سلام عليكم يا أخ ميدو
بص يا سيدي
أولا بخصوص سؤالك الاولاني
ما هي المكونات اللازمة لعمل هذا وما هي أفضل الأنواع؟
انت هتحتاج ل 2 wireless bridge و 2 Antenna من نوع Yagi مش عارف ال spelling أزاي بس هي بتتنطق ياااجي
بخصوص الانواع عندك , Net Gear, Linksys
أما السؤال التاني
وهضع الاجهزة دية فين في السطح ولا فين عندي في الشركة أيهما أفضل؟
دي بتتوقف علي ال topology بتاعة المكاتب . يعني هل هما في وش بعض ولا في ضهر بعض؟
انا من وجهة نظري الشخصيه أفضل انهما يبقو علي السطح
السؤال الثالت
لو اللي بيركب الشبكه مهندس محترم ( زيي كده :p ) تبقى عمرها ما هتقطع
السؤال الرابع
وهل ممكن يشوشر علي الاشارة وما هي الموجات المستخدمة؟
أيوه ممكن يتشوشر على الاشارة بأستخدام signal generator و من السهل جدا تقفش اللي بيعمل كده باستخدام Spectrum Analyzer و ساعتها أبقى بلغ فيه البوليس و هما هيعرفوا يظبطهولك هناك . انت مش في مصر ؟ هما هيظبطهولك صدقني
الموجات بقى يا سيدي علي حسب انت هتركب انهي تكنولوجيا a ولا b or g
انا انصحك ب g طبعا لانها الاسرع و ساعتها هيبقى عندك 11 موجة أرسال طبعا هتختارها بناء علي الناس اللي حواليك. ممكن جدا تلاقي جارك مستخدم القناة دي .
على العموم النقطه دي هيحددهالك المهندس لانه هيبقى معاه جهاز الاناليزر و هيشوفلك موجه تريحك . علي العموم ااقنوات بتبتدي من 2.4 GHz و انت طالع و دي قنوات مش مرخصه بمعنى ان أي حد ممكن يستخدمها . لو سيادتك عاوز قناه مرخصه هتدخل في متاهات حلوه أوي
لو عاوزني أقولهالك مافيش مانع .. بس مش دلوقتي علشان انا مستعجل
سلام يا أستاذ كوكميدو
المفضلات