كده البروسيسور شكله باظ ولا ايه؟ وينفع يتصلح ولا لأ؟
دى صورة لدرجة حرارة الجهاز بس بعد تشغيله لمدة اكتر من 6 ساعات والرسالة اللى بتظهر لما بشغل لعبة البرو
ودى صورة لمواصفات الجهاز
كده البروسيسور شكله باظ ولا ايه؟ وينفع يتصلح ولا لأ؟
إذا كان هذه درجة الحرارة أثناء الضغط فلا يوجد مشكلة فى درجة الحرارة وبالنسبة للكروت المدمجة فويندوز 7 لا يخصص ذاكرة كبيرة لكارت الشاشة
والحل موجود هنا
https://www.youtube.com/watch?v=dYpSZJL6Hxk
أو هناك حل اَخر وهو الدخول على أعدادات البيوس والبحث عن خيار Shared Memory أو Dedicated Video Memory وتغيير قيمته إلى قيمة أعلى.
التعديل الأخير تم بواسطة Ahmed.Elsayed ; 08-06-2013 الساعة 09:45
هل درجة الحرارة الظاهرة فى الصورة السابقة أثناء الضغط على المعالج أم أثناء الأستخدام العادى ؟ وما هو البرنامج الذى أستخدمته فى الضغط على المعالج ؟
مش فاهم يعنى ايه الضغط على المعالج؟
- وإذا ظهرت لك Errors فى نهاية الأختبار يكون السبب غالباً بسبب زيادة تردد الرام مع زيادة تردد المعالج ويجب تخفيض تردد المعالج أو تقليل عامل ضرب الرام
- وإذا ظهرت لك الشاشة الزرقاء المعهودة يكون بسبب عدم وصول الفولت الكافى للرام فيجب تقليل عامل ضرب الرام أو تقليل تردد المعالج أو زيادة فولت الرام
- وإذا لم تستطيع عبور شاشة دخول الويندوز أو حدوث تجميد للويندوز بيكون السبب غالباً من عدم وصول الفولت الكافى للمعالج و يجب زيادة الفولتية للمعالج أو تقليل تردد المعالج
مش فاهم ال3 سطور دول معناهم ايه...
صورة درجات الحرارة بالاستخدام العادى
ولما عملت اختبار بضغط المعالج ، مطلعش ايرور ولا حاجة ، واقصى درجة حرارة جابها برنامج HWMonitor كانت 74 فى النواة الاولى و76 فى الثانية
التعديل الأخير تم بواسطة houka_al_saher ; 08-06-2013 الساعة 19:48
درجة الحرارة عالية بعض الشئ هل قمت بفرد المعجون على المعالج بأكمله ؟
لأن زيادة المعجون بالنسبة للمعالج يزيد من درجة حرارته ويفضل وضع نقطة صغيرة من المعجون فى منتصف المعالج
ويرجى قبل وضع المعجون الجديد إزالة المعجون القديم بأى مادة كحولية وتنظيف المشتت من أى أتربة وتأكد بعد تركيب المشتت من أن الأربع أرجل الخاصة بالمشتت مثبتة جيداً (أى لا تتحرك لأعلى)
انا محطتش معجون خالص ، هو المعجون اللى كان جاى بيه بقاله سنتين بالظبط ... أنا كل اللى عملته من اسبوعين كان فيه مشكلة فى الهارد وانا مكنتش لسه اعرف انها فى الهارد فقمت فاكك البروسيسور عشان انظف المروحة والجهاز كان شغال كويس وسريع بس كان فيه مشكلة فى الهارد انه مكانش راضى يتقرى على اسطوانة الويندوز فلما ركبت البروسيسور والمروحة تانى حصل اللى حصل ده ...
لو كانت المشكلة في نقص المعجون ليه الجهاز مهنجش من قبل ما افك البروسيسور ؟
التعديل الأخير تم بواسطة Ahmed.Elsayed ; 09-06-2013 الساعة 17:14
طيب انا اشترى علبة ولا بيتباع ازاى وسعره كام ، واحط منه ازاى على البروسيسور؟
أشترى حقنة معجون ب 2 جنية من أى محل كمبيوتر وحط منها نقطة صغيرة فى منتصف المعالج وركب المشتت عليها بس لازم تنظف المعجون القديم الأول بجاز أو ببنزين
وأنت بتفك الأرجل بتحركها فى عكس أتجاهها بأى مفك وبعدين بتشد كل رجل لفوق وبعدين وأنت بتركب المشتت نزل كل الأرجل لتحت وبعدين بالمفك حركها فى أتجاه الربط وبعدين أتأكد أن الرجل بقت ثابتة (يعنى ما بتطلعش معاك نهائى لو جربت تشدها لفوق)
وخد بالك أن الأرجل كلها بلاستيك فلو أستخدمت معاها العنف هتتكسر منك ومش هتعرف تركبها تانى وهتضطر تشترى مشتت جديد.
حطيت المعجون والجهاز زى ماهو بطئ برضه
بطئ وأنت بتستخدم الكمبيوتر عادى ولا لما بشتغل ألعاب ؟ وهل بتستخدم أنتى فيرس فى جهازك ولا لأ ؟
وأرفع صورة لتوضيح سرعة الهارد وصورة لفحص الهارد وتقرير برنامج hijackthis
وأقرا الموضوع كويس وطبق الخطوات الموجودة فيه
ولو حاسس بأن جهازك قل سرعته بعد لما فكيت البروسيسور وركبته تانى فأكيد كان المعالج مكسور سرعته وبعدين راحت أعدادات كسر السرعة.
المفضلات