مراجعة بسيطه عن لاب توب Lenovo IDEAPAD-Z570

[TheLeader]

بسم الله الرحمن الرحيم

السلام عليكم اعضاء المنتدى الكرام , أما بعد

بما إني جبت اللاب ده ومفيش مراجعه ليه هنا مع إنه جهاز جميل جداً من وجهه نظري فـ حبيت اساعد الناس اللي كانت بتسألني عليه

انا جبت الجهاز من حوالي 7 أيام وشغال معايا تمام جداً الحمد لله

مواصفات اللاب اللي عندي هي كالآتي :

I5-2450 (2.5GHZ.3M CASH ده البروسيسور

رامات 6 جيجا

هارد 500 جيجا

الشاشه 15.6

كارت الفيجا NIVIDIA 630M 2GB UP TO 6GB

وباقي الحجات موجوده مع وجود ويندوز سفن هوم بريميوم كمان , في الديل ماكنش معاه ويندوز 7

نبدأ على بركه الله , بعض الصور من الجهاز :-

معلش الجوده مش كويسه أوي علشان بصور بـ الموبايل مش بـ الكاميرا !



ديه بتوضح ماركه الجهاز من الخلف



صوره الجهاز على الكرتونه



صوره الكرتونه منفصله



صوره من قاعده الجهاز



صوره بتوضح مدخل كارت اللان + واحد يو إس بي



صوره بتوضح الـ دي في دي الخاص بـ اللاب



صوره بتوضح مداخل السوكيت بتاع الصوت وواحده يو إس بي



صوره بتوضح ايضاً مداخل ومخارج مثل الشاشه و أخرى ( مش عارفهم بصراحه ^^ )



وديه فتحه التهويه اللي بتطلع الهواء الخارج من البروسيسور وكارت الشاشه ومدخل الشاحن



وديه صوره للاب نفسه من الآمام



وديه صوره للكيبورد بتاعت الجهاز



وديه صوره بتعرفك إنه I5 وجاي معاه ويندوز 7 وكارت الشاشه نيفيديا



وده زي vote على ما اعتقد والرد بيبقى على الموقع الرسمي للجهاز ( والله اعلم )



وديه صوره للماوس الخاصه بـ الجهاز



وديه صوره للجهاز من أعلى



وديه صوره للشاحن , بييجي معاه فيشه تركب على المشتركات في مصر دون الحاجه لشراء واحده خارجيه



وديه صوره للبطاريه من أعلى



وديه صوره للبطاريه من أسفل

كده خلصنا نص المشوار ^^

بعض الصور من داخل الجهاز مثل قياس درجه الحراره اثناء الخمول وتقييم الجهاز



ديه قياس درجه الحراره ( في الخمول )



وديه توضيح للبروسيسور والرامات والريتس



صوره اوضح للريتس ( تقييم الجهاز )



صوره من سطح المكتب



---------------------------------------

تم بحمد الله , ولو حد عنده سؤال عن اللاب ده انا ممكن اجاوب عليه

سلامي ختامي:p

[Eng.Rami]

الف مبروك الجهاز
شكرا على المراجعة الجميلة
انا كنت حابب اشتري زيه بس مش موجود عندنا فاشتريت سامسونج

[md3000]

انا معايا الجهاز ده بس لسوء حظى طلع فيه عيب صناعة في الهارديسك و كمبيوتر شوب الزبالة رفضو الاستبدال مع انى رجعت الجهاز قبل ما فترة الاستبدال تنتهى و طلعو عيني لمدة 3 شهور

و في الاخر استبدلو الهارديسك بواحد جديد و الجهاز بقي شغال كويس من ساعتها و مبقاش بيهنج

بس الجهاز فعلا رائع في كل حاجة شكل و امكانيات و سعر

و الف مبروك

بس انت مقولتش الجهاز سعره كام و اشتريته منين ؟

[TheLeader]

UP ##

[bodey98]

لو سمحت ينفع تعرفنى اية حكاية زرار السويتش دة وتورينى مكانة فين عشان انا ناوى اشترى زيو

[bodey98]

وازاى اشغل كارت الشاشة اللى هو نيفديا عشان فى ناس بتقول ان فية كارتين انتل ونيفديا

[TheLeader]

كارت النيفيديا ليه زرار على شمال الماوس من تحت , ده لو قفلته كل التطبيقات هتشتغل على الكارت الداخلي

[Mr VERRO]

مراجعة ممتازة وانا نازل اشترى واحد يوم الخميس وعايزك تلخصلى تجربتك معاه وهل واجهتك اى مشاكل مع اللاب ده ووفعلا قلنا على زرار جرافيك سويتش اللى بيغير بين كرتين الشاشة واسف على التاخير لانى لسة شايف المراجعة ,تم التقييم

[TheLeader]

مراجعة ممتازة وانا نازل اشترى واحد يوم الخميس وعايزك تلخصلى تجربتك معاه وهل واجهتك اى مشاكل مع اللاب ده ووفعلا قلنا على زرار جرافيك سويتش اللى بيغير بين كرتين الشاشة واسف على التاخير لانى لسة شايف المراجعة ,تم التقييم

الجهاز فوق الممتاز بصراحه ^^ بس طبعاً كباقي الآجهزه في الصيف ( في مصر ) في إرتفاع ملحوظ في سخونه اللاب ككل , يعني اصلاً من غير ما اشغله بلمسه بيبقى دافئ نظراً لآن الجو هنا في مصر نار !

الزرار بيقفل نشاط كارت الشاشه الخارجي , بيخليه مش شغال على ما اعتقد وده علشان الكارت مايفضلش شغال لو إنت مش بتعمل عليه حاجه , واللاب جميل جداً مقارنه بـ dell 510 i7 بصراحه , بس طبعاً الديل كان أشد لآن الإمكانيات أعلى !

ولو في اي إستفسار تاني قولي وانا هحاول ارد عليك لو اعرف

[KhaledLasheen]

مبرووك علي الجهاز الجديد اخي العزيز وربنا يباركلك فيه ان شاء الله
وياريت بجد لو تقدر تساعدني لاني بقالي اسبوع محتار بين 3 اجهزه مش عارف اختار ايه وهم

1. dell inspiron n5110 i5 4500nv
2.lenovo ideapad z570 i5
3.hp probook 4530s i5

وانا عامل موضوع عنهم وكاتب امكانيات ال 3 اجهزه
https://arabhardware.net/forum/showthread.php?t=307436

[KhaledLasheen]

وياريت تقولنا الضمان تبع ايه بظبط لان حوار الضمان ده تعبني وانا بلف امبارح في مول السخاوي
كل واحد يقولي انت هتشتري الجهاز ومش هيدخل الضمان ده هيبقي ضمان المحل ومعرفش ايه
وفي علبه بني و زرقه وحوارت كتير كده ( ده علي الجهاز ال dell )

[Mr VERRO]

الجهاز فوق الممتاز بصراحه ^^ بس طبعاً كباقي الآجهزه في الصيف ( في مصر ) في إرتفاع ملحوظ في سخونه اللاب ككل , يعني اصلاً من غير ما اشغله بلمسه بيبقى دافئ نظراً لآن الجو هنا في مصر نار !

الزرار بيقفل نشاط كارت الشاشه الخارجي , بيخليه مش شغال على ما اعتقد وده علشان الكارت مايفضلش شغال لو إنت مش بتعمل عليه حاجه , واللاب جميل جداً مقارنه بـ dell 510 i7 بصراحه , بس طبعاً الديل كان أشد لآن الإمكانيات أعلى !

ولو في اي إستفسار تاني قولي وانا هحاول ارد عليك لو اعرف

الف شكر على سرعة الرد وانا كدة ثبت وهنزل اشترية يوم الخميس بس الرامات 4 جيجا والكارت gt540m ,ومبروك اللاب وتتهنى بيه يارب

[ahmed*1]

مراجعه جميله
انا عايز اسال على الضمان
وانا بشترى لاب عامه لازم يكون الضمان ايه ومدته ايه

[TheLeader]

وياريت تقولنا الضمان تبع ايه بظبط لان حوار الضمان ده تعبني وانا بلف امبارح في مول السخاوي
كل واحد يقولي انت هتشتري الجهاز ومش هيدخل الضمان ده هيبقي ضمان المحل ومعرفش ايه
وفي علبه بني و زرقه وحوارت كتير كده ( ده علي الجهاز ال dell )

مش عارف والله بصراحه موضوع الضمان , بس الناس اللي بتشكر في اللينوفو ومعظمهم اصاحبي , فـ مفكرتش في الضمان

وبيني وبينك انا ما صدقت أخلص من الديل اللي كان معايا اللي كان بيسخن من أول 5 دقائق مسألتش على اي ضمان

[laptop2all]

مبارك الجهاز ربنا يحفظه لك
انا عندي نفس الجهاز بس كور اي3 الجيل الثاني بعرضه للبيع للي عايز يشتري
الهارد 320
والرام 2
والشاشه 15.6 ليد
وحالة ممتازة
ب1950ج
01111404852
باقي التفاصيل علي الرابط
https://laptop2all.com