وصلت لسرعة 3.5 GHZ بعد فتح الانوية بالمعالج amd phenom x2 550 7mb

[عبدالله ضيف]

اخوانى انا الان على 3.34 ومع فتح الانوية ودرجة الحرارة مع الضغط لا تتعدى 65 هل اثبت على كده ولا ايه

[xXx_2010]

يا عم الحج حرام عليك جدا جدا 65 اية بس انتة اقصى درجة حرارة المفروض توصلها 55 انتة كدة بتقصر عمرو البروسيسر بسرعة جدا انتة حر بس انتة اللى حترجع تعيط ف الاخر
انا من راى انك تصبر نفسك بفتح الانيوية لحد ما تجيب مشتت احترافى يا اما متكسرش سرعة طالما م حتجيب مشتت احترافى انتة حر تقبل النصيحة او لا بس دة اصلا كدة خطر خطر خطر الحرارة المفروض متعديش 60 ةانتة المفروض تبقى شغال ف مرحلة الامان انما انتة كدة شغال ف وسط مرحلة الخطر اللهما بلغت اللهما فشهد...

[MOHAMED ELIAS]

بص انت اولا فاتح نواتين ولا واحدة بس لو واحدة ممكن كسر بسيط جدا على حسب الحرارة و لو الاثنين يبقى فل اوى و مش هتحتاج تكسر سرعته لان فتح الانوية افضل بكتير من كسر السرعة انا كسرت سرعة phenom II x2 555 ل 3.6 بالمشتت الافتراضى و كانت الحراة 60 فى الضغط بس كنت شغال نواتين و قفلتوا انتا بالحرارة العالية دى بتقصر عمر البروسيسور و الماذر بورد معا و مع مرور الزمن هتلاقى البروسيور اداءه انخفض فمن الاخر اذا كنت فاتح الانوية يبقى حلو اوى و متكسرش السرعة الا لو اشتريت مشتت احترافى

[MPIXAPP]

درجة حرآره 65 مع الضغط عآديه جداً ..

[محمد حسن احمد]

انا معايا 555 وكنت كاسره ل 3.6 بدون اي مشاكل ودرجة حرارته مبتزيدش عن 56 57 بالكتيييير .... وجايب مشتت كولر ماستر عادي جدا مش غالي كنت جايبه ب 70 جنيه ...

[karem_love]

انا عندى phenom x2 555
ومش فاتح الانويه ولا كاسر سرعه مستنى اجيب مشتت احترافى الاول علشان مخسرش المعالج
واللى انا اعرفه ان اعلى درجه يستحملها المعالج ده 62 اكتر من كده فى خطر وبتقلل من عمره الافتراضى وشكرا

[عبدالله ضيف]

ايه ده بقى الحرارة بتاعته مع فتح الانوية فقط وبدون كس سرعة 65 هل ده طبيعى يريت لو حد يعرف درجة الحرارة الافتراضية للمعاج ايه قبل فتح الانوية وبعد فتح الانوية لانى بصاحة محتار وكده مجتش على 3 درجات شكلى هرجعه زى مكان مكسور وخلاص ومفرقتش 65 من 68 هههه او شكله باظ اساسا عشان حرارته عالية كده

[i.hima]

عندى نفس البروسيسور بتاعك وفاتح الانويه بس بدون كسر السرعه وبقى 4 والحراره مش بتزيد عن 34 بس المزر بورد بايو ستار

وبعدين ليه يعنى الاربع انويه مش مكفين اللعبه

انا معرفش العاب بتحتاج معالج اقوى من كده

[عبدالله ضيف]

طبعا حضرتك بتتكلم على الخمول بتبقى 34 مش كده لان انا اصلا فى الخمول 40 وفى الضغط خمسة وستين مع انى لسه محدد معجون وفيش اى حاجة غلط فى المروحة مش عارف درجته عالية كده ليه

[xXx_2010]

ياريت تسمع الكلام عشان متخسرش البروسيسر متكسرش سرعة بالمشتت دة وخليك فاتح انيوية وبس انتة المفروض الحرارة متعديش 60 اصلا عشان تبقى شغال ف الامان

[master2014]

اري ان الاعضاء نصحوك بما فيه الكفاية في موضوع ارتفاع درجة الحرارة بس الغريب انك بتقول انه الفرق بين الكسر وعدم الكسر 3 درجات اظن لو المشتت عندك مضبوط فالبروسيسور سيكون ممتاز في درجات الحراة مع مشتت احترافي ( ممكن تجرب معجون احترافي مع المشتت الافتراضي من الممكن انه يكون ليه تاثير جيد في خفض درجات الحرارة

[xXx_2010]

كفاية علية كدة نصايح مش حخش الموضوع تانى دة مش عايز يسمع الكلام

[MrEhabYoussrey]

إيه يا عبد الله الدوشة اللى فى موضوعك دى ..
المشتت الإفتراضى لا يصلح لتبريد الأربع أنوية .. و65-68 درجة عالية على المعالج سواء بكسر أو بدون..

إنزل إشترى المشتت Hyper +212 وحنزود سرعة المعالج سوا ل 4GHz وحتبقى آخر إنبسـاط..

[عبدالله ضيف]

طيب ياريت حضرتك تقولى المشتت ده بكام جنية مصرى والاقيه فين بالظبط فى القاهرة

[karem_love]

المشتت ب200 جنيه مصرى وتلاثيه فى محلات الكمبيوتر مول سوق العصر