انا هلتزم بالقواعد وهكون مؤدب :p
- أقصى ميزانية محددة: تقريب 1500 وممكن تزيد ل 2000 بس افضل انها متزيدش يعنى ياريت النصائح تكون المكونات الافضل بالسعر الاقل
- استخدامك للجهاز: استخدام عادى , لكن تحديثى لهدف تشغيل الالعاب العالية زى gta iv وغيرها يعنى ياريت يكون تقوليلى ع كارت شاشة محترم لكل الجيمز الجديد وبسعر كويس
- حجم الشاشة و الدقة (Resolution) التي تستخدمها: عندى شاشة عادية اتش بى فلات 17 بوصة والرزليوشن اللى شغال عليه 1152*864 عايز برضو اعرف اذا كانت الشاشة دى هتناسب انى اشغل لعب جرافيك عالى ولا هيكون فيها مشكلة
- القطع التي تنوي شراءها: بروسيسور + بورده + رامات + كارت شاشة مناسب للجرافك العالى + انا عندى باور سبلاى قديم بس اظن مش هيكون مناسب ياريت نضيف علي المكونات بوكس بالباور بتاعها يناسب كارت الشاشة
- القطع التي ستعيد استخدامها من الجهاز القديم: الشاشة - الهارد وعندى ديفيدى داتا مش عارف البوردات الجديدة يبيقى فيها داتا ولا هضطر اجيب واحد جديد
- ميعاد شراء الجهاز: خلال الاسبوع القادم
- مكان الشراء: انا من الجيزة واعرف مول البستان بس لو حد يعرف مكان الاسعار فيه انسب ياريت تقولولى
- محل سكنك: الهرم - جيزة
إضافة : انا شفت ع اليوتيوب فيديوهات لجيمز عالية شغالة كويس ع الكارت ati 6770 ممكن اعرف بعض المعلومات عنه وياريت اعرف سعره وتكون التجميعة تشمل الكارت ده او حاجه ف نفس قوته او حتى اعلى بس تناسب الميزانية , يعنى عايز الاداء الافضل فى مقابل السعر الارخص بدون ما تكون التجميعة سيئة يعنى لو ارخص وسىء بلاش منه
المفضلات