ارجو الافاده حول samsung sa950 3d

[عبدالله ضيف]

كل الموضوع من راى ان تقنية سامسونج باهظة التكلفة
ومحتاج كرت شاشة غالى جدا وبروسيسور غالى جدا ورامات عالية ده غير الشاشة الى اصلا مكلفة جدا والنظارات بتاعتها غالية جدا
وبتديك اداء فى الثرى دى وحش صورة غامقة وكروس تواك وكمان بتديك نصف الهرتز فى الثرى دى والنظارة غالية وبتعمل صداع
انما ال جى تشتغل بجهاز متواضع واى لعبة شغلتها بجهازك قبل كده على التو دىواشتغلة بسلاسة هتشتغل بنفس الثلاثة مع تقنية ال جى
ومش هتحتاج تغير وتجيب جهاز جديد وغالى ونظارتها رخيصة جدا جدا والصورة مش بتبقى غامقة ونادرا لما بيبقى فى كروس تواك
والجوستينج مش موجود نهائى بالذات لو جيبت تليفزيون ال جى 120 هرتز وشغلته على الكمبيوتر بكيبل hdmi 1.4a
وسعر الشاشة رخيص مقانة بالسامسونج والعيب الوحيد فيها ان الرزيلوشن بيقل للنصف بس اتضح ان المخ بيدمج الصورتين وبتشوف صورة
تعتبر full hd 1080p
بعد ده كل لازم افضل ال جى بسبب معادلة السعر يساوى الاداء

[Eng.Michel]

عزيزي عبدالله مع احترامي لرايك لكنني امتلك السامسونج s23a950 , و قريت كتير جدا عن ال3d قبل ما اشتري و كمان شوفت lg و جربتها في سبينس و فيرجن ستورز و قريت كتير جدا عن الفرق بينهم لكن فعلا لحد دلوقتي لا يوجد جودة في ال3d و خاصة لو كان full hd اعلي من تقنية الاكتيف شاتر , و انا اعلم مزايا و عيوب كل منهم لكن الموديل الذي اتحدث عنه من افضل و اجمل ما ابدعت سامسونج - صحيح الصورة مش فاتحة و الاضاءة عاليه فيها زي الباسيف لكن الدقة المعروضة واضحة بشكل رهيب و افضل من الباسيف بمراحل .و بعدين الصداع ده بيجي من الجوستينج و ده بيجي من ضبط اعدادات اللعبة او الفيلم و ليس عيب عام في التقنية و مع التحسنات العالية في برنامج tridef و الذي يمكنك من تشغيل اي فيلم . لا يوجد جوستينج علي الاطلاق . و بعدين مين قال انك محتاج جهاز بمواصفات عالية عشان تلعب علي الشاشة . الشاشة تمكنك من التحويل من 2d الي 3d علي اي فيلم او لعبة و بدون ما يتم استخدام قدرات هائلة للكارت.

[عبدالله ضيف]

احتياج الشاشة لامكانيات عالية لانها اصلا بتشتغل على 120 هرتز
وبعدين الجوستينج بيحصل فى الثرى دى لان الهرتز بتقسم للنصف وبعدين التقنية كلها عيوب اساسا من سعر النظارة الغالى وكمان الجوستينج والازدواج الصورة والمسمى بالكروس تواك والعيوب دى شوفتها بنفسى فى مرجعات والنظارة بتعمل صداع ومينفعش تشوف بيها لو ميلت دماغك ده غير الغمقان الى بيبوظ الصورة تماما فى افلام الرعب والى بتبقى ظلام طول الوقت
انما lg خالية من معظم هذه العيوب وبها عيب واحد ان الرزيلوشن بيقل للنصف لاكن اتضح ان المخ بيدمج الصورتين الى هما نصف الرزيلوشن و بيعمل صورة ثرى دى الرزيلوشن بتاعها مقرب من full hd جدا ليس مساو له ولاكن قريب منه جدا
ولاكن تصور اخى انك اشتريت تليفزيون ال جى 120 هرتز وششغلته على جهاز طبعا بعد ما عرفنا ازاى نشغل اى حاجة hdmi على 120 هرتز التليفزيون مش هيعمل انبوت لاج وهيشتغل تمام على 120 هرتز
ساعتها شوف الفرق بقى بين سامسونج وال جى
ال جى تعطى صورة 120 هرتز فى الثرى دى يعنى انسى الجوستينج ده نهائى بعد كده ده غير انها بتديك 9 نظارات مع التليفزيون يعنى عيش انت وصحابك
يعنى بتمن الشاشة السامسونج ال 27 بوصة احط عليهم يجى 500 جنية واتمتع بثرى دى 120 هرتز بدون اى جوستينج ولا غمقان ولا حتى اى عيب من العيوب بتاع سامسونج

وده فيديو مراجعة بيظهر الفرق بين التقنيتان يوصح معظم عيوب التقنيتان

[عبدالله ضيف]

ثانيا والاهم تقنية الباسيف مستخدمة فى السينمات الكبيرة والمشهورة وى سيتى ستارز وجنينة وكده
وطبعا معظمنا راح هناك وشاف الثرى دى بيبقى عامل ازاى اساسا يبقى جامد جدى
وتليفزيونات ال جى وساستها بتستخدم نفس التقنية واجمل منها كمان عملين تحسينات ليها
واعتقد ان ال جى بتفكر تعمل شاشات جديدة ips panel ساعتها انسى حاجة اسمها سامسونج او اى حد تانى فى مجال الثرى دى
لان ل جى وصلت قبل كده ان شاشة ips يبقى زمن استجابتها 2ms

[Eng.Michel]

عزيزي مش هقولك اكتر من انك تعمل search علي active 3d vs paasive 3d علي google و اقرا الفرق الرهيب في التقنية في الالعاب و الافلام يكفي فقط ان شركة نيفيديا عملاقة كروت الفيجا بتعتمد علي هذه التقنية لتقديم اعلي جودة في الالعاب لها. انا امتلك السامسونج و بلعب حاليا call of duty و crysis و bf3 , و لعبت بيها sbs باستخدام tridef . و لعبت بيها في مود 2d to 3d . الدقة رهيبة و جودة رائعة . لن تصدق ما لم تشاهدها .

[عبدالله ضيف]

حضرتك روح شوف اى تليفزيون ثرى دى ال جى وشوف صورته عامله ازاى واقراء مراجعات للشاشات ال جى وشوف الفيديو الى فوق كله بره بيفضل الباسيف عن الاكتف الاكتف تقنية عقيمة باهظة الثمن فى حين ان الاداء يساوى الباسيف
وبعدين مجرد انت ما بتبعد عن الشاشة مسافة بسيطة الخطوط الى بيقولو عليها بتظهر دى بتختفى اساسا ههههههههه ال جى افضل بكتير كمان من جميع النواحى ده كفاية ان فى خروج للاشياء بره الشاشة بدون كروس تواك دى لو حدها تكفى وكمان السطوع عالى
انا مش عارف ازاى لسه فى حد بيفكر فى الاكتف اساسا صداع وتكلفة وغمقان وكروس تواك و زوايا رؤيا ضعيفة ده انت لو ميلت دماغك يمين شوية هتشوف الصورة سودء وجرب بنفسك ههههه . دى اساسا مش تقنية دى طعمية

[عبدالله ضيف]

والاخ الى بيقول انى موزع ال جى انا لحد دلوقتى مذكرتش الشاشة بتتجاب منين ومش هذكر غير على الخاص لانى عاوز اشترى واحدة ومش عاوز اروح الاقيها خلاصانه P:

[m2018]

والاخ الى بيقول انى موزع ال جى انا لحد دلوقتى مذكرتش الشاشة بتتجاب منين ومش هذكر غير على الخاص لانى عاوز اشترى واحدة ومش عاوز اروح الاقيها خلاصانه P:

الاخ!!!!انا مش عارف ايه التعصب الاعمى ده وبعدين انت مقتنع روح اشتري من غير ما تفرض رايك على حدوالغريبة ان انت الوحيد اللي دخل الموضوع وقال ان الباسيف احسن مع ان في موضوع هنا في القسم وفي واحد جرب الباسيف والاكتيف من سامسونج ونيفيديا و قال ان الشاشة دي من سامسونج افضل 3d موجود في مصر

[عبدالله ضيف]

لا مش انا الوحيد الى بيقول كده اساسا اولا يعنى الفيديو فيه مقارنة بالصوت والصورة متجيش بقى تقولى حد قال ومقالش دى مقارنة من موقع اجنبى ومفيش فيها اى تحيز
لو حضرتك بتتكلم فعلا على الشاشةو 27 يبقى عندك حق مفيش ما يقابلها فى مصر لان ال جى منزلتش فى مصر غير 23 و بعديها تلفزيونات على طول وانا افضل شراء تليفزيون ال جى 32 بوصة وتشغيله على 120 هرتز بكيبل hdmi1.4a عن شراء شاشة بتقنية الاكتف 27 بوصة
وبعدين مش انا لوحدى الى بيقول ان تقنية الباسيف افضل ادخل على الموضوع ده وتابع معظم الردود من صاحب الموضوع والى هو يعنى بجد جرب الكفت فى اثرى دى
https://arabhardware.net/forum/showthread.php?t=281299
اقراء اخر 4 صفحات هتلاقى ان كله بيقول ان ال جى افضل وصاحب الموضوع قرر انه يجيب تليفزيون ال جى جديد لان التقنية عجباه

[haitham27]

الاخ!!!!انا مش عارف ايه التعصب الاعمى ده وبعدين انت مقتنع روح اشتري من غير ما تفرض رايك على حدوالغريبة ان انت الوحيد اللي دخل الموضوع وقال ان الباسيف احسن مع ان في موضوع هنا في القسم وفي واحد جرب الباسيف والاكتيف من سامسونج ونيفيديا و قال ان الشاشة دي من سامسونج افضل 3d موجود في مصر

السامسونج لحد دلوقتى احسن فى التو دى والثرى دى على حد سواء