السلام عليكم و رحمه الله و بركاته
الموضوع ببساطه ان انا ما ينفعش اوصل دى اس ال عشان مفيش تليفون ارضى
و حاليا مشترك مع واحد عامل شبكه وايرلس لكن بعيده و مشاكلها كتيره و النت معظم الوقت زفت
و البنج بقى حدث ولا حرج معظم الوقت ما بيقلش عن 1000
و انا بحتاج البنج يبقى قليل اوقات كتير و ما بعرفش اعمل اى حاجه بالبنج العالى دة بيشلّنى
فعايز اعرف لو جبت يو اس بى مودم البنج عليه هيبقى ظروفه ايه ؟
اللى معندوش فكره عن البنج او ازاى يشوفه يكمل قراءه .. و اللى عنده فكره ينزل للكلام المكتوب بالاحمر فى آخر الموضوع
البنج ببساطه هو سرعه الاستجابه بين جهازك و الانترنت دة بيفرق كتير عن سرعه الخط ذات نفسه
البنج لو عالى و انت بتعمل مكالمه ع النت مثلا كلامك هيوصل متأخر و اللام هيوصلك متأخر
و لو لعبه اونلاين زى كونكر او كونتر سترايك هيبقى فى تأخير جامد بينك و بين باقى الناس التانيه
و التصفح عاما بيبقى ابطأ كل ما البنج يعلى
عشان تشوف البنج هتكتب ping 173.194.35.110 -t
الايبى دة بتاع جوجل و ممكن تكتب بداله google.com و لكن عشان جوجل ليه كزا ايبى و البنج بيختلف مع اختلاف المسافه بينك و بين البلد اللى فيها الموقع
فالايبى لازم يبقى ثابت عشان نعرف نقارن بدقه
و لو فى مشكله معاك فى الايبى اعمل بداله google.com عادى هى مش هتفرق كتير غالبا
لو شغال على اكس بى من قايمه ستارت هتفتح Run و تاخد كوبى و بيست ping 173.194.35.110 -t و انتر
لو على 7 او 8 هتفتح ستارت و كوبى و بيست فى المستطيل الصغير تحت و انتر
هتظهر وندو سودا زى بتاعت الدوس و فيها سطور بتتكتب اللى يهمنا فى كل سطر هو time=00ms
الرقم اللى بدل 00 هو دة البنج
انا كاتب الخطوات بالتفصيل عشان لو فى حد معندوش فكره لكن لو عندك فكره يبقى بعتذر عن كل الرغى دة
فـ رجاء من اى واحد شغال بفلاشه نت سواء موبينيل او فودافون او اتصالات
يقولى البنج المتوسط بتاعه كام ؟ و ثابت طول اليوم ولا بيبقى كويس الصبح بس و بيعلى بليل مثلا؟ و الفلاشه تبع انهو شركه من التلاته
و لو بيلعب اى لعبه اونلاين يقولى ايه الوضع
و شكراااا ..
ضوابط المشاركة
المفضلات