احم.. إبراهيم محروق و راجع تاني بعد شهور عاوز يعمل أي حاجة علشان يشفي غليله مننا, طيب يا إبراهيم, مش مشكلة, إحنا هنستحملك يا حبيبي
أولاً, أنا لما لقيتك وضعت رد مستفز للأخ نواف بدون شكره أو حتى الثناء على مجهوده أخذتني الحماسة و قررت إني أحذف ردك و خلاص, بس بصراحة حسيت إنك شخص مستفز و صبياني لدرجة كبيرة خلتني أقرر أعدل مشاركتك و أتخلى عن فكرة حذف الرد بالكامل, فدخلت بعدها و قلت لك الكلام ده:
لا أخطأت في حقك, و لا صدر مني أي تجاوز, و لا حاولت حتى أزعلك.
د أنا قلت لك إني "احتراماً" لسنك مش هأديك مخالفة, متهيأ لي كلمة "احتراماً" دي كفيلة بتوضيح مستوى تربيتي و أخلاقي. لكن على الجانب الآخر أنا مع بعض الناس مش بينفع أكون محترم لأنهم ببساطة ليسوا أهلاً للاحترام, ردودك الأخيرة بينت بما لا يدع مجالاً للشك إنك واحد من الناس دول يا إبراهيم. زمان إنت كتبت في مشاركاتك كلام غريب و وصفقتي ذات مرة بأني "فرقع لوز" و ما كنتش بحب أعلقك. يمكن علشان إنت أكبر مني في السن, رغم إن مكانتي الإدارية في المنتدى تسمح لي أديلك مخالفة حتى و إنت مشرف, رغم إن كلامك كان مستفز للغاية إلا أنني لم أحاول حتى عتابك عليه أيامها لو تفتكر.
اتكلمت معاك في أول رد باحترام و لم أتعرض لك... اتفقنا؟
تعالى نشوف تاني رد ليك كان عامل إزاي:
كلمتين هنا خلوني أعرف كم أنت صبياني و طفل صغير للمرة الثانية يا سيد إبراهيم.
"فضيلة المشرف"... زمان لما كان محمد كمال مشرف عام كنت بحب أقول له يا فضيلة المشرف العام كنوع من الهزار و التهريج معاه, ساعات كنا بنبقى قاعدين في الشغل نهزر و نضحك و أدخل أكتب له الكلمة دي على العام كنوع من المزاح, رغم إني في الحقيقة بنادي عليه باسمه "محمد" رغم فرق السن بيني و بينه, و طبعاً فرق التدرج الوظيفي في المنتدى و الشغل. طبعاً الكلمة دي حرقتك إنت و بعض الناس, و خلتكم في حالة أرق مستمرة, و مش عارف ليه بصراحة!
"السبوبة"... يبدو إن مع تقدم السن المستوى العقلي بينخفض عند بعض الناس -على غير العادة- فما زلنا نؤكد مرارً و تكراراً أننا نعمل عمل نظامي براتب شهري, و إنت مصمم إنك تقول عليه سبوبة. سبوبة دي كلمة تقدر تقولها في مواقف تانية زي ما قلت لك في مشاركتي السابقة, و بحس ساعات إنها كلمة ما ينفعش تتقال غير على مواقف السيارات النقل! و طبعاً دي إشارة تانية على مستواك اللي مش لاقي وصف أوصفه بيه, هأسيب مشاركاتك تتكلم, و مش هأتكلم أنا.
تعالى بقى نشوف ردي على ردك المستفز جداً, يا أبو "سبوبة"
هأعلق على شوية نقاط:
1. "الصمت أو التسريب": بتحليلي لبعض مشاركاتك السابقة قدرت أستشف حاجة واحدة بس, إن إنت كاتم جوة نفسك أوي و بتلتزم
الصمت و لكن أحيانا لا مش بتقدر تصمت بالقدر الكافي فبتقوم بعملية "تسريب" للشحنات اللي جوة قلبك, و ده أمرة انا شفته منك أكتر من مرة فأصبح أمر طبيعي. سرب براحتك يا إبراهيم, سرب في حضن أخوك يا حبيبي, ما حدش هيقول لك لأ, سرب سرب سرب :D
طبعاً إنت فهمت معنى التسريب بشكل تاني خالص, ربما لأن نواياك دايماً ماشية في الإتجاه السلبي, معظم البشر كدة, و فيه علاج للموضوع ده, فيه أطباء نفسيين كويسين في سيدي بشر, لو عاوز هأسأل لك و أرشح لك واحد!
2. ناديتك بلقب "سيد/ إبراهيم"... علشان تعرف إني أنا محترم بس
3. السطر الأخير لا يحمل لك أي إهانة.
تعالى بينا نشوف ردك اللي بعده:
1. معاك حق, شر البلية ما يٌضحك!
2. لأ, مش مكشوف عني الحجاب و لا حاجة, بس دي حاجة اسمها الفراسة و الفطنة, عقبال عندك كدة!
3. فعلاً, مفيش وقت عندي أرد, لأني جندي في القوات المسلحة, و إجازاتي بقضيها في شغلي اللي بخدم بيه كلاً من (أ) نفسي, عن طريق حاجتين, الأولى بتوفير المال اللازم لتوفير احتياجاتي الأساسية, و ثانياً إني بحاول أكون شخص ذو كيان و شخص مفيد في المجتمع أحسن ما أقعد عاطل. (ب) أهلي و أسرتي, بتوفير بعض المال ليهم, و لو حتى ما وفرتش, على الأقل أزحت عنهم عبء الإنفاق عليا. (ج) ديني و وطني, عن طريق توعية الناس بالتقنيات و تقديم مراجعات دسمة يقدروا يستفيدوا بيها. كل ده بخلاف إنك لا تستحق تضييع وقتي عليك, بصراحة يعني!
4. كل حاجة في الدنيا لها جانب أسود, المهم إن الجانب المشرق يطغى على الأسود و يغطيه! مين قال لك إننا استغلينا نشاط الأعضاء, استغليناه إزاي يعني, أنا عمري ما كلمت شركة و قلت لها إننا عندنا أعضاء بتعمل مراجعات مثلاً. الأعضاء على رأسنا من فوق, بس أنا لما بتكلم بقول إننا عندنا موقع و معمل مراجعات, المنتدى يأتي أخيراً يا حبيبي.
5. "مراجعات في الأونطة" ؟؟ و الله لولا إني ماسك لساني و محترم نفسي و محترم السادة الأعضاء كنت رديت عليك بكلام سيء جداً و هيجرحك, بس أنا هأكتفي بالصمت و هيكفيني جولة في مراجعاتنا أقرأ الردود عليها من قبل الأعضاء المحترمين و أشوف مراجعاتنا "أونطة" و لا احترافية. و بعدين إيه "أونطة" دي, إنت متربي فين يا ابني؟
6. راتبي الشهري بيوصلني كل شهر يوم 28 من غير ما أبيع و لا أشتر], و على فكرة إحنا بنبيع الحاجات للناس بسعر منخفض جداً جداً و معظم الحاجات اللي بعناها كانت لغرباء لا نعرفهم, يعني مش بنشتريهم بالعينات. معلومة أخيرة ليك, إحنا مش بنبيع غير الحاجات اللي مش بنحتاجها لأن أي واحد عنده عقل هيعمل كدة, كروت الشاشة لا تُباع, المشتتات لا تُباع, لكن بعض الحاجات التانية زي اللوحات الأم لا تلزمني في شيء بعد انتهاء المراجعة, و قريباً هنوزع الحاجات دي مجاناً في مسابقات و سحوبات شهرية.
7. و الله عمري ما شفت أي تجسس على رسائل الأعضاء, لو عندك دليل على إن فيه تجسس على الرسايل هاته و أنا أسيب المنتدى!
8. علشان ترعف بس إنك مش فاهم أي حاجة في أي حاجة, و بتتكلم زي الببغاء البحلقي, هاي إند رجعت بدون فلوس! و كمان رحبت بيها لإنهم فعلاً حبايبي و لسة مكلمهم النهاردة, حاجة كمان بقى, صاحب التوكيل إياه ده هو اللي اتوسط في الموضوع و كلمني أكتر من مية مرة علشان نرجع الشركة و لعلمك كمان, فيه ناس كتير اتوسطوا لشركات تانية, بس إحنا رجعنا هاي إند علشان محترمين و ما غلطوش في حد, و لسانهم نضيف. لو كنا أخدنا فلوس منهم واجهني بالدليل و أنا أقسم بالله أعمل أي حاجة تقولها, لكن إنت ما عندكش دليل لأنك شخص كــــــــــــذاب! عارف كلامك ده فيه من بعض صفات الكذاب الأشِر!
9. كلامك مش مرسل؟ ... طيب!
1. أحط لساني جوة بقي؟... أنا لساني دايماً جوة بقي, هأوديه فين يعني؟!
2. أتعلم احترم اللي أكبر مني؟ بالله عليك إنت حاسس إنك تستاهل أي احترام, و عموماً شكراً.
3. أسلوبي أنا في الحوار وضيع؟ عندكم مرايات في بيتكم؟
4. مش هتسمح إزاي يعني؟ زي ما قلت لك إنت ما تشغلنيش في حاجة, تسمح ما تسمحش, تلبس قميص برتقالي على بنطلون زيتي, ما يهمنيش!
5. أنا مش قليل الأدلب الحمد لله, و عمري ما برهب حد بقلة الأدب, و حتى لو أنا كدة فالمفروض إنت كبير في السن يعني كما تدعي و تكون عارف إني ما اتكلمتش معاك بقلة أدب من الأول.
6. أتعامل معاك إنت؟ ليه هأتعامل معاك؟ أنا أعرفك منين يا حبيبي؟
طبعا الثلاثة اسطر الأخيرة كان ممكن أعلق عليها بشكل أعنف من كدة, بس خليني محترم للنهاية علشان خاطر الأعضاء الكرام و المكان المحترم.
و حتى في ردك على أحمد ما قدرتش تداري غلك و حقدك:
أنا بعــبع؟ الله يسامحك, د أنا حتى مرة واحدة قالت لي إني أنا وسيم :D, جاي تقول لي دلوقت إني أنا بعبع... الله يخليك.
معلش بقى هأسيبك سويعات أكمل أنا و الشباب تحرير مراجعة أول منصة X79 و راجع لك تاني.
يلا باي :D
المشاركة الأصلية كتبت بواسطة DaRk L0rD
بصراحه الكلام الباقي ده مليش اني اتكلم فيه وانتو احرار مع بعض انا كل الي يهمني حاجتين بالظبط ؟
المفضلات