اختراق ال HTC للشبكات الواير لس .. كل مختصين ومحترفين الشبكات اجمع هنا وشوفوا المصيبه

[hoba_hawas]

طيب ما ممكن أي حد من اللي عندك يحط سويتش و يدي لجاره ولا أي واحد و أنت ولا هنا يا أستاذ

و مش بعيد كمان يحط أكسس ولا أي راوتر قديم عنده يعمله أكسس و يعيش بقى و يدي كذا واحد , مهو هيخترق المايكروتيك برده مش قصه يعني

لو كان المايكروتيك أختراقه بكل السهوله دي يبقى خلاص بقى الشبكات اتضربت !!!

وبعدين أنا جربت طريقة اليوتيوب بتاعة إني أجيب الماك و أغير ماك الجهاز و الكلام ده بس معرفتش أخترق شبكتي ههههههههههههههه

وبعدين ده HTC يا جماعه مش كمبيوتر كمان أمال لو كمبيوتر ايه اللي هيحصل !!!!!!!!!!

[midomix4]

اولا موضوع تغير الماك ادريس والايبى العبيط ده انتهى عصره من زمان , دانا كنت بعمله من 7 سنين , شركه ميكروتك انتبهت من زمان للموضوع ده والنسخ الجديده بتجيب لك كل الماكات ماك واحد ووهمى كمان , يعنى ورينى شطرتك بقى ! وانا حاولت كتير لكن مفيش حل لاختراق اخر نسخ الميكروتك
الاخ هوبا , الموضوع مش موضوع HTC كشركه لا , الموضوع هيمشى مع اى موبايل شغال باندرويد , بس لازم اوجه انتباهك لحاجه , انا معاك ان البرنامج بتاع الاندرويد هيبقى كانه ربيتر تمام او اكسيس بوينت بتوزع للى عاوزه وممكن يعمل منها شبكه تانيه باكسيس تانيه ولكن لابد له انه ياخد يوزرنيم وباسورد واحده بس منك , وهو لما دخل دخل باليوزرنيم والباسورد اللى هو شابك بهم منك غير كده مش هينفع

[midomix4]

انا معايا سامسونج اندرويد والاوبشن ده من زمان فيه وبشتغل به على طول , اللى هو لو انا حاطط شريحه الانترنت فى الموبايل اقدر اعمل لها شيرنج مع اى لابتوب او موبايل قريب منى ونشتغل كلنا مع بعض , دى خاصيه فى الاندرويد اسمها Tethering , دى فى اى فون اندرويد , لكن البرنامج ده بيستخدم طريقه مختلفه فى الشيرنج بانه بيعتمد على ماك واحد وايبى واحد ويعمل منه Nat ويعيش كل اللى ورا ال Nat معاه ويخدوا نت ولا من شاف ولا من درى

[abo kotada]

أخي اسمحلي بحكم خبرتي المتواضعة في اختراق شبكات الوايرليس أحم أحم أحم - ربنا يغفرلنا -
عاوز أسألك بعض الأسئلة :
بالنسبة لشبكة الوايرليس اللي بثتها ايه كان التشفير بتعها ؟ WEP أم WPA أم WPA2
اذا كان تشفيرها WEP فربنا يهديك هو في حد بيستخدمو دلوقتي دا النوع من التشفير فكه ما بيخدش ربع ساعة خصوصا اذا كان المخترق قريب عليك
حاول تغير التشفير الى WPA أو WPA2 و هذان أقوى شيء و اختراقهم صعب يحتاج الى وقت و جهد و تحليل و تشغيل الكمبيوتر لمدة أسبوع كامل بشكل متواصل
و مع ذلك نجحت في فك تشفير من هذا النوع و لكن لم أستطع الولوج الى الشبكة لسبب لم أعلمه و لكن رح بقلك شو قالولي زملائي من الهاكر الأشرار :cool: هههههه
قالولي انو عامل فلتر للماك أدريس و مع ذلك في طريقة لإختراقها بس خلاص أنا زهقت و الإختراق موت الجهاز بتاعي و عطبو فمكملتش
المهم اللي عاوز أقوله حاول تعمل فلتر للماك أدرس
و حسن من دا كلو اعمل شبكتك ( الوايرليس ) مخفية أحسن حاجه و اللي حابب يتصل بيها لازم يكون بيعرف اسمها و ريح دماغك
و السلام

[midomix4]

اخى ابو قتاده هذا النوع من الشبكات لا يتم تشفيره فهو مفتوح والولوج الى الانترنت يعتمد على سيرفر داخل ولابد من ادخالك يوزرنيم وباسورد , شكرا

[hoba_hawas]

اولا موضوع تغير الماك ادريس والايبى العبيط ده انتهى عصره من زمان , دانا كنت بعمله من 7 سنين , شركه ميكروتك انتبهت من زمان للموضوع ده والنسخ الجديده بتجيب لك كل الماكات ماك واحد ووهمى كمان , يعنى ورينى شطرتك بقى ! وانا حاولت كتير لكن مفيش حل لاختراق اخر نسخ الميكروتك
الاخ هوبا , الموضوع مش موضوع HTC كشركه لا , الموضوع هيمشى مع اى موبايل شغال باندرويد , بس لازم اوجه انتباهك لحاجه , انا معاك ان البرنامج بتاع الاندرويد هيبقى كانه ربيتر تمام او اكسيس بوينت بتوزع للى عاوزه وممكن يعمل منها شبكه تانيه باكسيس تانيه ولكن لابد له انه ياخد يوزرنيم وباسورد واحده بس منك , وهو لما دخل دخل باليوزرنيم والباسورد اللى هو شابك بهم منك غير كده مش هينفع

طب طمنتني , طب أنا دلوقتي نسختي 3.30 دي كده كويسه ولا برده بتخترق ؟! أنا بحثت على طريقة إختراق المايكروتيك علشان طبعا لازم الواحد يحط نفسه في دور المخترق علشان يحمي نفسه ههههههه لكن ملقتش غير تغيير الماك دي و جربتها منفتش مش عارف بقى فيه طرق تانيه ولا الحمد لله ماسك نفسه .

أنت كده حببتني في الاندرويد ههههههههههه , بس حاجه غريبه يعني , الاندوريد ما هو إلا نظام ازاي يعمل حاجه زي كده في أي موبايل يعني مينفعش أنزل سيستم أكسس بويت على راوتر مثلا و تقولي استقبل بيه نت !!! يعني لازم يكون هو أصلا مجهز لكده علشان يقدر يبث الإشاره لإن الموبايل إستقبال فقط علشان يرسل لازم يكون هو كده في الأساس , مش السيستم هو اللي متحكم في ده لأ السيستم ممكن يكون الواجه فقط اللي بتتيح ليا الوصول لعمل الخطوه دي , ده فيه موبايل سامسونج نازل ب 850 جنيه و شغال باندرويد معقوله برده ممكن يعمل كده !!!

طيب لما أنت بتقول هو دخل باليوزر نيم و الباسورد بتوعي من ال HTC ازاي بقى ال HTC :ان واخد آيبهات مش في رينج السيرفر أصلا !!!!

و بعدين ازاي عمل كده و أنا مخصص إن لكل يوزر جهاز واحد بس حتى أنا جربت على جهاز تاني أدخل باليوزر بتاعي و أنا شغال بيه مرضيش يدخل و قالي إنه مينفعش !!!!!!!! طب إزاي بقى هو دخل بأكتر من جهاز في نفس الوقت !!!!!

[hoba_hawas]

بالنسبه للأخ abo kotada

زي ما قالك الأخ ميدو بالظبط

أنا لازم أسيبه مفتوح علشان الناس تشوف الشبكه بتاعتي و تدخل تشوف صفحة الهوت سبوت اللي فيها أرقام الموبايل و أسعار الاشتراك و الكلام ده كله و عن طريقها الناس بتتواصل معايا و طبعا بيكنوا الناس القريبين مني اللي شغالين باللاب توب

أنا بالفعل عملت فلتر لل HTC علشان الواد ده ميدخلش و الله أعلم بقى إيه النظام عنده دلوقتي بيجيبله ايه بس أنا مبشوفش ال HTC داخل تاني خلاص

وكمان كنت قريت إن لو حد جاب راوتر اسمه wllan تقريبا يعني بيستقبل بالواير لس و ليه 4 مخارج فيه منه ال tp-link ب 150 جنيه فسمعت إن لو حد استقبل بيه ممكن يوزع منه بالسلك لإن الماك بيتحدد للراوتر نمفسه مش بتاع العميل فهل الكلام ده صح و ايه !!!

[midomix4]

ياصديقى العزير اندرويد نظام قوى ومحترم وشغال بنواه لينكس اللى بتعد اقوى الانظمه فى الاختراق والثبات , وهو نظام مفتوح "اللينكس
يعنى شفرته والاكواد بتاعته مفتوحه للجميع , معناه اى مطور"Developer" يقدر يكتب ويخترع اى برنامج لاندرويد ويبدع فيه حتى لو كانت برامج للهاكينج , وانا اتوقع ان برامج الهاكينج للندرويد هتغزو السوق قريب لانه زى ماقلت لك نظام مفتوح .
ولشرح نقطه ازاى هو دخل باكتر من جاهز فى نفس الوقت لازم تتجه الى علم الشبكات كعلم نظرى , وخاصه كيفيه تواصل بروتوكولات الانترنت مع بعضها , هناك مايسمى بال NAT وهى خدمه مكونه من مجموعه من البروتوكولات , باختصار ال NAT هذا هو مايقوم به الروتر بتاعك بالظبط, بمعنى ماسالتش نفسك ازاى 20 او 50 جهاز بيدخلوا انترنت من خط انترنت واحد ؟؟ هى دى فكره ال NAT كل جهاز له ايبى وماك ادريس بيروح يكلم الراوتر يقوم الراوتر شايل الايبى اللى جايه فى الباكت والماك ادريس وحاطط ايبى public , يعنى ايبى خارجى ويقوم موصل الباكت دى للانترنت وبيعمل الحركه دى مع كل الاجهزه اللى بتيجى تكلمه , الفكره اللى عاوز اوصلها انك لو عامل NAT ع الاندرويد زى مالبرنامج ده بيعمل فبيقوم الNAT يشتغل كروتر تمام له ماك ادريس وايبى ويوزع الانترنت للاجهزه التانيه , يعنى لما جهاز لابتوب يجى يكلم ال HTC عاوز نت يروح واخد الماك بتاع الابتوب ومغيره والايبى كمان ومغيره لنفس الماك بتاع ال HTC" ونفس الايبى بتاعه ويروح يكلم سيرفرك على انه عاوز الموقع الفلانى سيرفرك طبعا هيقوله اتفضل لانه جايله بنفس الماك ولاايبى الصحيح اللى انت قايله دخله بيهم , دا الموضوع باختصار
موضوع الاندرويد يبث انترنت مش دا قصدى , اولا كارت الويرليس فى اجهزه الحمول االبور بتاعه مش عالى , تقريبا نفس قوه البور بتاع اى كارت لابتوب ومادام هو بيستقبل انترنت يبقى اكيد وحتما لازم يبعت انترنت كمان , لانه بيبعت طلب الى الاكسيس بوينت انه عاوز الصفحه الفلانيه " مش دا فى حد ذاته بث او نقل للداتا؟؟" , كارت الويرليس فى اى جهاز بيقدر يغطى منطقه قطرها تقريبا 7 متر فقط استقبال وبث

[hoba_hawas]

يعني ايه طيب الموضوع ده كده ملوش حل ؟!!!

أعلاج المشكله دي بقى إزااااااااااااي

كده كل واحد حواليا معاه موبايل أندرويد ولاب توب يخترقني و أقعد أنا بقى أغني ظلموه ههههههههههههههه

شوفولي حل طيب أنا أعمل إيه كده ؟!!!

[midomix4]

مبدئيا الماك فلتر هيفيدك جدا ,لانه صعب بل مستحيل يتلاعب بالماك ادريس بتاع كارت الويرليس بتاع اى تليفون , وبالتالى اعمل ماك فلتر يااما تسمح لكل الناس بالدخول ماعدا الناس اللى بيتلاعبوا زى HTC وده مش مفضل,الافضل تمنع كله ماعدا الناس اللى هتاخد منك انترنت بس , هتقولى انا عاوز كل الناس تشوف صفحتى اللى فيه عنوانى و .و,و هقولك كفايه تكتب رقم فونك ع ال SSID بتاع الشبكه بتاعتك واللى عاوز ياخد منك هيتصل بك , وع فكره الناس المحترفه بتعمل كده لان لو انت مش مطبق النسخه بتاعت الميكروتك اللى بتخلى كل الماكات ماك وهمى واحد سهل جدا شبكتك تبقى زى سوق التلات
كل واحد يخش يسرق ماك عميل وايبى ويعيش
يمكنك التبليغ عن المشكله اللى انت بتتعرض ليها ع موقع ميكروتك علشان الشركه تعالج الثغره فى الاصداره الجديده
موضوع انه اى حد يخترقك مش بالسهوله دى , اولا زى ماقلت لك لازم ياخد يوزر واحد بس منك ويكون فاهم هو بيعمل ايه اساسا

[hoba_hawas]

طيب أنا هفضل قاعد بقى لجنابهم مستني واحد يجي يهكر عليا علشان أقفشه و افضل اعمل في لستة ماكات !!!!!

وبعدين أنا أعرف منين إن فيه واحد داخل و مشغل كذا جهاز بنفس اليوزر حاليا ؟ يعني ادوس على ايه في المايكروتيك ؟

ما أنا عامل ماك فلتر لل HTC فعلا بس أنا مش فاضيلهم بقى كل شويه أشوف مين اللي داخل و ساحب نت قد إيه و بعدين قدر داخل بأكونت من المشتركين اللي عندي زي ما قولت أنا أعرف منين

وبعدين إزاي ده يحصل أصلا و أنا محدد جهاز واحد فقط لليوزر حتى لو أنا مش كاتب الماك بتاعه و أنا جربت على جهاز المووضع ده و مبيدخلش فعلا في نفس الوقت !!!!

أصل الفكره في إيه ..... هقولك أنا يا عم ميدو و معلش تعبتك قوي معايا ... الناس بتبقى عايزه تعمل كونكت و تشوف الإشاره عامله إزاي يعني أنت أكيد عارف إن الإشاره مش كل حاجه و الكونكت و التراسفير لريت هو اللي بيحكم

فطبعا لما بيعمل كونكت و يخش و يلاقي صفحة الهوت سبوت و الشغل العالي ده ( بالنسبه للناس يعني إنما هو على قدي هههههه ) المهم بيقولك دي شبكه كويسه يعني و كده مهو أغلب الناس حاطه رقم موبايلها بس أنا اللي مختلف من جوه

أنا معرفش بصراحه النسخه اللي أنت بتتكلم عليها دي رقم كام !!!!

عمتا أنا نسختي 3.30

و ملقتش حاجه أعلى من كده متكركه فيسيكال , فيه لحد 5 تقريبا بس فيرتوال بس و أنا مش عايزها فرتوال

طب أنا أعرف إزاي بقى إن محدش عندي في الوقت الحالي حتى بالسلك مغير الماك بتاعه لأي ماك من العملا بتوعي و شغال عليه و طبعا كله عارف بعضه و ممكن يدردشوا مع بعض و يقوله اليوزر كذا كذا !!!!

وبعدين هو لو حد فرضا دخل بالواير لس و خد يا سيدي ماك بتاع واحد من عندي ليه يوزر .... طب مهو مش هيعرف اليوزرس اللي عندي إيه علشان يدخل باللي خد الماك بتاعه ؟!!

والله الناس كلها دلوقتي يا عم بتدخل ع النت و بقوا أواريب ههههههههههه , يعني تلاقي كل واحد داخل ينخفس كده و يقرا و اللي يسأل واحد صاحبه و يجي يطنطط علينا هههههههههههه

هحاول إن شاء الله أبلغ بالمشكله دي و مش بعيد يكون كل ده محلول في آخر نسخه و احنا اللي شغالين ع القديم كالعاده , يعني هو بس لو يراعو إمكانيات المصريين و يعملولنا سعر مطابق للظروف القياسيه المصريه هههههههههههه كان الواحد جاب نسخه أصليه أحدث حاجه و ظبط الدنيا يعني حتى لو أدوهالنا بنص التمن هيبقوا هما الكاسبانين مش أحسن ما احنا برده بنستخدمه بالباتشات و كمان هما عارفين طيب ما يستفادوا مننا بأي مصلحه دي حاجه غريبه و الله مش عارف الناس دي مبتفكرش ليه ههههههههههههههههه

[جلال عاطف]

بدون أى برامج ولا أى شئ
ال Android من أول الاصدار 2.1
و هو بدأ يدعم فى موضوع الشبكات ده الاوضاع التالية:
- يلقط نت سواء وايرلس أو من شركة الموبايل و يسلمه للكمبيوتر عن طرئ كابل يو اس بى USB Tethering
- يلقط نت سواء وايرلس او من شبكة الموبايل و يرميه وايرلس تانى Hotspot
- يلقط نت من الكمبيوتر عن طرئ كابل ال يو اس بي

[hoba_hawas]

بدون أى برامج ولا أى شئ
ال Android من أول الاصدار 2.1
و هو بدأ يدعم فى موضوع الشبكات ده الاوضاع التالية:
- يلقط نت سواء وايرلس أو من شركة الموبايل و يسلمه للكمبيوتر عن طرئ كابل يو اس بى USB Tethering
- يلقط نت سواء وايرلس او من شبكة الموبايل و يرميه وايرلس تانى Hotspot
- يلقط نت من الكمبيوتر عن طرئ كابل ال يو اس بي

دي مميزات رااااااااااااااااااائعه جدااااااااااااااا فعلا تسلم إيدك ع المعلومه أنا كده نفسي في موبايل أندرويد بقى ههههههههههههههههه

بس أحنا بنتكلم في إن البرنامج بقى اللي نازل على الاندرويد بيفك الشفر يا أستاذ جلال وهي دي المشكله إن البرنامج ده قوي جدا و بيفك شفرة كتير من الرواتر و المصيبه كمان إنه تقريبا كده بيخترق المايكروتيك و مش عارفين حلها إيه أنا كل اللي قدرت أعمله إني أعمله بولك بالماك أدريس

[hoba_hawas]

و على فكره من قديم الأزل و نوكيا عن طريق برنامجها pc suite و أحنا بنقدر نخلي جهاز الكمبيوتر ياخد نت من شركة الموبايل و يشتغل بيه عادي جدا و كتير كانوا بيشتغلوا على كده إلى أن أنتشرت ال usb modem وسعرها بقى في المعقول

بس بالنسبه لإن الموبايل يشتغير ريبتر أعتقد إن ده هيبقى مجهود كبير جدا ع الموبايل و ضغط ع البطاريه و الموبايل مش هيعيش كتير بالمنظر ده أو ع الأقل قدرته على فعل ده هتضعف

إذا كان الأكسس الأنتنه بتاعتة بتضعف بعد فتره ههههههههههههه

[midomix4]

صديقى العزير انا ممكن اقولك حاجه هتصدمك "انا عارف انك اتهريت صدمات " هههههه
انا ممكن اخد منك يوزرنيم وباسورد واحده بس وبعدين اجيب حته جهاز اى كلام واركب فيه كارتين شبكه وانزل عليه ويندوز سيرفر واقوم عليه خدمه اسمها ال Nat الكارت الاول واخد منك نت والتانى بيغزى سويتش عندى ومن السوريتش ده اوزع للبلد كلها وكل اللى هعمله هفتح باليوزرنيم والباسورد اللى انت مدهملى ع السيرفر ابو كارتين ده وبس وهو هيوزع ل 50 واحد تانى ,شفت بقى ؟!
حاجه بسيطه جدا وكمان من السويتش اوصل اكسيس بوينت واعيش البلد كلها من النت بتاعك واقبض!!
وموضوع ال usb tathering طبعا معروف ولكنى اعتقد الكل عارفه فلم اذكره ولكم اللى بنتكلم عليه هنا يختلف عن ال tathering