سيبك من كل الاوبشن اللي فيها كفاية جودة الخامات و الfinishing. ممتازة فعلا.

كان ليا بس استفسار اخير: الخطوط الحمرا اللي على الhandle و ممتدة لقدام. يا تري بتنور و لا لأ؟ و كمان هل هو ده Power LED و لا ده شكل جمالي فقط؟

شكرا و مبروك عليك و ربنا يسهل و اقتني هذه التحفة انا كمان :D

سلام

[ZEX]

الخطوط الحمرا الى فى الهاندل مش متأكد ان كانت بتنور لأنى لسه مشغلتهاش
لكن الاماميه الى فى وجهه الكيسه مبتنورش لأنى لما شيلت وجهه الكيسه مكانتش متوصله بحاجه , فأعتقد ان الى فى الهاندل مش بتنور برضوا

الله يبارك فيك , و يرزقك بواحده زيها

[Sherrah]

شكرا على المعلومة يا اخ اسلام. اعتقد لما اجيبها ان شاء الله حفكر في طريقة انور بيها الهاندل لما الجهاز يشتغل. ممكن اجيلي كام led احمر و افك البلاستيك الاحمر اعتقد ان فيه اخرام ممكن احط فيها الليدات و كام resistor و اوصلهم بالكابل الباور ليد بتاع الكيسة.

اعتقد انها مش حتبقي صعبة.


سلام

[mos_pwreng]

الأخ الفاضل زكس ..... ألف ألف مبروك
فعلاً الكيسة تحفة والتبسيط في العرض أكثر من ممتاز ... جزاكم الله خيراً ... عجبتني كتيير فعلاً

ولكن من فضلك عندي إستفسار ... أثناء تصفحي على أمازون رأيت بعض الأرقام بجانب الكيسة ولكن بفروق كبيرة جداً في السعر ... فهل الموديل دي فيها أوبشن إضافية ولا فرق في الخامة أم الجودة .. ولا إيه بالظبط؟؟ مثل
VN10001W2N
VL30001N1Z
VN10006W2N
VN10031W2N
وشكراً جزيلاً أخي

[ZEX]

الله يبارك فيك يافندم

thermaltake level 10 gt

يوجد منها 3 اصدارات

- اسود
- اسود , انترنال usb3
- ابيض , انترنال usb3

طبعا الى موجود فى مصر اسود , انترنال usb3

فى اصدار اخر thermaltake level 10

ده يتعدى سعره ال 600 دولار

[Sherrah]

و كمان فيه اصدار thermaltake level 10 gt LCS , و ده بيجي معاه نظام تبريد مائي. (رادياتير و خزان و كده)