إيه آخر أخبار كارت الستالايت الممتاز tevii Dvb s2 : أماكن بيعه - سعره فى الوقت الحالى

[sam samy]

جهازك ضعيف على تشغيل قنوات الHD

موديل TeVii S464 هو المناسب لانه بيستخدم فتحة pci

وانه بيحتاج برسسور 2.4GHz على عكس التوينهان محتاج 3.0GHz

شكرا على اهتمامك

طيب بالنسبه لتشغيل قنوات ال hd بهذا الكارت اللى بيحتاج رامات على الأقل جيجا لتشغيلها
الفرق بين ال 600 ميجا و شويه ( بتوع الرامات بتاعتى ) و بين الجيجا حيأثر فى تشغيل ال Hd ؟؟؟؟

[الحمادوى]

أكيد طبعا لان الرام هى الذاكرة المؤقتة للجهاز
والقنوات محتاجة لواحد جيجا يبقى اكيدمش هينفع
المفروض ترفع الرامات عندك
وكفايه ان البرسسور اداءه ضعيف ومش هتقدر تشغل قنوات ال Hd المشفرة عليه

بصراحة الافضل انك تعدل جهازك حتى لو بمستعمل علشان تقدر تشغلها بحريه والجهاز يكون مرتاح

[sam samy]

أكيد طبعا لان الرام هى الذاكرة المؤقتة للجهاز
والقنوات محتاجة لواحد جيجا يبقى اكيدمش هينفع
المفروض ترفع الرامات عندك
وكفايه ان البرسسور اداءه ضعيف ومش هتقدر تشغل قنوات ال Hd المشفرة عليه

بصراحة الافضل انك تعدل جهازك حتى لو بمستعمل علشان تقدر تشغلها بحريه والجهاز يكون مرتاح

الف شكر لردك

وكفايه ان البرسسور اداءه ضعيف ومش هتقدر تشغل قنوات ال Hd المشفرة عليه

لأ احنا الآن بنتكلم عن التيفي مش التوينهان مفيش مشكله فى البروسيسور بالنسبه للتيفي على ما أظن

بس المشكله ان مفيش - على حد علمي - رامات ddr عاديه جيده فى اسكندريه
و عشان اغير المازر او البروسيسور هدخل فى ليله كبيره

انا اتخنقت كل حاجه ماشيه معايا غلط - آجى أظبط يمين ألاقى شمال بايظ و العكس

[stingsteel]

يا اخي وحد الله .. في اخوة أعضاء بيعرضوا من فترة للتانيه رامات512mb DDR400 مستعملة تعمل بكفاءة في حدود 30 جنيه .. بس دور في عروض بيع الأجهزة ومتعلقاتها المُقدمّه من الأعضاء

أو ممكن تجيبها استعمال من سوق الكمبيوتر في سموحة في حدود 40 جنيه
روق يا راجل محدش واخد منها حاجة .. وبعد ماتشغل كل حاجة وتبقى تمام تتفرج على مبارك وهو بياخد براءة ... فتكسر الجهاز هههه
تحياتي
د.حاتم

[sam samy]

يا اخي وحد الله .. في اخوة أعضاء بيعرضوا من فترة للتانيه رامات512mb DDR400 مستعملة تعمل بكفاءة في حدود 30 جنيه ..
بس دور في عروض بيع الأجهزة ومتعلقاتها المُقدمّه من الأعضاء

أو ممكن تجيبها استعمال من سوق الكمبيوتر في سموحة في حدود 40 جنيه
روق يا راجل محدش واخد منها حاجة ..
وبعد ماتشغل كل حاجة وتبقى تمام تتفرج على مبارك وهو بياخد براءة ... فتكسر الجهاز هههه
تحياتي
د.حاتم

شكرا د / حاتم
هههههههههه مانا كسرت التلفزيون النهارده لنفس السبب !!

هى ال DDR400 دى مماثلة لل ddr 266 اللى شغاله على جهازى او افضل منها ؟؟! يعنى تشتغل عندى

هل فى مشكله من الرامات المستعمله ؟

[stingsteel]

لا مفيش مشكلة .. الرامات بتشتغل بمبدأ القافلة تسير بسرعة أبطأ من فيها يعني هي باص 400 ولكن هتشتعل بسرعة 266 زي اللي معاك حاليا
غالبا مبيبقاش في مشاكل في رامات DDR الاستعمال وإنت كده كده هتجرب واللي هيبعلك لازم يديلك يومين تلاتة تجارب فيهم لو طلعلك errors أو شاشة زرقا أو تهنج هترجعها أو تغيرها
وبصراحة أنا عاوز اقترح عليك إنك تشتري كيسه original كلها على بعضها بوردة وبروسيسور ورامة وباور تكون LGA و DDR2 من سموحة أو من المنتدى في حاجات في حدود 300 جنيه كويسة بعد الفصال
بس بيع اللي عندك (في حدود 150 جنيه) يعني الموضوع هيقف شاكب راكب 150 جنيه فرق
أنا عن نفسي عملت كده وجبت كارت Tevii S2 وبعت كل الحاجات الخاصة بجيل P4 اللي كانت عندي . بص هنا :https://arabhardware.net/forum/showt...987&highlight=
واشتريت بتمنهم كيسة hp بـ325 ودة أحسن 100 مرة من أي رسيفر hd

[الحمادوى]

الى الاخ السائل
لو الميزانية مش مساعده فى الوقت الحالى ممكن تكتفى بتزويد الرام وتشترى الكارت
بس هو هيبقى صعب تشغيل قنوات ال HD المشفرة بسبب البرسسور

او حل أخر
تشترى كارت جيل اول مستعمل اوجديد فى حدود 160 لو جديد ومابين 80 الى 100 لو مستعمل
وتوفر باقى الفلوس للتعديل فى الجهاز


دى ترددات ال Hd على النايلسات شوف ايه احتياجك منها مقابل شراء كارت حديث او قديم
https://www.flysat.com/7west-hd.php

الاخضر الفاتح ده مفتوح والغامق مشفر

والتردد المكتوب تحته DVB-S2/8PSK

لا يعمل الا مع الكروت الحديثة فقط

وللعلم كل القنوات المشفرة ليست مكسورة الشفرة
مفيش غير باقة الجزيرة هى المكسورة فى الوقت الحالى

[sam samy]

الاخضر الفاتح ده مفتوح والغامق مشفر

وللعلم كل القنوات المشفرة ليست مكسورة الشفرة
مفيش غير باقة الجزيرة هى المكسورة فى الوقت الحالى

يبقى المشفر ملوش لازمة بالنسبالى لأنى مش من هواة الجزيره الرياضيه
يبقى المشكله هتبقى فى اللإتش دى اللى مش مشفر ( المفتوح )

بس كنت عايز أسأل هى الجزيرة للأخبار مفتوحة مش مشفره صح؟ ولو انى مش ميال لمتابعة قنوات الجزيره عموما

[sam samy]

لا مفيش مشكلة .. الرامات بتشتغل بمبدأ القافلة تسير بسرعة أبطأ من فيها يعني هي باص 400 ولكن هتشتعل بسرعة 266 زي اللي معاك حاليا

شكرا لردك
معلش انا مليش خبره فى الرامات مش فاهم حوار الباص ده
هتشتغل بسرعه زى سرعة الراما اللى عندى !!! طيب هتزود أداء أو سرعة الجهاز
ازاي ؟؟؟!!

وبصراحة أنا عاوز اقترح عليك إنك تشتري كيسه original كلها على بعضها بوردة وبروسيسور ورامة وباور تكون LGA و DDR2 من سموحة أو من المنتدى في حاجات في حدود 300 جنيه كويسة بعد الفصال
بس بيع اللي عندك (في حدود 150 جنيه) يعني الموضوع هيقف شاكب راكب 150 جنيه فرق
أنا عن نفسي عملت كده وجبت كارت Tevii S2 وبعت كل الحاجات الخاصة بجيل P4 اللي كانت عندي . بص هنا :https://arabhardware.net/forum/showt...987&highlight=
واشتريت بتمنهم كيسة hp بـ325 ودة أحسن 100 مرة من أي رسيفر
hd

بس انا مش ناوى أجيب ريسيفر إتش دى ده غير إن كارت التيفي ممكن يشتغل ع البنتيام 4 بس مشكلته قنوات الHD
عايزة رامات جيجا --- يعنى المشكله فى قنوات ال hd غير المشفره ( المفتوحة )
ده غير انى سمعت ان القنوات كلها فى المستقبل هتبث بنظام DVb s2
يعنى لازم احد الكارتين اللى قلنا عليهم اذا صح الكلام ده

[الحمادوى]

ان القنوات كلها فى المستقبل هتبث بنظام DVb s2
سيستغرق فترة طويلة تمتد لسنوات
لكن ربما تكون قناه مهمة او باقة موجودة فى تردد حديث تجعلك تشترى الكارت

الجزيرة للأخبار مفتوحة مش مشفره والقنوات المفتوحة الHD هتشتغل معاك
لكن هتجد استهلاك البرسسور يصل الى 80 %او 90%

وبخصوص الرامات تجد ان المطلوب حجم الرامة وليس سرعتها
على عكس البرسسور المطلوب فيه السرعة

[isl_amd]

ماحد يقولنا إيه أخر أسعارtevii s471 و إيه أخبار التحميل العشوائي

[stingsteel]

ماحد يقولنا إيه أخر أسعارtevii s471 و إيه أخبار التحميل العشوائي

الكارت تمنه الان 330 جنيه وجامد جدا والتحميل شغال نار من الجروب الروسي و الايراني
ملحوظة : الاخ sam samy السؤال والجواب دول خارج نطاق استفساراتك من قبل ماتسأل .. الكارت للأجهزة الاحدث فقط أوك

[isl_amd]

طيب يا ريت تقولي جروبين دول على يوتل سات ولا فين علشان أنا بقالي أكتر من ٣ سنين ما بستخدمش كروت ستلايت و مش متابع و كمان أنا لاقت الكارت عند nefsak.com ب ٣٣٠ و هل في مشاكل للكارت في حالة عامل ديزك و شكرا جزيلا

[sam samy]

شكرا للجميع

ملحوظة : الاخ sam samy السؤال والجواب دول خارج نطاق استفساراتك من قبل ماتسأل .. الكارت للأجهزة الاحدث فقط أوك

شكرا - بس قصدك على كارت التيفي ؟
أكيد ده بالنسبه لقنوات الإتش دى

أما القنوات العاديه أعتقد تشتغل على جهاز زى جهازى

[الحمادوى]

الراجل قصده ان موديل الكارت بيحتاج فتحة فى البوردة من النوع الحديث PCi-E

يتى مينعش معاك نهائى الا بوجود الفتحه
وفى حالة وجودها الكارت يشغل القنوات عادى