يا جماعه لازم نجيب عنوان سكن الاخ عمرو من تحت الارض
لازم نتكاتف كلنا مع صاحب الموضوع عشان نجيبلوه حقه
اكيد في واحد كده و لا كده عارف عنوانه او رقم تليفونه الارضي
سؤال لصاحب الموضوع
هو الاخ عمرو عنده كام سنه ؟
انا اتعاملت مع عمرو قبل كده و كنت بابيعله باور سبلاي مكملش علي استخدامه اسبوع و كنت منزل فيه حسبة 125 جنيه من اصل 400 الثمن الاصلي و اول انطباع اخدته عنه انه متردد جدا لأنه اتفق معايا علي الشراء و الالغاء 6 مرات متتالية في اقل من نصف ساعة بلا مبالغة و الكلام ده Timo1 عارفه كويس و في الاخر لما قرر انه يشتريه حدد المكان في مول الكمبيوتر الاقرب من ميدان سفينكس و لما كنت بكلمه علشان الميعاد اللي بنا كان بيقولي انه راكب الميكروباس و جاي من امبابة ولما اتقابلنا وصلني انطباع اخر عنه انه بتاع حوارات و نصف كلامه كدب بس انا كنت بابيع حاجتي و باخد فلوسها كاملة فمخدتش في بالي و سبته و مشيت...انا مصدق صاحب الموضوع لمنطقية كلامه و من خلال تعاملي الوحيد مع عمرو أؤكد انه اخد الكارت من يوسف و علي اتم الاستعداد لمساعدة يوسف لحد مياخد حقه.
يا جماعه لازم نجيب عنوان سكن الاخ عمرو من تحت الارض
لازم نتكاتف كلنا مع صاحب الموضوع عشان نجيبلوه حقه
اكيد في واحد كده و لا كده عارف عنوانه او رقم تليفونه الارضي
سؤال لصاحب الموضوع
هو الاخ عمرو عنده كام سنه ؟
تقريبا 34
سلام عليكم
برجاء الهدوء و ظبط النفس و تجنب الردود الخارجة عن اطار هذا الامر بعينة و ان شاء الله سيتم التوصل للكاذب من الصادق في اخر الامر باذن الله
و ليعلم في اول الامر ان الامر سيكون حسابة عسيراً و لن يمر مرور الكرام ابداً و قبل كل هذا هل نسى ان يوجد يوم حساب ؟! هل نسى ان الله مطلع علي سائر الاعمال !
--------
الاخر عمرو ما رايك في كلام الاخ TIMO1 ؟ فهو يؤكد كلام الاخ يوسف ؟
و لما قمت بتغير حديثك ؟ انت قلت الاول معرفش الكلام دة و لا حاجة ! و بعدها قلت انه اعطاك الكارت لتبيعة له اذن اليس من المنطقي ان يعطيك الفاتورة ؟! .. و لما قمت بتغير كلامك ؟!
هل انت مستعد للمواجهة مع العضو و مع شركة Compunil و مع الوكيل ؟!
ان كان ردك الرفض فللاسف سيصبح كلام الاخ يوسف صحيحاً و سيكون له كل الحق في اتخاذ اجراء قانوني او اي اجراء اخر يودة !
-------------------
الاخ صاحب الموضوع لي عتاب صغير لك
حضرتك توجهت لمقر الشركة و اخبرتهم ان الاخ عمرو اخوك و هذا للاسف لا يجوز فقد جعلتة متصدر للامر و للاسف ايضاً لن يمكنك بسبب هذا محاسبة شركة Compunil ان كان ثبتت صحة كلامك لانك من باديء الامر جعتلة المتصدر للامر امامهم !
[RIGHT][FONT=Comic Sans MS][SIZE=2]Playing Now:[/SIZE][/FONT]
[FONT=Comic Sans MS][SIZE=2][B]ساحة القتال الجزء الثالث
مذهب القاتل الماجور الثاني
[/B][/SIZE][/FONT]Watching Now :
[B]العلوم الهامشية الجزء الثاني
[/B]Downloading Now :
[B] Need For Speed Run -Reloaded
Fringe S03 [/B][/RIGHT][CENTER]--------------------------------------------------
[B][FONT=Tahoma][SIZE=2][B]I [/B]♥ Cooler Master
------------------
[/SIZE][/FONT][/B][IMG]https://i1092.photobucket.com/albums/i409/iPreVail1/hafahw.jpg[/IMG]
[/CENTER]
متابع للموضوع من اوله ,,
الموضوع سيظل مفتوح حتي يوم غد ,, لأتاحه الفرصه للأخ عمرو لتوضيح موقفه وبرهنه هذا السكوت ,, وللأجابه عن الأسئله التي سألها المشرف الفاضل بالأعلي ,,
حتي يوم غد اذا لم يتم ذلك ,, اذا واضح بشهاده اغلب الأعضاء ان الأخ عمرو مدان وفعلا نصب علي يوسف ,, ونتيجه لذلك سيتم ايقاف عضويه الاخ عمرو نهائيا ,,
وسيتم حظر ال IP الخاص به ,, وحتي لو استطاع عمل عضويه جديده ,, فمن اليوم انا وزملائي في اداره الأقسام التجاريه ,, سنتتبع ال IP وسيتم ايقافها فورا
أرجو من اي شخص من الاعضاء اللي اتعامل مع الاخ عمرو قبل كده ,, ويعرف عنوانه ,, يبلغ بيه هنا للأهميه القصوي
السلام عليكم
يا جماعه الواحد مش عارف يقول ايه فى مواضيع النصب دى بس للاسف ان الناس هنا
عندهم عطف زياده لصاحب الموضوع الى هو اتنصب عليه
لو عمرو فعلا رجع واخذ الكارت وراح و باعه زى لما يوسف قال ليه احنا صدقنا يوسف انه ماخذى الفلوس بتاعه الكارت من عمرو
عمرو للاسف موقفه ضعيف ويوسف شكله مش صغير وفاهم الصح من الغلط
والغلط هنا مش على عمرو الغلط على يوسف انت معاك كارت وفاتوره شراء باسمك ومعاك مشكله فى كارت انت الى طلبت ان عمرو
يروح معاك ولا عمرو الى عرض انه يروح معاك وايه .وصل مشكله الكارت لعمرو اصلا هو انت يا يوسف
انت يا يوسف سبب المشكله وحقق لو كان ليك حق من الاصل يبقى عند الشركه
الى اعتط الكارت لواحد ملوشه صفه بالكارت واستلموا كارت من غير ايصال استلام انت بتكلم فى 1300 جنيه
ومحدش عارف مين هينصب على مين
وربنا يظهر الحق وحسبى الله فى اى واحد ينصب على الناس او يشهر بيه
وانا شايف ضعف موقف الشركه وعمرو ويوسف
وياريت يتقفل الموضوع ومنصدقش حد فيهم خالص
خلاص كل واحد دخل قال اللى نفسه فيه . دورى بقى اتكلم عشان انا سبتكم 10 ساعات تتكلموا براحتكم
اولا انا ما هربتش من الموضوع كل القصه انى راجل كبير مش فاضى للنت و الكلام و التسليه و كان ورايا حاجات اعملها يعنى مش صايع
ثانيا شكرا لكل الناس اللى شتمتنى و هما مش عارفين الموضوع من اساسه و خصوصا الاخ الفاضى الصايع العاطل اللى اسمه timo1 اللى شكله عشان عاطل مش لاقى حاجه يعمله
ثالثا الاخ اللى اسمه هيثم . يعنى ايه انا عملت عليك حوارات ده انا اللى بشترى منك مش اللى ببيع ليك و كنت متردد عشان الباور بتاعك كان كولر ماستر 650 وات extrem power plus و فى المنتدى كانوا بيحذروا منه و انت اللى كنت مصربعنى على الشرا و ماكانش قدامى فرصه افكر قبل ما اجيلك . و ايه اللى يخليك مصدق الكلام ده عنى بسبب الموقف ده ولا هو اى كلام و خلاص
رابعا نتكلم بقى فى موضوع الساعه اللى شاغل الراى العام . بأختصار الاخ يوسف اشترى الكارت ده جديد و قالى بعديها انه بيسخن و حاسس ان حرارته عاليه عن الطبيعى فقولتله خلاص انت لسه خلال الاسبوعين و حقك لو الحاجه فيها مشكله تسترد فلوسك كمان مش تبدلها بس قالى ماشى بس تعالى معايا عشان انت تعرف تتكلم عنى روحت قابلته الساعه 6 فى كمبيونيل و الاخ اللى شغال فى المحل قابلنى على انى اخوه بس قالنا حاتسيبوه اسبوع و ابقوا تابعونى يا اما تروحوا بيه لمقر الشركه بس من الساعه 9 الى 5 . يوسف قال ماشى و مشينا على كده و بعد ما مشينا بعد المول لمسافه كبيره قالى بس انا كده حاقعد مده كبيره من غير جهاز فاتفقنا انى ارجع انا المول و اخد الكارت و اروحله بيه مقر اشركه و انا اللى احاول ارجع ال 1200 جنيه مقابل عمولتى 100 جنيه بس الفاتوره تكون معاه كضمان عشان لو فكرت اعمل حاجه يبقى هو معاه الفاتوره - مخه اللى هداه لكده و افتكر ان الفاتوره لما تكون معاه يبقى هو فى الامان .
روحت فعلا الشركه بس قولتلهم طبعا انى صاحب الكارت و انا من الاسماعيليه عشان يخلصولى الكارت فى يومها سوحونى قالولى روح الوكيل qds روحت الوكيل قالى الكارت طبيعى و مفهوش اى مشكله قعدت بتاع 4 ساعات و كمان كمبيونيل طلعوا شركه مش محترمه و مش بيعرفوا يتكلموا مع العملاء فا اتخانقت هناك و اخدت الكارت و مشيت
قبلها بيوم قولت ليوسف برضه ما نضمنش الشركه و ما دام الكارت مش عاجبك نعرضه للبيع فى المنتدى بس مش حاقدر اعرضه بأسمى الحقيقى عشان انت بتقول انه بيسخن و انا خايف ان اللى يشتريه منى يمسك فيا انا و يقولى بعد فتره عايز فلوسى و طبعا الفلوس حاتكون معاك و فعلا عملت موضوع بأسم amrpure50
https://arabhardware.net/forum/showthread.php?t=262174
و كان الاخ leonship اللى هو يوسف دخل عمل مشاركه بس المشرف مسحاله عشان مشاركه مخالفه كاتب فيها فيما معناه ( ياااااااه ده كرات عالى جدا و سعره جميل جدا ده انا لو كان معايا فلوس كنت اشتريته منك ) بس للاسف المشرف حذفها و كتب السبب مشاركه محالفه بس يا ريت المشرف يظهرها عشان الحقيقه تبان .
الغرض من كلامى السابق ان يوسف كان دخل الموضوع يسوقه و يغرى الناس ان الكارت لقطه عشان انا ببيعه لحسابه . بمعنى انه عارف ان ده موضوعى و ده كارته و ده تم بالاتفاق بينا بس ياريت الاخ المشرف يعيد مشاركته تانى عشان الناس تشوفها
و فعلا بعت الكارت بمبلغ 1000 جنيه و اديتله 900 جنيه و انا اخدت 100 جنيه و بعت ليه الكارت بدون فاتوره ؟ عشان فيه اخ اتفق معايا يجيلى من محافظه تانيه الساعه 2 العصر و يوسف بيرجع من المدرسه الساعه 6 مساء فكان صعب ان الراجل يستنى 4 ساعات على ما يوسف يجى و كمان كان ممكن يوسف لو عرفه يبيعله الكارت منه ليه و يضيع عليا تعبى فى مشوار كمبيونيل و الخناقه معاهم على الفاضى
خامسا حاتقولوا هو عمل كده ليه
1- يا اما الفلوس ضاعت او اتسرقت منه و مش عارف يقولهم ايه فى البيت
2-يا اما فى البيت عنده قالوله انت كان معاك 1200 جنيه بقوا 900 ازاى
3-و ده غالبا الاكيد انه كان واخد منى باور سبلاى و اشتغل بيه لمدة اسبوع و بعد الاسبوع الباور شكله باظ منه فبيكلمنى عشان ارجع له فلوسه و انا طبعا استحاله ارجعله فلوسه بعد اسبوع مش يمكن هو اللى بوظه . و ده الاكلام اللى انا قولته للاخ اللى انا اتصدمت فيه timo1 اللى بيقول انى بارجع فى كلامى و كل شويه بكلام بس كل الموضوع انه فاضى عشان عاطل وانا راجل شغال و مش فاضى زيه عشان اقعد اكتبله كل الحوار ده على الشات او لما بيكلمنى و انا فى الشغل اقعد ارغى معاه . فكنت بقوله سطح الموضوع مش تفاصيله عشان انا مش فاضى زيه و كان ورايا شغل
موقف بس صغير حصل بينى و بين يوسف . يوسف كان شارى من نظاره ازرق فى احمر ب 20 جنيه من 3 شهور و جكلمنى من اسبوعين بيقولى النظاره انا لسه مجربها و لاقيت فيها بقع و عايز ارجعها و الله العظيم قابلته و اديتله 10 جنيه عشان ما يزعلش مع انه مالهوش الحق انه يكلمنى بعد ما اشتراها ب 3 شهور
سادسا انا و الحمد له بايع اكتر من حاجه فى المنتدى ده و ارجعوا لكل مواضيعى و اسالوا الناس اللى اشتروا منى لو حد قال انى نصبت عيه يبقى اشتمونى براحتكم انا اه يمكن اكون متردد و وسواس بش مش حرامى ولا نصاب
اخر كلمه اقولها بعد ما حاسجل خروجى من المنتدى ده نهائيا . انا عمرى ما كنت بشترى حاجه و اخسف فيها الارض زى ما معظم الاعضاء بيعملوا و لما كنت ببيع حاجه كنت بحط السعر العادل بس برضه كنت ببيعها بسعر اقل و محدش اشتكى من . ده حتى الكارت EVGA gts450 لما وقع منى و اتفك كتبت فى الموضوع انى وقفت بيعه عشان وقع منى و حتى الاخ اللى اشتراه منى على عيبه و هو عارف انا اللى كلته بعديها بيوم قولتله ايه الاخبار الكارت عجبك ولا ارجعلك ال 400 جنيه ؟ يعنى انا نا قفلتش موبايلى واخدت ال 400 جنيه و خلعت منه و للتاكد ارجو سؤال اللاخ MOST_3D و هو راجل كبير و محترم و مش حايكدب اطلاقا
انا بس قفلت موبايلى و جبت خط جديد عشان يوسف قرفنى فى عيشتى و كل شويه يكلمنى و الاقى ارقام غريبه بتتصل بيا فكنت لازم اريح دماغى من ده كله
يا ريت اكون ريحت كل الاعضاء اللى دخلوا امبارح للتسليه و خصوصا اللى عاملين فيها شيوخ و اخوان مسلمين مع انى قابلت معظمهم و كلهم فعلا شمامين و عواطليه بمعنى الكلمه بس بيرسموا لنفسهم صوره فى المنتدى عشان الناس تثق فيهم بعد كده و لو عرضوا حاجه يبقوا ناس بتوع ربنا
اخر طلب من الاداره . انا رديت اطول رد ليا فى المنتدى فياريت الحوار ده يخلص و لو محدش صدقنى يبقى طظ فيه و فى اللى جابه و اعلى ما فى خيله يركبه و الاخ صاحب الموضوع حتى لو راح عمل محضر و النيابه جابتنى تحقق معايا ( مع انه مستحيل طبعا ) موقفى انا اللى سليم لانى اديتك الفلوس و البينه على من ادعى
ارجو غلق الموضوع و حذف عضويتى و حظر ال IP بتاعى لو مش مصدقنى بس بلاش تجريح و اسائه فيا اكتر من كده
يا كداب منزل بتاع 125 جنيه ايه يا حرامى . الباور جديد فى الفاتوره ب 470 جنيه انا اشتريته منك ب 420 جنيه و الله العظيم و انت اللى عملت عليا حوارات و قولتلى انجز معايا عشان فيه واحد حاجزه منى و طلع ده كله فشنك عشان تصربعنى ة ما تدينيش فرصه افكر و تلبسهولى . و كمان بعد ما انا مشيت و جاى اركب الباور ما لاقيتش الكابل الاصلى اللى جاى مع الباور و لما كلمتك قولتلى معلش اصلى نسيته و لما قولتلك اقابلك قولتلى اصل انا شغال فى 15 مايو و برجع الساعه 7 قولتلك خلاص اجيلك المعادى الصبح قولتلى اصلى بوصل مراتى المقطم يعنى عمال تقولى اماكن بعيده عشان حتته كابل يا معفن . و كمان طلعت تعرف تامر عشان كده لما كلمت تامر قالى ده باور هايل و لقطه مع ان المنتدى كاتب انه اسواء باور ممكن الواحد يشتريه اتاريكم كنتم متفقين عليا . ده انا لما قابلتك ما جرتش الباور مع اننا كنا جنب مول الكمبيوتر بس انت قولتلى هات الفلوس عشان انا مستعجل و رايح لحناتى اتغدى عندها و الحوارت بتاعة العيال \ى يبقى انا متررد و بتاع حوارات ازاى و اسيب للناس هى اللى تحكمالمشاركة الأصلية كتبت بواسطة haitham4ahly
و على استعداد تساعده ازاى يا عم المفتش كرومبو هو كله عمال يظهر انه عنده اخلاق ليه . هو انتوا داخلين الانتخابات اللى جايه
متهيالى كده بان ان فيه اعضاء هما اللى حراميه و نصابين و كدابين بس بيحبوا يدخلوا يشتموا فى الناس عشان التسليه بس
بس اكتر واحد مفقوع منه timo1 اللى كان معاه بروسيسور phenom 2 x 550 مفتوح 3 انويه و كاسر سرعته على الاخر و فاشخه اكتر من سنتين و كام شهر و راح باعه قدامى لوحد طيب من المرج ب 400 جنيه مع انه و الله ما يسوى اكتر من 300 جنيه و و الله العظيم كان ممكن اقول للراجل ده انه بيضحك عليه بس مرضيتش عشان انا دخلت بيته و يعتبر صاحبى ده غير انه بيضحك على العيال الصغيره و يبعلهم GOLD فى لعبة silkroad هو سارقها او هاككها بمبالغ كبيره يعنى بيستغل انهم عيال فى مدرسه و فى الاخر يقول ان انا اللى استغليت يوسف عشان هو صغير
نصيحه ليك يا عم تامر حسنى . شوفلك شغلانه تشتغلها عشان الفراغ اللى انت فيه ده و ابعد عنى عشان و الغالى عندك لو شوفت حاقسمك نصيين و انت اصلا عودك رفيع و طرى و مافيكش نافخه
اعتذر جداااااااااا على اسلوبى ده بس لو اى حد مكانى و الله كان يقول اكتر من كده
ايه يا عم الحاج الكلام الكبير ده . تكاتف ايه بس و على اى اساس صدقته و قولت انى فهلا سرقته
و عنوان بيت مين يا عيل منك ليه . قسما بالله لو حد قرب بس ناحية الشارع بتاعى ما حايخرج منه على رجليه .
انتوا بتتكلموا بس عشان الكلام ببلاش بس لو حد حاول بس يقرب من بيتى او من شغلى حاقطع رجله
الكلام هنا مش باعمله حساب عشان اى جبان مستخبى ور جهازه بس توصل لدرجة التشهير بيا فى شغلى او فة منطقتى ده اللى مش حاسكت عليه اطلاقا
و ده حقى
يااستاذ عمرو لو انت اللى معاك الحق يبقا خلاص تمام
لكن لو انت الغلطان اوعى تفتكر ان صاحب الموضوع لو عرف عنوانك هيخليك تمشى على رجليك سليم
لازم تراجع نفسك واعرف ان ربنا موجود
الكلام ده بوجهه ليك لو انت غلطان
الاخ المشرف كاربون . انا اللى قابلتك قدام ستديو كادو فى شبرا عشان اشترى منك باور سبلاى تجارى من كام شهر . و متهيألى انك شوفتنى و اكيد شكلى مش حرامى او نصاب
و متهيالى ان المنتدى مالوش اى علاقه بالموضع اصلا لانى ما اخدتش منه الكارت عن طريق المنتدى
و كمان يعنى ايه ( سيكون له كل الحق في اتخاذ اجراء قانوني ) يعنى حايعمل ايه بس . بلاش كلام افلام و كلام فى الهوا عشان حتى لو انا سرقت منه الكارت ما يقدرش يعملى اى حاجه لان لو كلامه صحيح يبقى هو المغفل و يتحمل نتيجة تصرفاته
يا ريت الاخوه المشرفين يكون كلامهم عقلانى عشان انتوا مشرفين مش اعضاء عاديين . امال سيبتوا ايه للاعضاء .
طيب هل انت تعرف الأخ تامر عشان تقول عليه صايع وضايع يا عديم الضمير؟ - أشك فى ذلك - الاخ تامر Timo1 من أفضل الشخصيات اللى قابلتها فـ حياتى ومش واحد (............) زيك انت اللى يتكلم عنه - وانا شايف ان دى مجرد عملية اسقاط ( بتسقط صفاتك المذمومة على الآخرين ) ارجو من السادة المشرفين والمراقبين على هذا الصرح ان يوقفوا هذه الاهانات الغاشمة على الاعضاء بغير وجه حق وأن يتم ردع أى محتال
عيب عليك والله ياعمرو انا اتفاجئت بالسلوب المتدني ده في الكلام وخلي بالك ده مش في صالحك .... كلمه حقولهالك لو انت عارف انك غلطان متكتبش ولا كلنه تاني وكفايه شتايم وتهديد لاعضاء النتدي واللي حتقسمه نصين ده عشان عوده رفيع ومفيهوش نفخه ده ملهوش مصلحه علي ما اعتقد في الكلام اللي بيقوله لو عندك حق مضيعهوش بالبذائه وطولة السان ...
لو انتوا مكانى و الله تعملوا اكتر من كده .
الموضوع بقى عامل زى جحا و حماره
لما فى الاول قولت اقفلوا الموضوع قولتولى يبقى انت الغلطان عشان انت قولت اقفلوا الموضوع
و لما رديت و فضلت ساكت 10 ساعات بحالهم لاقيت كل الاعضاء بيشتمونى مع انى مش موجود
و لما صحيت و بفتح الموضوع الصبح لاقيت كله عمال يشتمنى و مغلطنى فكان لازم اعصابى تفلت عشان انا مش لوح تلج
و يا جماعه ارجوكم اللى عايز يقول اى كلمه يقول مش حارد عليه بس بلاش غلط فيا من غير ماحد يعرفنى و لو كلامى زعلكوا حقكم عليا بس يا ريت لو حد شتم فيا ردوا انتم عليه
ليه يا جماعة كل ده, الجياة اسهل وابسط من كدة...
انا لصه صغير وماكملتش العشرينات و ياما اتنصب عليا واتذليت واتشتمت من اعضاء جداد أو برة المنتدى
واتعاملت مع ناس كتير جدا بس نصيحة مني للأعضاء محدش يتعامل مع أي حد بره المنتدى خااالص لأن بيحصل بلاوي من وراء ذلك وفي الأخر حقك مش هتقدر ترجعه
وكل ده علشان يسوؤوا سمعتنا مع أن هذا المنتدى أعظم منتدى تكنولوجيا في الشرق الأوسط وهذا من رأيي الشخصي
والله يا جماعة انا مش عارف مين اللي غلطان بس متهيألي يوسف هو اللي غلطان مع أن عمرو ألفاظه غير مناسبة بالمررة
ولكن اتفهم لأن النصب ده حاجة تقرف وبيولد مشاعر الكره والحقد مابين الناس, حتى لو كانوا صالحين بس بردوا اتحكم في الفاظك يا عمرو لأنه مش في صالحك خالص
ياريت يا جماعة تخلصوا الموضوع
Doesn't matter what Hardware u've got, but what Matters most is what skills u possess
Intel+AMD Radeon=FTW
:My Speedtest Result
https://www.speedtest.net/result/1424422659.png
ضوابط المشاركة
المفضلات