استفسارات نفسيه :D !! عن ال mcitp
رد مع اقتباسالسلام عليكم ورحمه الله انا بضم صوتي لصوتك ويارب اخوانا من اهل الخبره لاني والله كنت لسه هعمل موضوع اتكلم فيه عن نفس الفكره
وسبحان الله اللي لسه هيدرس بيقول نفس كلام اللي درس
انا الحمد لله بفضل الله خلصت mcitp في اول السنه
وكانت طريقتي كالتالي اذاكر من كتاب ميكروسوفت والخص منه في نوتس بره على برنامج وان نوتس بتاع ميكروسوفت اللي بيجي مع الاوفيس
ولما الاقي نفسي مش فاهم حاجه اروح على cbt وساعات من على technet
كان عندي دايما مشكله اني اشتريت الفاوتشر وعايز الحق اخلص قبل اخر السنه
فيا دوب الحق اخلص نصف الكتاب او اكتر بالطريقه اللي قولتلك عليها والاقي نفسي ضيعت وقت كتير قوي (لانها بطيئه جدا) بس بتخلي تحصيل المعلومات عندك 100%
واقوم طالع انترنت وانزل الامتحان واذاكره كويس واخش اجيب 960 -970 -920
بصراحه الامتحانات ممكن تتذاكر فقط من الباسفور شور
ولكن اسالني عن تحصيلي اقولك فقط ال50% اللي ذاكرتهم بالطريق الجامده دي ولكن مشكلتها في تضييع الوقت ) ويندوز 7 680 خارج القصه دي لان المذاكره سهله والامتحان سهل ولكن الباقي هو الصعب شويه
طيب نخش على الجزء التاني وهو الحاجات المكمله- servercore- iis- sharepoint-isa -exchange- ccna
وهما كمان في الامتحان عبال مالواحد وصل 647 لقيتهم بيسالو اساله ناس عندها خبره سنين ويدخلك اسئله من sharepointو exchange وانا لسه اصلا معرفش عنهم حاجه
بصراحه من كتر سماعي هنا في المنتدى على سيسكو حبيتها ونفسي اخلص ccie ,ccnp
ولكن الواحد دايما مكنش عنده هدف ودلوقتي الحمد لله الهدف موجود وهدف كويس جدا ومستقبل كويس ان شاء الله انك تخلي هدفك انك تتعلم العلم ده وتعلمه للناس وتخدم امتك بيه
ولكن الواحد مع الايام بيبقى نفسه يشتغل وبقاله كتيير بيدرس وعايز يخشله دخل بقه عشان يعرف يكمل
وهيقول طب اشتغل
يلاقي الرد عايزين خبره وعايزين شويه certifictes كتيير قوي عشان نرضى نشغلك
طب يجماعه سلف ستدي
والواحد فعلا اكتشف ان في ناس كتيير قوي زيه بتفضل السلف ستدي عشان بيديك معلومات كتير
معلش انا اسف طولت عليكم
لس عايزينكو تنصحونا ازاي نعرف نخش في الحاجات الكتير المكمله وازاي نخلصها وهل اصلا في بيئه العمل الفعليه الحاجات دي مطلوبه بالتفصيل اللي في الكتب دي
يعني كتب 700 و800 و1000 صفحه الموضوع بيبقى واسع قوي بصراحه وانا
اسف طولت عليكو
والسلام عليكم ورحمه الله
المفضلات