يعني كمية جديدة لسه واصله أرض الوطن :D بسعر جديد ٥٦٠ جنيه بدلا من ٦٨٠ جنيه:D بفرق قدره ١٢٠ جنيه ولا عزاء للناس اللي أشتروه من يومين ع السعر القديم زي حالاتي كده ..المشاركة الأصلية كتبت بواسطة games
توكل علي الله وهات السيجيت ال ٢ تيرا الباراكودا ... أداؤه زي الهارد البلاك بالضبط ... ومواصفاته sata 3 - 64 mb buffer - 6gb/sec. زي البلاك بالضبط في الأداء وسعره اليوم ٥٦٠ فعلا وده سعر جامد جدا ... وعن تجربه الهارد ده تحفة بجد بس لو جبته ابقي اعمله firmware update من موقع سيجيت الرسمي علشان بيبقي فيه صوت طقة كده كل فترة وبتروح بعد ما تعمله التحديث ... والله الموفق
يعني كمية جديدة لسه واصله أرض الوطن :D بسعر جديد ٥٦٠ جنيه بدلا من ٦٨٠ جنيه:D بفرق قدره ١٢٠ جنيه ولا عزاء للناس اللي أشتروه من يومين ع السعر القديم زي حالاتي كده ..
شكرا حبيبي لكن كدة اغير رائي انا لا بحب الصوت ولا بحب الابديت ولا وجع القلب الي نعرفوا افضل من الي منعرفهوش
لا يا جميل لا تغير رأيك ولا حاجة ... السيجيت هاردات كويسة وماركة معروفة من التسعينات من أيام البنتيوم ٢ والهاردات الكاوتش ال ٢ جيجا بتاعة زمان :D .. توكل علي الله وموضوع التحديث ده سهل جدا ومش بيتعمل إلا مرة واحدة وخلاص ومش بياخد دقيقتين وعن تجربه .. ولو في أي مساعدة بخصوص الموضوع ده تحت أمرك في أي وقت .. والله ولي التوفيق ... خالص تحياتي
و الله ما عارف بس انا عاوز الهاردات دا للتخزين و ليس الا و جربت ويسترن تمام بس خايف ناس كتير قالتلي الهاردات اليومين دول بايظين استني اول السنة عشان متجبش شئ مضروب
انت مكبر الدنيا قوووووووووووووووي قووووووووووووووووووووي
مفيش أحسن من السي جيت عن تجربة كل الناس و خصوصا موضوع السعر دة خلاة يبقي حاجة تانية مفهاش كلام
مش مكبر الموضوع لكن انا بحت علية داتا مهمة جدا و مش حمل انها تضيع
انا من فترة كنت جايب سيجات كان سريع لكن ياربي علي صوتة عالي جدا
من ساعتها مش بجيب غير الويسترن و خايف اجازف و اوجع قلبي
طيب حد جربوا هنا يا رجالة و سمع لة صوت؟.؟
والله العظيم ملهوش أي صوت :D ما أنا شغال بيه حاليا وزي الفل وملهوش حس كأنه مش موجود في الجهاز أساسا :ah7: .وقبله كنت شغال بالويسترن البلاك وكان بالعكس بأه صوته عالي .. بص .. م الآخر كده لو كان حد جرب الهارد السيجيت ووجده مش تمام وفيه أي مشكلة أكيد كان هيدخل موضوعك ده ويحذرك منه وهو ما لم يحدث وهو خير دليل علي جودة الهاردات دي وعدم وجود مشاكل فيها ... تحديدا الباراكودا ده ... مش كده ولا إيه ؟ لو ناوي تشتري توكل علي الله وهات السيجيت وأنت أحق بفرق الفلوس بينهم ... وبالنسبة لموضوع البيانات ده لو قلقك أوي لانه وارد خطر ضياعها لا قدر الله في أي حال سواء كانت محفوظة علي هارد ويسترن أو سيجيت ده ملهوش علاقة فهو حل من اثنين ... يا تعمل Backup بإستمرار مع الأخذ في الإعتبار تغيير الهارد كل فترة زمنية مناسبة ولتكن سنتين مثلا وذلك تجنبا لظهور قطاعات تالفة بها قد تضر بياناتك ، يا تجيب هارد SSD وتريح نفسك :D مع الإهتمام بجودة مزود الطاقة الخاص بك والذي من شأنه الحفاظ علي القرص الصلب وإطاله عمره الإفتراضي ... أعتذر للإطاله والله الموفق ... تقبل مروري وخالص تحياتي
شوف هقولك على حاجة عشان انت شكلك محتار فعلا..حكاية الهاردات دى معقدة جداا ومينفعش تقارن بين شركتين معروفين اوى فى المجال ده..هاردات سيجات جيدة و هاردات ويسترن جيدة ايضا..ولكن المشكلة فى شحن الهاردات دى لغاية ما توصل للمستهلك واللى ممكن تتعرضله من (صدمات-درجات حرارة عالية)..ممكن الهارد تكون لسه جايبه جديد ويشتغل معاك اسبوع. شهر او شهرين و تبدأ تسمع صوت التكتكة او المعروفة ب Click Of Death ودى معناها ان الهارد فى عداد الموتى..وممكن الهارد يشتغل معاك سنتين تلاتة ولا كأن فيه حاجة ولا تسمع صوت تكتة ولا غيره (مع العلم ان الهارد بتاعى 320G ويسترين جرين والهارد يعمل بكفائة بقاله حوالى سنتين و نصف وانا عادة مش بطفى الجهاز ابدا يعنى الجهاز شئ اساسى عندى فى البيت مش بطفيه
وبالنسبة للبيانات اللى بالنسبة لحضرتك مهمة جداا ياريت تحتفظ بيها على ديفيدهات..صدقنى الهاردات ليها سمعة سيئة جداا اليومين دول و ده السبب فى ارتفاع مبيعات ال SSD
لكن لو محتاج الهارد اتوكل على الله واشترى الهارد اللى يعجبك (مع انى انحاز للويسترين جرين عشان تجربتى معاه ممتازة وبعض تجارب أعضاء المنتديات الأجنبية وبالنسبة للسيجات لم اجربه شخصيا )
اهم شئ الضمان ولو لاحظت اى حاجة من الهارد سواء صوت تكتكة او تهنيج او اى صوت من الهارد رجعه تانى..لأنى زى ما بقولك جهازى بقاله سنتين ونصف تقريبا ولم اسمع اى صوت ولو صغير من الهارد الجرين
شكرا اخواني انا مش عارف كدة احترت عموما الهارد هيكون للتخزين
المشكلة في السجات انو نزل جديد شحنة جديدة غير المركونة من الويسترن و دي مشكلة الركنة و مش عارف بجد انا احترت
يا رجالة انا نزلت سموحة لفيت مش لاقي اي هارد سجبات 2 تيرا ب 550 زي ما حضرتكم بتقولوا؟
فين الكلام دا في اسكندرية؟
غالبا طلعت إشاعة والحقيقة ان احد الشركات المعروفة قامت بوضع السعر 560 جنيه على أحد مواقع أسعار الهاردوير المشهورة وبعدين قامت بتعديله ل 660 جنيه تانى يوم
زعلتني كدة هستني شهر 1 عشان تكون دفعات نزلت جديد
السيجايت احسن هارد توكل على الله
اخر حاجة معلش
Seagate Barracuda ST2000DM001 2TB 7200 RPM SATA 6GB/s 64MB
هل الهارد دا الي تقصد انو لازم تعمل ابديت لة عشان الصوت ؟ ولا واحد اخر و هل حد جرب موضوع الابديت دا ؟
ضوابط المشاركة
المفضلات