انا اشتريت samsung galaxy ace من حوالى اسبوع والجهاز جميل جدا وكله تمام
بس المشكله ان البطاريه مش بتكمل معايه 24 ساعه على الرغم انى قافل ال wi-fi
هل هذا امر طبيعى ؟؟؟
انا اشتريت samsung galaxy ace من حوالى اسبوع والجهاز جميل جدا وكله تمام
بس المشكله ان البطاريه مش بتكمل معايه 24 ساعه على الرغم انى قافل ال wi-fi
هل هذا امر طبيعى ؟؟؟
الف مبروك الجهاز، بص يا سيدى. متقلقش خالص المسألة بسيطة للغاية. انا برضه لسه شارى نفس الجهاز مفيش من اسبوعين تلاتة و نفس المشكلة كانت عندى، و الحمدلله اتحلت.
الحل كالآتى، حضرتك هتفضى شحن البطارية للآخر بحيث ان الجهاز يفصل تماماً، لغاية ما تيجى تحاول تفتحه بعد ما يفصل يدوب تلاقيه يديك شاشة البداية و يقفل. لما يوصل لكدا، هتوصل الشاحن و هتسيبه يشحن براحته خالص للآخر و متفتحوش نهائى قبل ما يخلص. هيعد حوالى 3 ساعات و نص أو 4 ساعات، و هتلاقيه شحن.
بعد ما يخلص شحن، افصل الشاحن منه و شغله عادى، هتلاقى تحسن كبير جدا جدا. و ملحوظة تانية انا كنت بقع فيها، اكتشفت ان الموبايل ما كنتش بشحنه لآخره من أول ما اشتريته :D لأنه بعد ساعة و ربع و نص شحن، بلاقى مُبين البطارية كمل. لكن الجهاز نفسه لا بينوّر و لا بيدّى صوت و لا أى حاجة تدل على انه خلص شحن. فبالصدفة فى يوم نسيته فى الشحن 3 ساعات و خرجت، لما جيت نسيت اشيله من الشاحن، و مفيش نص ساعة لقيته عمل صوت و نوّر، و فى الشريط بتاع التنبيهات فوق لاقيت علامة بطارية صغيرة مكتوبة عليها 100% ظهرت، و لاقيته كاتبلى ان الموبايل "Charged" بعد ما كان على طول بيكتب "Charging" حتى لما تكون صورة البطارية كاملة و لاقيته بيقولى موبايلك اتشحن و فر كهربا و افصل الشاحن.
بمعنى اصح الموبايل بياخد حوالى 3 ساعات أو 3 ساعات و نص شحن. فحضرتك طبق اللى قولتهولك حرفياً و ان شاء الله هتلاقى تحسن كبير جدا، و لما تفضى ابقى وصله فى الشحن و خد بالك من الكلام اللى قولتله بخصوص شحن بطاريته فى الوضع الطبيعى.
بعد حركة البطارية دى، الموبايل بطاريته بعد ما كنت يدوب بتعد نص يوم، بقت الحمدلله بتعد يومين و نص بالشغل العادى.
فعلا في البدايه الموبايل مكانش بيكمل نص يوم حتي من غير ما استخدمه ونصيحه mr popo فعاله الي حد كبير مع كل انواع الموبايلات
بس هو ده الي انا عملته و الموبايل بقي بيعد 3ايام تقريبا من غير شحن
settings ----wireless and networks-------mobile network settings -----un chick on use packet data
(الاختيار ده بيقفل ال3g و ممكن تفعله وقت ماتحب تخش عالنت عن طريقه بس مشكله الاندرويد انه لو الاختيار ده متفعل بيفضل متصل بالنت 24 ساعه اي تطبيق بتفتحه بيبعت ويستقبل بيانات وتلاقي رصيدك بيتسحب وانت مش حاسس منغير ماتخش عالنت اصلا) وتاثيره واااضح جدا علي البطاريه لو كل دخولك عالنت عن طريق الواي فاي انت مش محتاج الاختيار ده خالص
تاني حاجه الdisplay -------brightness تقليله برده ليه تاثير علي عمر البطاريه
ياريت تجرب التعديلات دي وتقولي النتيجه معاك ايه
ايوه هيفصل - المفروض تستخدم الإنترنت وقت ما تحتاجه ميكونش مفتوح طول اليوم - لأن شبكات مصر فيها خلل وضعف بيخلى البطاريه تخلص اسرع من اى دوله تانهيه وعظيمه يا مصر
================================================== ==============
[ الخطوه الأولى ] نظام الأندرويد و الويندوز موبايل جنباً إلى جنب على الهاتف htc HD2
قبل ان تشترى شاشه LCD تعرّف كيف تكتشف الديد بيكسل
[ الخطوه الثانيه ] نظام الأندرويد كنظام أساسى على الهاتف htc HD2 - وداعا WM
قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
ولكي يستفيد الجميع من خبراتك و خبرات الزوار ولتقليل الجهد على المشرفين أيضاً
بص انا كانت عندي نفس المشكله وعملت زي ما اعضاء المنتدي نصحوك بيه وده تمام قوي
بس في حاجه جامده برده بتساعد انا عملت تحديث من 2.2.1 الي 2.3.3 وده بيحافظ ويرشد استهلاك البطارية
لو انت عملت التحديث عن طريق برنامج samsung kies مش هيسقط الضمان وهيتحدث هيبقا 2.3.3 نسخة الشرق الاوسط دعم عربى كامل
لكن لو انت لك خبره فى تنزيل الرومات وكده انت ممكن تنزل رومات مطبوخة بس وقتها الضمان ممكن يسقط
انا عن نفسي جهازى عليه نسخة 2.3.7 وشغاله الحمد لله تمام
المفضلات