اخي جربت تلقي نظره علي البرامج الموجوده في ال Start Up ؟
سلامـ عليكمـ
مشكلتي باختصار
انا لما بافتح لعبة اولا باعيد تشغيل الجهاز ولو في برامج مفتوحة بقفلها وبخلي الجهاز صااااافي
مع ذلك
اللعبة بتقعد مش اكتر من 10 دقائق وتبتدي تعلق واستهلاك السي بي يو يوصل 100
وتبتدي تعلق ،، تبطأ ،، الصوت يقطع
مع اني منزل كل البرامج المثبتة في الموضوع بالاعلى
وجهازي
Dell inspiron 1564
4GB Ram
500 Hard
وللاسف الشديد كارت الشاشة 1GB Intel مدمج
اتمنى اعرف الحل
وبرضو لما باقعد شوية ع اليوتيوب بيعمل نفس الحركات
دمتمـ
اخي جربت تلقي نظره علي البرامج الموجوده في ال Start Up ؟
اكيد طبعا
بس فعلا المشكلة تعباني والله
اخي من المواصفات الي انت بتقولها انك كده في اعتقادي عندك مشكله في التبريد او في Power Supply لأن في كلا الحالتين.. اللعب هي اكتر حاجه بتعمل ضغط علي الجهاز
لو مزود الطاقه Power Supply مش كويس او تعبان مع اي تحميل زائد عليه هتلاقي فيه مشاكل ويتقل ويهنج الجهاز ويقطع
ولو مع التبريد لو مروحة البروسيسور فيها مشاكل بيكون التبريد قليل فا مع التحميل مع اللعب ال سخونه بتزيد وبيأثر علي الاداء وكلا المشكلتين لو واحده فيهم موجوده عندك فهلا فا ديه مهمه اوي تصليحها
عيوب مزود الطاقه ممكن تطيرلك اي حاجه في الجهاز
ومشاكل التبريد ممكن تطيرلك البروسيسور لو السخونه زادت اوي
طب ازاي ممكن تعرف مشكلتك انهي فيهم
ممكن تشوف اي جهاز تاني شغاله عليه الالعاب تمام وامكانياته قريبه من جهازك يعني ميكونش قديم اوي عنك وخد مزود الطاقه منه وركبه في جهازك وجرب
وبالنسبه للتبريد افتح الجانب بتاع ال CPU او الكيسه وهات اي مروحه قويه الزقها فيه وشغلها علي الاخر.. وجرب وشوف في اختلاف ولا لأ
كلامكـ كله على عيني وراسي
بعدين انا لاب توب للاسف الشديد
وصحيح انا عندي نظام امان في اللاب ان البروسيسور بيطفي الجهاز كله لما توصل حرارته 90
بس اللعب كانت بتشتغل كويس اول ماجبت الكمبيوتر
وفعلا الجهاز بيسخن كتير وبيهنج زي ماحضرتك اتفضلت
بس هو مافيش حل فعلا ملموس غير فكرة التبريد
يعني انا حاليا عندي نسخة هوم بريموم فهل ممكن يكون العيب في نسخة الويندوز ...؟؟؟
و عليكم السلام أخي
المشكلة يا أما من الشريحة الرسومية المدمجة في اللوحة الام يا أما من من نسخة الويندوز أو التعريف كما قلت انت, فجرب هذه الحلول و أخبرني
معلش انا لسه واخد بالي دلوقتي انك كاتب انه لابتوب ديل... دعلش التركيز راح خلاص :D
طيب ايه رأيك تجرب تغير نسخة الويندوز نزل مثلا ويندوز Win 7 Ultimate وجرب كده وشوف ايه الاخبار
معلومه تانيه مهمه هقولهالك من كلامك انه غالبا نسخة الويندوز الي عندك اصليه لأنها جايه مع اللابتوب
نصيحه شخصيه مني... عن تجربتي لاشخصيه... اول ما تنزل الويندوز امنع عنه الابديت الاوتوماتيك لأن انا جربت كتير الابديت بيتقل الجهاز اووووووووي
ولكن في هذه الحالة راح يكون معرض للخطر و الأختراق ! يجب تنزيل التحديثات لكي تسد الثغرات الجديدة, عمل صيانة دورية للجهاز تحل مشاكل البطء.امنع عنه الابديت الاوتوماتيك
الحقيقه ده رأيي الشخصي اني اقفل التحديث ويكون عندي مثلا Kaspersky Internet Security هيكون افضل كتير في رأيي
الثغرات تكون في ملفات النظام, و مضاد الفيروسات لا يقدر على أغلاقها, مثلاً برنامج Office Word أذا شغلته ممكن صانع الثغرة يعرف ما تعمل و يقدر على الدخول إلى النظام, الجهاز المحمي بشكل كامل هو الجهاز الذي يحدث بشكل أوتوماتيكي و مزود بمضتد للفيروسات و برنامج غالق للثغرات الفايرول و برنامج لمسح الملفات الخبيثة عند التصفح.
انا اسف جدا ع التاخيير
بسبب الدروس انا في تالتة تانوي
مع احترامي الشديد لكل الاراء
بس انا اللي فهمته واقتعنت به من كلامكم الرائع والمفيد والله
التبريد والكارت المدمج هم السبب
والف الف الف شكر ع الاهتمام والرد السريع
وادعوا لي بالتوفيق في الثاتوية
علشان تعرف تبرد اللابتوب فيه قاعدة مخصوصة بتشتريها للاب فيها مروحتين من تحت لتهوية اللابتوب
المفضلات