سلام عليكم وكل عام وانتم بخير
كونت عايز اشترى سماعات امكانياتى فى حدود 4000 جنيه
ودى اخر اشياء توصلت اليها
سماعه كمبيوتر اسمها edifier s550 وسعرها 2850 جنيه وده الموقع بتعها للتفاصيل https://www.edifier-international.co...ultimedia/s550
ودى صورة لشكل السماعات
بالنسبه للوجيستك z5500 كثرت مشاكلها من احتراق الخ الخ وانا مش مهم عندى التوصيلات الديجيتال اهم شئ عندى النقاء فى الصوت فانا لا احبذها على الاطلاق مهما كثر الجدل فيها بعد قراتى لمقارنات عديده بينها وما بين edifier s550
ـــــــــــــــــــــــــ ـــــــــــــــــــــــــ ـــــــــــــــ
هوم ثياتر النوع LG ARX-8000 السعر 3900 جنيه ده الموقع بتعها للتفاصيل https://www.lg.com/za/tv-audio-video...LG-ARX8000.jsp
ودى صورة لشكل السماعات
بره بيشكرو فيها علشان البيز فيها عالى ونقى قدرته كامله 800 وات رامس بس انا كلمتهم الناهرده علشان كونت عايز اسئل هل بوكس السماعات مصنوع من الخشب ام مادة البلاستيك للاسف هما مش عارفين وميقدروش يفتحوه علشان غالى لو مصنوع من الخشب هجيبه بلا تردد
ـــــــــــــــــــــــــ ـــــــــــــــــــــــــ ـــــــــــــــ
ده اخر شئ توصلت ليه للحاجات الجاهزة
اهم شئ عندى الصوت النقى جدا , ميهمنيش الصوت العالى وخلاص, انا عايز اسمع لو صوت هادى يبقى نقى لو صوت متوسط يبقى نقى لو صوت عالى يبقى نقى. عايز اسمع بيز يبقى بيز, عايز اسمع تريبل يبقى تريبل, عايز اسمع ميدرنج يبقى ميدرنج, يعنى ترددات الصوت ال Frequency للبيز تبقى نقيه وكذلك فى التريبل والميدرنج
وفى ناس بتجمع اجهزة بتاعه ساوند سيارات وانا قريت موضوع لواحد هنا انه بيجمع ساوند سيستم بتاع سيارات فكرته غريبه بس شكله فاهم وواثق من نفسه خصوصا لما شرح صنع صندوق السماعه بطريقه الاستماع وليس بطريقه الحسابات :ah7:
انا محتار اوى يا جماعه:confused::confused::confused:
المشكله انك تلاقى كلام متناقد ناس تقول هات سماعات كمبيوتر احترفى احسن فى موديل معين و ناس تقولك لا فى موديل من شركة انكيو احسن منه علشان فى جميع التوصيلات وماركة علشان كده غالى وانا مش محتاج التوصيلات فى حاجه اصلا ويجيلك واحد تالت يغير الكلام كله ويقولك سونى موديل كذا ده خده وانت مغمض, وهكذا , والنتيحه انك تحتار منتش عارف انهو احسن من انهو ومش معنى ان حاجه اغلى من حاجه تبقى افضل , لا طبعا علشان فى شركات اسم وماركه لكن جوده لا, بشترى اسم بس, المهم الجوده يا شباب, يا ريت بس الى بيقول شئ يبقى مجرب وعارف انهو الافضل و مش كلام مسموع وخلاص
انا عايز اسمع صوت نقى ومش مهم عندى توصيلات اوبتيكال او كوكسيكال والكلام ده وهشغلهم على جهاز ام بى ثرى او تليفزيون او كمبيوتر ايه كبل استريو اوصله واسمع علطول شامل يعنى
يا ريت تشاركونى حتى ولو بفكرة بسيطه علشان كلنا نستفاد والفكر يعم على الكل, علشان انا محتار اشترى جاهز ولا اعمل ساوند متجمع على ايدى
معلش طولت عليكم اوى بس انتم عارفين الجنيه فى الوقت الحالى يوجع اوى لو واحد اشترى شئ ومكش زى مكان متوقع:ah8::ah8::ah8::ah8:.
كل سنة وانتم طيبين, وسنة سعيده لكل اعضاء المنتدى.
المفضلات