السلام عليكم ورحمة الله وبركاته
انا عايز اعرف ازاى اقدر اختبر اللاب توب الجديد لاكتشاف اذا كان فيه عيوب او لا عشان اقدر استبدله خلال ال 14 يوم فى حالة وجود اى عيوب صناعة .
من خلال تصفحى لهذا المنتدى الطيب عرفت انى
- لازم اشغل العاب عليه لمدة كبيرة واشوف درجة حرارة البروسيسور واشوف هل هيهنج اثناء اللعب ولا لأ
وهنا سؤال يطرح نفسه , ما هى درجة البروسيسور الطبيعية فى حالة الخمول وفى حالة الضغط عليه ؟
وسؤال ايضا يطرح نفسه بالعافية بالرغم من انى مكنتش عايز اساله عشان متعبكوش معاياالا وهو افضل العب كم ساعة ؟
- كما يجب تجربة الواى فاى وباقى امكانيات الجهاز .
هل توجد طرق اخرى لاختبار اللاب توب ؟
فى حاجة تانيه انا لقيت البطارية بتاعت الجهاز متعلم عليها بالقلم الجاف الازرق شرطة بسيطة كده هل كده الجهاز ده كانوا مشغلينوا ولا ايه النظام لان المفروض اللاب بيكون مقفول فى الكرتونة من عند الوكيل ومش بيتفتح غير انى لقيت ان الكرتونة شكلها كانت مفتوحة فعلا قبل كده ؟
لا تبخلوا عليا باى معلومة وجزاكم الله خيرا .
المفضلات