انا اشتريت جهاز توشيبا c660-24f
اشتريت الجهاز من مول في الهرم .. المهم .. الجهاز كان 3 جيجا رام وانا بدلت الرامة 1 جيجا بـ 2 جيجا وبقى 4 جيجا .. والجهاز icore3
الاستفسار ..
المفروض الجهاز بينزل من غير وندوز لكن لما فتحت الجهاز لقيت عليه وندوز 7 لكن من غير اي تعريفات عليه .. فهل كده ممكن الجهاز يكون ملعوب فيه مثلاً او مش اصلي او كان فيه مشكلة وحصله ارتجاع مثلا .. لاني لقيت العلبة مفتوحة لانه كان آخر واحد .. وكان محطوط في العرض .. لكن الجهاز مفيهوش اي مشكلة بصراحة وجديد جدا جدا .. لكن انا حيبت اطمن من ناحية النقطة ده ...
المشكلة ...
حرارة المعالج في وقت الخمول من 38-42 لكن بلاقي المروحة اللي في ظهر الجهاز كل شوية تشتغل شوية وتفصل .. وهكذا .. حتى وانا بتصفح النت او بقلب في الجهاز عادي .. فهل ده طبيعي ...وهل فيه حل لموضوع المروحة لانها مضيقاني انها كل شوية تشتغل شوية وتفصل .. هي صوتها مش عالي ومش بيبان طول اليوم لكن بحس بيه لما تكون الدنيا هادية بالليل ومفيش صوت ..
هل فيه طريقة اني اخلي المروحة ماتشتغلش الا لما الجهاز يسخن او يوصل لدرجة حرارة معينة .. يعني ماتشتغل وانا بتصفح عادي لان حرارة الجهاز بتبقى كويسة
واسف على الاطالة ..
المفضلات