التفاصيل
كريم انا لا بعت ولا اشتريت معاه
انا عرضت الشاشه على محمود ودخلناها فى شغل بيننا ومحمود عرضها فى المنتدى
كريم ومحمود خلصوا مع بعض وباعوا واشتروا مع بعض
محمودا اتصل بى عشان اوديله الشاشه عشان فى واحد جاى يا خدها رحت وديتهاله لاقيت كريم هناك
استلم الشاشه وعاينها المعاينه التامه واديته الفاتوره الاصليه مش الى فى الموضوع دى دى قصتها جايه ورا والى كانت باسمى انا
قالى دى مجرد بيان قولتله دى الفاتوره الى انا اشتريت بيها وعموما يا سيدى انت عندك 5 شهور باقى الضمان من السنه الاولى
لو حصل فيها حاجه هاتهالى وانا ادخلهالك ضمان ومقولتلوش عندى وبتاعتى ومحمود يشهد على كده الكلام ده كان فى شهر 7 الى فات
من حوالى شهر اتصل بى كريم وقالى ان الشاشه فيها مشكله وقالى عاوز اوديها الضمان قولتله هاتهالى وانا اوديهالك
كنت ممكن اوصفله المحل الى اشتريت منه وهو يروح لكن تطوعا منى كما وعدته اخدتها متطوع ورحت وديتها فضلت فى الشركه حوالى اسبوع لحد مالموا مرتجعاتهم من التوكيل وبعتوها طبعا انتوا عارفين ان اى شركه بتجمع المرتجعات بتاعتها وبتبعتها كلها مع بعض مش كل يوم هيودوا حاجه للتوكيل ويصرفوا مواصلات الكلام ده كان يوم 23 سبتمبر
وبعدين راحت التوكيل قالوا بعد اسبوع هنرد عليكم وانا كنت بابلغ كريم بكده الى كان بيكلمنى بعد ماداىى الشاشه ب 24 ساعه
وبعد الاسبوع مخلص قالو هتتغير البورده او الشاشه ولكن مافيش استوك عندهم 24 او قطع غيار هانستنى للاسبوع الى جاى
الكلام ده باخده من فم صاحب الشركه اوصله لكريم مباشرأ
البيه اتصل بيا واول ماسمع كده اتعفرت وقالى ماليش فيه انا عاوز الشاشه يا الفلوس وزعل وعمل مشكله قولتله يا كريم انا او محمود بعتنالك حاجه مستعمله ومعاها باقى الضمان انا بعمل كده متطوع عشان اوفر عليك المشوار لان الشركه جمبى
قالى يا عم انا لا بعت ولا اشتريت معاك انا اشتريت من محمود وهارجع لمحمود محمود قالوا ترضى بحكم مين يحكم بينكم قالوا الاستاذ محمد خليفه وانا ارتضيت بذلك وعملنا مكالمه ثلاقسه وشرح كل واحد وجهت نظره
الاستاذ محمد حكم بانه طالما انك يا كريم ارتضيت ان ايمن يوديلك الشاشه االضمان يبقى تستنى وترتضى بالكلام الى بيقولوه
لانى طبعا لانا توكيل ولا دمصنع الشاشه والمسأله مسأله وقت مش اكتر
المهم فى الاخر قالى هاتلى ايصال التسليم وانا اروح اجيبها يابنى استنى واحنا نجيبهالك مافيش فايده مصمم
وقالى انا عاوز مبايعه او فاتوره باسمى قولتله معاك الفاتوره قالى دى باسمك انا عاوز فاتوره باسمى
اتصلت بالتاجر صاحي الشركه وقولتله بعد اذنك عاوز الايصال وعاوز فاتوره باسم كريم الراجل تفضل مشكورا
وادانى الايصال وادانى فاتوره باسم كريم الى هو عارضها فوق دى
وديت الايصال لمحمود وفضل عند محمود اسبوع والبيه مارحش ياخده محمود اتصل بيه اكتر من مره عشان مسافر البيه مجاش يبقى
التأخير من مين ؟
كريم را ح التوكيل وقالولوا لازم الفاتوره الى احنا بعنا بيها للشركه الام ال اخدت الشاشه من عندهم مقالولوش الى انت اشتريت بيها
قالولو الى الشركه اشترت بيها مننا الى هى شركه الحمد
رجع محمود وقالى على الموضوع ده وانا اتصلت بصاحب الشركه وقولتله قالى خليه يروح بكره ويكلمنى من هناك وانا هخليهم يدوله الشاشه ماهو لو كان استنى كان زمانوا استلمها من اسبوع
الباشا بدل مايخد رقم تليفون الراجل ويكلموا من التوكيل بكره راح متصل بيه حوالى الساعه 10 مساءا وقالوا انا هبلغ عنكم وانتوا عالم حراميه ونزل شتيمه فى الراجل صاحب الشركه
وبعدها اتصل بيا الراجل وقالى انه شتمه وعمل فيه البدع فى التليفون
بعدها كريم اتصل بالاستاذ محمد عاوز عنوان شركه الحمد الشركه الام الى واخده الشاشه من الوكيل
وقعد يتصل بيا اكتر من مره عاوزنى ارد عليك اقولك ايه بعد ماتصلت بالراجل و مسحت بكرامته الارض
هل لو الشاشه دى مسروقه زى مابيقول وانا سارقها هديله ايصال استلام الشاشه من الوكيل
الشاشه راحت من الشركه الى شركه الحمد الى بعتها التوكيل
اما بخصوص ان الشاشه فى خلال 3 شهور يبقى تنازل منه
لو نلاحظ فى تاريخ دخول الفاتوره للتوكيل هو 2-10-2011 يعنى مش من شهر ونص زى ماقال
ده الى حصل انا قولت الى عندى والله على ما اقول شهيد
ويشهد على هذا الكلام الاخ محمد خليفه الوسيط والحكم الذى فوضه كريم وليس انا
اما بخصوص الاتهام بالكذب والنصب وما الى اخره انا تارك امره للاداره
ولو فى عضو فى المنتدى اشترى منى حاجه قبل كده وفيها مشكله او حصل اى فصل بينى وبين اى عضو من الاعضاء يدخل يقول
ويشهد ان كنت انا نصاب وحرامى زى مابيقول ولا لأأ؟
المفضلات