HP Pavilion G6-1156ee Or Dell Inspiron n5110

[nakamuraz]

شكرا جدا
بس السؤال , بتبقى نسخة ويندوز و اسطوانة تعريف اصلية ولا اسطوانات عادية منسوخه ؟
آخر سؤال و بجد تعبتك معايا يا ريس

[mohamedvip]

شكرا جدا
بس السؤال , بتبقى نسخة ويندوز و اسطوانة تعريف اصلية ولا اسطوانات عادية منسوخه ؟
آخر سؤال و بجد تعبتك معايا يا ريس

لا طبعا اسطوانات منسوخة لان الاسطوانات الاصلية غالية جدا مش معقول هيديلك وحدة
بس بصراحة نسخة الويندوز اكتر من ممتازة

وبالنسبة انك تعبتى عادى مفيش اى تعب واى سؤال او استفسار متترددش فى طرحة وان شاء الله نجاوبك انا وباقى الاخوة الكرام

كلنا هنا عشان نفيد ونستفيد اى سؤال لا تتردد فى طرحة

[redmido]

انا بس عايز اقول حاجة مهمة هتفيدك من خبرة سنين
اعرفك بنفسي الاول
انا مهندس خريج computer since
وشغال فى شركة هارد وير تصليح وبيع
بص اولا كده مفيش لاب مش بيسخن مهما كان نوعه, لان اي لاب يحتوي على كارت فيجا بيسخن + سخونية البروسيسور
ودايما لو هتشترى فيه كارت شاشة يبقى لازم تشترى كولر
نخش بقى لموضوعك :
اولا الديل الاايام دي جاي منه مرتجعات كتير وخصوصا اللى فيه كروت شاشة لان الديل مش متعود على السخونة والمشكلة الشائعة فى الدل فى احتراق الهارد
واسئل فى اى مكان,
ديل كان زمان الرئد والافضل و الاحسن
اتش بي : منتجاته مفيش فيها مشكلة غير السخونة واتحدى اي حد يجبلى مشكلة غير دي ودي بتتحل بالكولر وبس ككده خلصت
اما المقرنة بين المنتجين dell 5110 and hp g61156ee\se
(ملوحوظة انا عندى الجهاز 1156)
كارت الشاشة لاخلاف ان نيفيديا احسن بمراحل من 6470 فى كل حاجة
بس كل واحد ليه استخدامه
نفيديا = جامز قوى جدا ضغيف فى تطبيقات الجرافيك والهندسة
ati = جامز ضعيف بالنسة للجامز اللى بيحتاج معالجات رسومية بس جباااااااااااار فى الاتوكاد والتطبيقات الهندسية

ثانيا ازاااااااااااااااااااااااااااااااااااااااااااااااا اى تقارن ال i5 ب i3 ؟؟؟؟ اززززززززززززززاى مش فاهم ؟؟؟
الi5 احسن فى كل حاجة توفير طاقة اداء اعلى سرعة اعلى كفائة اعلى سواء فى الجامز او اي حاجة
ثالثا الاخ اللى بيقول ان بيديك 384 lol بجد
دي صورة من جهازى


البروسيسور مش بيسخن او مع الكولر ودي صورة من جهازي بعد شغل 6 ساعات وشوية وعلى فكرة كنت بلعب pes12 high وشغالة تمام



Uploaded with ImageShack.us
اخيرا انصحك با اتش بي بجد فوق الممتازة

[alone_301]

عليكم السلام ورحمة الله وبركاتة

اخي اناكنت فعلا زيك لحد مجالي صداع في المقارنه وخصوصا بين الديل والاتش بي لحد مقررت اشتري الديل انسبايرون 5110 مع ان عنيا كانت هاتطلع علي اتش بي برو بوك عشان تصميمة وخاماته فعلا كويسه عشان انا شفت الاتنين
الاتش بي خاماته احسن من الديل الديل خاماته ضعيفة شوية بس الحمدلله اشتريت الديل انسبايرون وشغال معايا تمام الي كان مخوفني من الاتش بي مشكله الحراره بس سمعت ان الشركه تلافت كل العيوب دي فيالموديلات الجديده
بس انا حبيت اريح دماغي من كل الحاجات دي وجبت الديل ااه بالمناسبة ونا بشتري اللاب قابلني واحد معاه اتش بي بيقولي مبروك فتكلمنا شوية عرفت انه جاي يشتري كولر للاب بتاعه وكان بيقولي علي اللاب بيسخن قمت ساحب الديل ونا مغمض هههههه بس للامانه معرفش الموديل بتاع اللاب بتاعه

المهم ربنا يوفقك في اختيار الاحسن

[nakamuraz]

الأخ ريدميدو , طيب محدش اتكلم هنا ليه على مشكله احتراق الهارد و الناس نعاها اللاب اهو , و بعدين انا بقارن i3 ب i3 برضه

[redmido]

اولا مشكلة الهارد مسألة وقت وخدها نصيحة مني اى لاب بيبقى تحفة اول 6 -8 شهور بعدين العيوب بتظهر وغير كده الموديل 5110 الهارد بيجيب ميديا مع الوقت نتيجت وجوده تحت الروسيسور +النفيديا المشهور بدرجة حرارة العالية وعلى فكرة انا بعشق حاجة اسمها نفيديا بس فى ((((( pc )))) مش الابات ولو حابب الديل هات ديل من غير كارت شاشة عشان يعيش معاك هيبقى ممتاز
مشاكل الg6 بعد 8 اشهر تجربة مفيش غير الحرارة وعالدية والله مش بتعدى 65 حتى وانا بلعب جامز
مشال ال5110 بعد8 اشهر الصوت ضعيف الجهازساعات بيهنج بعد تشغيل الجامز الحرارة بدأت تعلى اوى
اما بالنسبة i3 i3
لا ال 1156 i5 مش i3
الديل 5110 i3

[redmido]

بص انا هريحك انزل اسئل اى شركة صيانة لاب وقولها ايه مشاكل الديل اللى بتجيلكوا ؟ّ
واتأكدذ من كذا شركة
ونفسها لاتش بي
هتلاقى اتش بي مشاكلة اقل
وانا واثق 100% عشان ده كلام انا شايفه بعينى
https://egyptlaptop.com/hp-pavilion-g6-1156ee-.html

بص ده نفس الكلام عن الديل الموديل ده

[nakamuraz]

طيب
بما انك شغال ف شركة و كده يعني دايس في االسوق
بميزانية 3600 جنيه , أجيب ايه جهاز يكون بيشغل ألعاب بشكل كويس , و يكون ابن حلال و يستحمل ؟
لو عندك اقتراح غير الاتنين دول برضه مفيش مشاكل , انا لسه هنزل اشتري أخر الشهر

[redmido]

انا احسن جهاز شفته جامينج فى الرنج ده وبيستحمل هو ال1156se عشان انا مجربه ولو مش مصدق اقابلك فى اي مكان وباى لعبة هشغلهالك على الهاي
الديل حلو بردو بس مش بكفاءة ال hp عشان ده i5 وده i3
بص فى اجهزة كتير حلوة بس الديل مفيش منه فى الرنج ده جامينج غير 5110 4g
كله اعلى من 4000 او انتل
خد بقى المنتجات دي كويسة جدا جدا وهنتاسب سعرك ملحوظة انت هتجيب كولر طالما هتشغل جامز فى اي نوع لاب

hp 1236 = 3550
ram 4 hd 320 vga 1g ati i3
---------------------------
hp 1156ee\se =3700
ram 3 vga ati 1g hd 320 ((i5))
-----------------------------------------
hp 1040\41\42=3500
ati 1g i3 hd 320 ram 3
-----------------------------------------
دول اللى انا عرفهم واضمنهملك اما توشيبا غالى وعلى فكرة احسن من الديل و hp
وديل مفيش غير ده
بس والاختيار ليك
وخليك مع اللى هتريحله نفسيا اهم حاجة

[thematrix_a]

انا معايا ال Hp g6 1156ee وشغال زي الفل وانصحك بيه لان الجهاز الديل i3 والHp I5 مفيش وجه مقارنه خالص وبالنسبه للسخونيه طبيعيه جدااااا ومش بيسخن زي الموديلات القديمه بتاعت Hp

[Prince007]

انا معايا ال Hp g6 1156ee وشغال زي الفل وانصحك بيه لان الجهاز الديل i3 والHp I5 مفيش وجه مقارنه خالص وبالنسبه للسخونيه طبيعيه جدااااا ومش بيسخن زي الموديلات القديمه بتاعت Hp

طيب سؤال يا باشا :
هل الالعاب الكبيرة على Hp g6 1156ee بتشتغل حلو من غير تقطيع على الهاى ديتايل ؟

[thematrix_a]

طيب سؤال يا باشا :
هل الالعاب الكبيرة على Hp g6 1156ee بتشتغل حلو من غير تقطيع على الهاى ديتايل ؟

الالعاب اللي انا شغلتها عليه
X-Men Origins - Wolverine(TM)
Prince of Persia The Forgotten Sands
Need for Speed(TM) Hot Pursuit
Call of Duty 4 - Modern Warfare 2
Team Fortress 2
Race Driver GRID
NFS under cover
Crysis
zRohan

ولو في لعبه معينه انت عاوز تتأكد وتشوفها بعينك خش علي Youtube واكتب اسم اللعبه وجمبيها ATI 6470m


او خش علي اللينك ده
https://www.youtube.com/results?sear...0l0l0l0l0ll0l0

[o0R3D0o]

السلام عليكم ورحمة الله وبرحاته اخي nakamuraz


الجهازين الذان يتم المقارنة بينهما فعلا ممتازين ومن احسن الخيارات المتوفرة في الشريحة السعرية التي تختار منها ..... دعني اخبرك عن تجربتي الشخصية مع الجهازين .....
كان لدى احد الاصدقاء HP Pavilion G6-1156ee بصراحة الجهاز ممتاز ولا غبار عليه سوى ارتفاع غريب في درجة حرارة الجهاز بدرجة فعلا لا تحتمل مع العلم اننا تعاملنا مع الجهاز لمدة طويلة وفي اواضع تشغيل خفيفة وفي اثناء التحميل في الاداء على الجهاز .... ولكن يمكن حل هذه المشكلة كما اشار احد الاعضاء الافاضل بمروحة التبريد التي يوضع عليها الجهاز وتوصل في منفذ USB لتأخذ الطاقة اللازمة لتشغيل المروحة ... ولكن عيب هذا المبرد او المشتت انك ستشغل منفذ USB كما أنك ستستلهك كمية كبيرة من طاقة البطارية التي ستهدر على تشغيل مروحة المشتت مما يؤدي الى قصر العمر الافتراضي للبطارية على المدى الطويل من الاستخدام ....




اما بخصوص الجهاز Dell Inspiron فانا ( واعوذ بالله من كلمة انا ) امتلك هذا الجهاز باختلاف ان المعالج Core I7 و الذواكر 6GB واستخدام للجهاز في العمل في التصميمات و الاعمال البرمجية ولا تقل فترة العمل على الجهاز عن 10 - 12 ساعة يوميا .... وبسم الله ما شاء الله لم اواجه مشكلة ارتفاع درجة الحرارة ( مع العلم ان اخذ في الاعتبار اننا في فصل الشتاء و درجات الحرارة منخفضة جدا بالفعل ) لكن فعلا استخدام الجهاز قاسي والحرارة الناتجة معقولة لأبعد الحدود .... وبالتأكيد الحرارة الناتجة عن المعالج Core I3 ستكون أقل ....


ملخص القول كلا الجهازين جيد وان كنت لا تهم بشغل منفذ USB من جهازك فتوجه إلى الـHP فهو فعلا الاختيار الامثل في حالتك لأن معالجه Core I5 وبكل تأكيد ستحظى بفارق كبير في الاداء عند امتلاك له ...


اما ان كنت تبحث عن مميزات Nvidia الحصرية CUDA التي تزيد بلا شك من اداء برامج الميديا و الجرافيك الداعة لهذه الخاصية و التي من اشهرها مجموعة برامج Adobe فتوجه إلى DELL خاصة ان كنت تنتوي العمل على بمجيات الجرافيك و ريندر الفيديو و الافلام بشكل مكثف ......


وفي النهاية مبروك عليك مقدما

[dodyf]

حوار رائع جدا
انا نزلت ولفيت من حوالي اسبوعين كل محلات والمولات وكنت برضو بقارن بين الاثنين بس I5
معظم الناس بتأكدلي ان الديل افضل بسبب الحراره افضل وكمان الكرت الفيجا اللي فيه احسن :ah40:

[Prince007]

على فكرة انا استغربت جداً بعد شوية بحث على النت استنتجت ان اعلى الالعاب و البرامج الحديثة جداً لا تحتاج بروسيسور اعلى من كور 2 ديو !!!؟؟؟؟ - لكن تحتاج كروت فيجا عالية جداً بذاكرة لحد 2 و 3 جيجا , و عدد رامات كبير لحد 6

مش عارف امال نحتاج ال I3 و الـ I5 فى ايه ؟ و كمان تيربو بوست ؟؟؟!! خصوصاً ان شركات تصنيع اللابات مش بتحط معجون التبريد اللى بيكون ما بين الهييت ثينك و المعالج نفسه - مع انى اعتقد ان عمل الموضوع ده هيساهم كتير فى معالجة مشكلة زيادة الحرارة ...

بعد ما كنت بفكر فى I7 أو I5 - دلوقت بفكر فى لاب I3 بس بمواصفات هارد كبير و رامات 6 او 8 مثلاً و كارت شاشة مميز

مش عارف رأيكوا ايه ؟؟ - و هل فيه جهاز بالمواصفات دى ؟ و ينفع لحد 5 سنين ادام ؟