قم بوضع اكسس بوينت فى كل دور وقم بتوصيلهم جميعا ابالروتر
محتاج اوصل اشارة الوايرليس ل 3 ادوار متتالية و الاشارة ضعيفة جدا .. اعمل ايه ؟؟؟ انا عندى روتر D-link dsl-2640u .. طبعا هو ضعيف و الاشارة مش شغالة غير فى دور واحد و بتوصل التانى بصعوبة .. انا عايز اعرف هل اشترى روتر جديد و لو اشتريت ايه الروتر اللى يضمنلى اشارة قوية علشان مارميش فلوسى فى الارض .. انا عايز إشارة قوية و مستقرة فى ال3 ادوار مش مجرد انه يبقى واصل و خلاص ... ارجو المساعدة بالافكار المختلفة المناسبة سواء باستخدام راوتر جديد او اجهزة لتقوية الاشارة
قم بوضع اكسس بوينت فى كل دور وقم بتوصيلهم جميعا ابالروتر
طيب عندى سؤال هل الاكسس بوينت ده هتوصل بالراوتر بسلك و لا وايرلس ؟؟ و هل لو وصلتها مع الراوتر وايرلس هتنقل اشارة ضعيفة و لا لأ مع العلم ان اشارة الراوتر G؟؟ واه انواع الاكسيس بوينت ده و اسعارها ؟؟؟ مع العلم انه من الصعب للغاية توصيل الاكسس بوينت بسلك و لذلك هيبقى الحل استقبال اشارة وايرلس و إرسالها وايرلس و انا بسمع ان ده بيخلى الاشارة ضعيفة .. فما بالك و كمان الراوتر اشارته G .. كلامى صح و لا غلط
يمكن توصيل الاشاره زى مانت عايز سواء كانت بربط الاكسس بالروتر بسلك او ربطه وايرلس ولكن نصيحه منى اذا كان الروتر والاكسس المسافه مابينهم اقل من 100 متر فانصحك تربطهم بسلك احسن
بالنسبه لاسعار الاكسس فبتدى من 120 وانت طالع وعلى حسب جوده كل اكسس والافضل اكسس Airlive
هى المشكلة ان الراوتر اشارته مش قوية G .. هو شغال كويس بس فى المسافات القليلة يعنى بيكفى بيت واحد بس لكن اشارته الرأسية ضعيفة بصراحة علشان كده انا خايف ان اشارته ماتوصلش للاكسس بوينت اللى فى الدور اللى فوقه و بالتالى الاكسس بوينت ماتوصلوش الاشارة او توصلوه ضعيفة و قطعا هيرسلها ضعيفة فمش عارف هل لازم اغير الراوتر من الاساس و لا اعمل ايه ؟؟ مع العلم ان تغيير الراوتر بالاضافة لشراء اكتر من اكسس بوينت هيزود التكلفة طبعا ؟؟؟
المفضلات