كتاب قرأته

[Dr Mohammad]

اغلب الكتب التي اقراءها ان لم تكن جميعها محصورة حول علم الـ Metaphysics ! فانا اهوى هذا العلم بطريقة غريبة

حبيبي :D
أنا أيضا , لذا أتمنى منك ذكر مزيد من الكتب أو الدراسات في هذا المجال



رسالة (إنها ملكة) - د/ محمد العريفي :
رسالة أو كتيب صغير موجه للمرأة , يتناول عدة قصص حقيقية , و كل قصة فيها عبرة و عظة , الحقيقة الكتيب رغم صغره إلا أنه رائع جدا و مؤثر جدا جدا جدا .
لابد أن تهدي نسخة منه لوالدتك و لأختك و لزوجتك و لابنتك .


(الجاسوسية و رجال الأعمال) - د/ محسن الخضيري :
يتناول عالم الجاسوسية الذي أحبه جدا من جانب آخر غاب عن كثير من كتاب الجاسوسية , و هو علاقة عالم الجاسوسية بعالم الاقتصاد و رجال الأعمال , و أسباب اهتمام أجهزة المخابرات بالاقتصاد , و كذلك التجسس بين الشركات الصناعية الكبرى .
لم أكمل الكتاب بعد , و لكن يبدو أن فكرته بوجه عام جيدة .



أين باقي الشباب ؟

[sherif-magdy]

حبيبي :D
أنا أيضا , لذا أتمنى منك ذكر مزيد من الكتب أو الدراسات في هذا المجال

لو بتحب النوع ده فى عندك سلسله اسمها ما وراء الطبيعه لاحمد خالد توفيق
عباره عن روايات عن هذا الموضوع بس فيها كم هائل من المعلومات عن عالم ال ما ورائيات - سلسله رائعه

فى كتاب تانى لنفس الكاتب اسمه الحافه بيتكلم عن المواضيع التى قد يراها البعض خارقه لكن مازال لها تفسير , اى عن المواضيع التى تقع على حافه المعقول وتقترب من الخيال

وكتاب تالت لنفس الكاتب اسمه موسوعه الظلام و ده شبيه بموسوعه فعلا تتحدث عن كل ما هو ميتافيزيقى بالتفصيل سواء كانت تجارب او اساطير او مواهب فائقه

وهتلاقى كتب كتير لاحمد خالد توفيق من هذا النوع بس انت دور

[EL-MARIACHY]

بالمناسبة , هل سمع أحدكم عن كتاب (The Secret) أو (السر) ؟

صاحب صدوره ضجة و دعاية كبيران , بعض أصدقائي يمدحه و بعضهم يقول أنه مجرد ضجة دعائية أكبر من حجم الكتاب ,
لم أقرأ الكتاب لأعرف بنفسي , ربما هو الكسل أو ربما عدم ميلي بوجه عام لهذه النوعية من الكتب (التنمية البشرية) مش عارف :D

ما رأيكم ؟

انا شوفت الفيلم بتاعه و هو روعه جداً و لكنى لم اقل لأحد من قبل عنه لأننى وجدت شيخ يُكفّر من يقراه او يتفرج عليه مع انه فادنى كثيراً و ساعدنى و بالفعل حققت اشياء لم احلم ان احققها بمساعدته !

و حالياً بأشوفه بين الحين و الأخر حتى استعيد الروح المعنويه و اتحلى ببعض الأمل

فحاول تنزل الفيلم بتاعه و له ترجمه عربى حلوه اوى من على subscene

-------------------

الكتب التى قرأتها :

1- لماذا من حولك اغبياء ؟

2- كيف تكسب الأصدقاء و تؤثر فى الناس و هو كتاب إنجليزى اللغه و لكنى قراته بالعربى

[khaled_sha6er]

الحمد لله لم اقرا ولا كتاب :D كفاية الثانوية العميا اللى انا فيها :eek:

[ibrahimfr]

قراءتي في الكتب هي شبه منحصرة في الكتب الدينية و كتب السيَر , والباقي من الإنترنت !

-الرحيق المختوم , لصفي الرحمن المبار كافوري : كتاب مشهور جداً في سيرة النبي صلى الله عليه وسلم !
-أعلام وأقزام في ميزان الإسلام : الدكتور سيد عفاني .
-صلاح الأمة في علو الهمة : للدكتور سيد عفاني أيضاً وهو كتاب مشهور في سير السلف رضي الله عنهم وأحوالهم في جميع خصال الخير .
-قصص الأنبياء , لابن كثير رحمه الله .
-رجال حول الرسول , خالد محمد خالد .
-صور من حياة الصحابة وأيضاً كتاب صور من حياة التابعين وهما من أفضل الكتب التي قرأتها في السير للدكتور عبد الرحمن رأفت الباشا رحمه الله و غفر له صاحب الكلمات الجزلة والصور الرائعة , أنصح الجميع بقراءة مؤلفاته !
-أصحاب النبي صلى الله عليه وسلم : لمحمد سيد فرج .
-الرحمة والعظمة في السيرة النبوية : لمحمد بن إبراهيم الحمد !
-ديوان الإمام الشافعي رحمه الله ورضي عنه !
قرأت معظم ديوان عنترة ! وفي ديوان المتنبي و عدد من شعراء الجاهليين و عصر صدر الإسلام !
قد تتعجبون ولكني مغرم بقراءة القواميس اشتريت القاموس المحيط وأنا دائم القراءة فيه - أشعر كم أنا أعجمي حين أقرأ فيه

[ibrahimfr]

حبيبي :D
أنا أيضا , لذا أتمنى منك ذكر مزيد من الكتب أو الدراسات في هذا المجال

عندك سلسلة العقيدة في ضوء الكتاب والسنة للشيخ عمر سليمان الأشقر منها كتابين واحد عن عالم الملائكة وواحد عن عالم الجن و الشياطين , قرأت عالم الجن و الشياطين فقط :D , وهي بالمناسبة سلسلة تتألف من سبعة كتب .

[skyboyextreme]

مسرحية (كلهم أبنائي) - آرثر ميلر - (مستمدة من قصة حقيقية) :

!! القصة دى أنا درستها وانا فى أولى ثانوى , فى المستوى الرفيع و كان أسمها All My Sons .

فى كتاب تانى لنفس الكاتب اسمه الحافه بيتكلم عن المواضيع التى قد يراها البعض خارقه لكن مازال لها تفسير , اى عن المواضيع التى تقع على حافه المعقول وتقترب من الخيال

وكتاب تالت لنفس الكاتب اسمه موسوعه الظلام و ده شبيه بموسوعه فعلا تتحدث عن كل ما هو ميتافيزيقى بالتفصيل سواء كانت تجارب او اساطير او مواهب فائقه

كم اسعارهم و بتلاقيهم فين ؟

انا ببشقلب معرض الكتاب على أى أصدارات ل أحمد خالد توفيق غير ما وراء الطبيعة ونادر اما بلاقى .

[mohammed_kamal]

ملف المستقبل
نبيل فاورق كلها
ولكن كنت 10 سنوات وقتها فكانت بدايه لمحبتى بالقراءه وانا اعشق القراءه عموما لانك لو تعودت عليها فى الصغر ستكون كالادمان بالضبط

و



كتاب عن اللغات الجسديه المتفق على استخدمها حول العالم فى حاله عدم المامك باللغات الاخرى بالاضافى الى لغه الجسد
وكتاب يسمى (التذكره)

التذكرة في أحوال الموتى وأمور الآخرة
https://www.almeshkat.net/vb/showthr...threadid=28422
قراته وانا ابلغ 12 عاما

والكثير عن الفيزياء والفضاء والمركبات كنت استغل المكتبات كثيرا لهذا لمعرفه الكثير عن تلك العلوم حتى انى لا اتذكر اسماء ما قرات لكثرتهم

[Dr Mohammad]

لو بتحب النوع ده فى عندك سلسله اسمها ما وراء الطبيعه لاحمد خالد توفيق
عباره عن روايات عن هذا الموضوع بس فيها كم هائل من المعلومات عن عالم ال ما ورائيات - سلسله رائعه

قرأت أغلب السلسلة أخي شريف , و كذلك السلاسل الأخرى للكاتب , فأنا من المعجبين بالدكتور/ أحمد خالد توفيق
و لكن الكتابين الآخرين لم أقرأهما , سأضعهما على قائمتي إن شاء الله
أشكرك

انا شوفت الفيلم بتاعه و هو روعه جداً و لكنى لم اقل لأحد من قبل عنه لأننى وجدت شيخ يُكفّر من يقراه او يتفرج عليه مع انه فادنى كثيراً و ساعدنى و بالفعل حققت اشياء لم احلم ان احققها بمساعدته !و حالياً بأشوفه بين الحين و الأخر حتى استعيد الروح المعنويه و اتحلى ببعض الأملفحاول تنزل الفيلم بتاعه و له ترجمه عربى حلوه اوى من على subscene

أعتقد أنك تقصد كتابا آخر أخي شريف , لأن ما تتحدث عنه يبدو أنه رواية (ما دام تم تحويله لفيلم) , أما الكتاب الذي اقصده فأعتقد أنه يختص بالتنمية البشرية و التأثير في الآخرين , لا أعلم سأتأكد من هذا الموضوع .
تعديل :
أها , يبدو أنك تقصد فيلم وثائقي , عذرا لم أفهم ذلك

الحمد لله لم اقرا ولا كتاب :D كفاية الثانوية العميا اللى انا فيها

وفقك الله , إن شاء الله يعد الثانوية تنفتح شهيتك للقراءة المفيدة

عندك سلسلة العقيدة في ضوء الكتاب والسنة للشيخ عمر سليمان الأشقر منها كتابين واحد عن عالم الملائكة وواحد عن عالم الجن و الشياطين , قرأت عالم الجن و الشياطين فقط :D , وهي بالمناسبة سلسلة تتألف من سبعة كتب .

و من لا يعرف هذه السلسلة ؟
الكتاب المذكور عندي بالمناسبة :D (نسخة إلكترونية) , و لكني لم أبدأ في قراءته بعد , أرغب في اقتناء نسخة مطبوعة إن شاء الله
ما شاء الله أخي إبراهيم , اختياراتك متميزة للغاية

[Dr Mohammad]

(رسالة إلى طبيب) - د/ محمد الدسوقي :
هو رسالة أو كتيب صغير موجه للأطباء , كيف أن الطب أكثر من مجرد مهنة , بل هي رسالة نبيلة و وسيلة لفعل الخير و نيل رضا الله سبحانه و تعالى , تتناول الرسالة الأبواب التي يمكن من خلالها للطبيب أن يتقرب إلى الله و ينال الثواب , الجميل في الكتيب أنه يبين للطبيب أبوابا قد تكون قد غابت عنه لفعل الخير , رغم أنها قد تكون أمامه دائما بحكم مهنته .
رسالة جميلة و مبسطة , و توزع مجانا بالمناسبة


هيا يا إخواني , لم نبدأ بعد :D

[sherif-magdy]

!! القصة دى أنا درستها وانا فى أولى ثانوى , فى المستوى الرفيع و كان أسمها All My Sons .

كم اسعارهم و بتلاقيهم فين ؟

انا ببشقلب معرض الكتاب على أى أصدارات ل أحمد خالد توفيق غير ما وراء الطبيعة ونادر اما بلاقى .

جميع قرأتى تكون كتب الكترونيه
https://www.4shared.com/dir/F8JbgLLr/___.html
اللينك ده فى كتب كتيره ل د احمد خالد توفيق

وشوف ده برضه
https://www.4shared.com/folder/i7FhhKKb/___.html

[skyboyextreme]

انا مستمتعش بكتاب أو بقصة غير وانا "مأنتخ على السرير" او على كرسى الانترية ..

أتمطع يمين أتمطع شمال أربع رجلى , أفردها على ترابيزة ألمهم جمبى , و أنا الكتاب نقف نقوم نروح نعمل شاى وهكذا ..

فكرة القراءة الاليكترونية دى صعبة جداً جداً ومعملتهاش غير مرتين تلاتة فى حياتى منهم مرة فى رواية هارى بوتر الجزء الاخير (حوالى 500 صفحة ) اللى صدرت على الانترنت بعد تلات شهور من صدوررها برة قريتها فى 23 يوم بالظبت بدل ما أقراها فى يوم او يومين على الاكثر كالطبيعى بتاعى

[sherif-magdy]

صدقنى الموضوع تعود مش اكتر
انا الاول كنت زيك واكتر كان وقت القراءه ده له طقوس مخصوصه بالنسبالى وكان فى مكتبه قريبه متعود اشترى منها اللى انا عايزه بس المكتبه قفلت وللاسف ملقتش حاجه قريبه تانيه اشترى منها كتب باستثناء ميكى جيب من عند بتاع الجرايد:D
ومره جربت اقرأ من على شاشه اللاب توب وفعلا لقيت الموضوع مش مريح خالص بس بعد كده اتعودت والشعور ده اتعكس على الكتب العاديه نفسها

[NASA Science]

بسم الله الرحمن الرحيم

https://arabhardware.net/forum/showthread.php?t=192687&p=1899166#post1899166

[mohammed_kamal]

انا مستمتعش بكتاب أو بقصة غير وانا "مأنتخ على السرير" او على كرسى الانترية ..

أتمطع يمين أتمطع شمال أربع رجلى , أفردها على ترابيزة ألمهم جمبى , و أنا الكتاب نقف نقوم نروح نعمل شاى وهكذا ..

فكرة القراءة الاليكترونية دى صعبة جداً جداً ومعملتهاش غير مرتين تلاتة فى حياتى منهم مرة فى رواية هارى بوتر الجزء الاخير (حوالى 500 صفحة ) اللى صدرت على الانترنت بعد تلات شهور من صدوررها برة قريتها فى 23 يوم بالظبت بدل ما أقراها فى يوم او يومين على الاكثر كالطبيعى بتاعى

طب رايك ايه فى الاجهزه اللوحيه فى المستقبل ممكن تحل حاجه زى دى يعنى شاشه وبحجم الكتاب وتقدر تتجول بها
اعتقد ان اجهزه زى دى هتحللى حاجات كتير