قربت اتجنن بجد

[zonalwahm]

اولا السلام عليكم اخوانى الكرام
دلوقتى انا معايه مؤهل متوسط دبلوم تجارة محبتش ادخل كليه ولا اكمل صراحه حسيت بالتفاهه المهم انا بحب مجال الكمبيوتر جدا ومصمم مواقع وفوتوشوب بس ما فيش شغغغغغغغغغغغل فكرت حاليا اخد ccna يمكن اشتغل بيها فايه رايكم ممكن اشتغل بيها ولا هترتبط بردو بالمؤهل بتاعى يا ريت تردوا عليا بسرعه لانى هدفع فلوس كتير وانا ونصيييييييييييييييبى بس ريحونى:ah8:

[بسمك اللهم]

انت في مصر يعني الccna مش كفايه هي خطوه في الطريق وبس
حوالي 35 مليون مصريا حاليا يحبون مجال الـIT

[zonalwahm]

ما انا ناوى اخد تدريجيا ccna و ccnp و ccie بس طبعا اول خطوة الى خايف منها وخايف ميبقاش ليا شغل عشان المؤهل ده الى مخوفنى طيب انت ايه رايك ابتدى المشوار ولا اشوف طريق تانى ؟
وشكرا جدا للاهتمام والرد

[zonalwahm]

ايه يا جماعه محدش عايز يعبرنى تانى ليه هتسيبونى فى حيرتى ليه :mad:

[westwind]

اذا كنت مصمم مواقع و فوتوشوف ... ليه تترك المجال ده ؟ دا فيه شغل اكثر... يعني لو طورت نفسك في نفس مجالك افضل من ان تقفز الى مجال ثاني و هو الشبكات.
اعتقد لو تشوف قسم شهادات اوراكل يمكن تناسبك

بالتوفيق

[zonalwahm]

اولا متشكر جدا لاهتمام حضرتك بالرد
ثانيا انا حسيت بالفشل فى مجال التصميم يمكن عشان انا فى مصر ومش محتاج اشرح ليه طبعا فحبيت اتقل لمجال تانى يمكن يشغلنى بره مصر بس الى مجننى انى مؤهل متوسط ولو اخدت ال ccna والى بعده هتاثر على شغلى ولا ايه يعنى لازم اكون خريج هندسة مثلا او حاسب الى
وشكرا انا تاعبكم معايه والله انا عارف

[e_amr]

هتضيع وقت على الفاضي نصيحة كمل فوتوشوب
دا غير ان مفيش شغل ب ccna فقط في مصر ولو لقيت لازم مؤهل عالى وغالبا بيتحدد ويكون حاسبات او هندسة ده الواقع الان في مصر وادخل مواقع التوظيف وشوف
والاخوة يفيدوك اكتر

[ieee99]

انا هاقولك خبرتي بما انا بواجه نفس الموقف اللي انت بتواجه حاليا
انا خريج تجاره والحمد لله CCNA & CCNA Security
حاليا شغال ADSL Technical Support
طبعا ديه مفهاش اي شئ من اللي انا دراسته
بس من خلال خبرتي ال 8 شهور في البحث عن العمل لاني خريجي 2011 شركات كتير مثل TE Data Link or NOOR
بتطلب خريج هندسه للعمل مجال الشبكات او تكون خريج كميوتر ساينس
بس الصراحه ومكدبش عليك انا لسه عندي امل كبيييير ولسه بذاكر ده حتي وانا بكلمك ديلواتي كنت بذاكر MCITP
اما بخصوص هل ممكن حد يكون خريج كليه ادبيه ويعمل في مجال الشبكات انا كنت عمل قبل كده 3 انترفيو وكانت في شركات متوسطه
بس للاسف ال 3 كانوا طالبين يكون معاي MCITP
اخر حاجه في شركه كبيره جالي فرصه اني اشتغل فيها ومكنتش احلم اني اشتغل فيها عي Orange الموضوع كان عن توصيه لصديق جزاه الله كل خير طبعا الكل يحلم انه يشتغل هناك مبالك بخريج تجاره بس للاسف كانوا طالبين fluent english speaking (الارزاق بيد الله )
وكان لي صديق حريج حقوق وكلن شغال في شركات ال IT solution برضوا اعتقد انها ممكن توافق بخريج كليه ادبيه
فا انا هقولك علي المفيد وصدقني عمرك ما هتندم زاي ما اخونا ahab قالك
صلي استخاره والله ما هتندم
ماتنسانيش من الدعاء

[zonalwahm]

والله بالمصرى كده انتوا ناس ميه ميه هههههههه جزاكم الله خيرا ومش هناسكوا فى الدعاء والله بس ربنا يسهل الحال للجميع

[helal_10g]

نصحتى ليك نفس رأى المهندس إيهاب كمل فى مجال تصميم المواقع و على فكرة أنا شايف إنه مطلوب أكثر على فكرة أنا حاصل على CCNA الشغل الوحيد المتوفر لى هو فى مجال التدريب مش أكثر للإسف

[kokoz]

بص ياباشا هى فى شركات بتطلب المؤهل بس دلوقتى بيطلبوا الشهادات العلمية بس نصيحة منى .. لازم تكون كويس فى الانجليش عشان اكتر الشركات بتاخد الكويس فى الانجليش وبعدين ابدأ ccna وخلصها .. وادخل ccnp وشوف انت حابب اية واتخصص فية فى مجال سيسكو متشلش هم بحكاية الشهادة دى بس توكل على الله واتقن اللى انت بتدرسوا وان شاء الله ربنا هيديك على أد تعبك

[zonalwahm]

شكرا ليك يا اخ kokoz والاخ هلال انا حاسس بالعربى انى فاشل فى مجال التصميم او بمعنى ان الى محتاجين ناس عشان يشتغلوا حسسونى بالفشل قدمت فى اماكن كتير عشان اشتغل وكالعادة لا يقبلون الا (ابنات وياريت تكون فنون جميله ) وبيترمى السى فى فى الزبالة انا 7 سنين ما اشتغلتش يا جماعه لاااااان يمكن عشان انا مريض ؟ (بالروماتويد ) والناس بتحب يمرمطوا الناس فى الشغل
عمتا
شكراللجميع على الاهتمام جزاكم الله خيررررررررررررررررررررررا

[Eng\M.said]

السلام عليكم ورحمة الله وبركاته

اخى الكريم حقيقة انا شوفت كلام الاخوة هنا ولا ازيد عليه شيئا بس خلينى اديك معلومة ممكن تفيدك فى التفكير فى تغير مجالك اولا مجال الشبكات مجال كبير جدا وحقيقة انهارده المعاه CCNA MCITP بيشتغل Technical Support

وممكن يكون خريج هندسة او علوم حاسب بس عايز تشيل من دماغك موضوع المؤهل ده بس حضرتك بتقول انك مكملتش بكالوريوس ودى المشكلة لان كل الشركات محتاج على الاققل انك تكون بكالوريوس مش مشكلة بكالوريوس

ايه المهم الشهادات العلمية والخبرة بس الحالة الوحيدة الهتفرق هى لو اتنين متقدمين لوظيفة مهندس شبكات والاتنين نفس الشهادات العلمية والكفاءة وواحد منهم بكالوريوس هندسة هيفضلوه عن التانى وده امر طبيعى

علشان مطولش عليك علشان تغير مجالك كليا وان اقصد الكلمة بمعناها الحرفى محتاج على الاققل من سنتين الى 3 سنين اجتهاد حقيقى يعنى مذكرة بزمة وبحث دائم وتدريب رهيب علشان فعلا تلاقى فرصة كويسة

وتاكد فى الحالة دى ربنا مش هيضيع مجهودك ابدا بس هتحتاج منك شوية مصاريف كده لو تقدر توكل على الله وغير المجال لو مش هتقدر يبقى زى ما الاخوة قالولك خليك تحترف فى مجالك احسن

وفى النهاية معلومة صغيرة كده لو حضرتك ربنا كرمك ووصلت وبقيت CCIE ان شاء الله الشغل هو الهيجرى وراك :D